<p>Dutch mayor steps up search for his birth mother in Nagpur: నాగ్‌పూర్ వీధుల్లో 41 ఏళ్ల క్రితం మూడు రోజుల పసికందుగా అనాథగా వదిలి పెట్టేసిన ఒక బాలుడు, నేడు నెదర్లాండ్స్‌లో ఒక నగరానికి మేయర్ స్థాయికి ఎదిగారు. తన పుట్టుక గురించి తెలుసుకుని తనను కన్నతల్లి కోసం వెతుక్కుంటూ మళ్ళీ మాతృభూమికి వచ్చారు. కలియుగ కుంతీకర్ణుల కథను తలపించేలా ఉన్న ఈ ఘటన హాట్ టాపిక్ గా మారింది. విధి విచిత్రం ఏమిటంటే, ఆ కర్ణుడికి అర్జునుడి నామమైన ఫల్గుణ్ అనే పేరు లాంటిదే ఈ మేయర్ కూడా ఉంది ఆయన పేరు ఫల్కో బ్రియెర్. లోకం మారినా, కాలం గడిచినా కన్నతల్లి ప్రేమ కోసం పరితపించే కర్ణుల హృదయం ఎంత గొప్పదో ఈ ఉదంతం మరోసారి చాటిచెబుతోంది.</p>
<p>1984లో నాగ్‌పూర్‌లోని మాతృసేవా సంఘ్ ప్రాంగణంలో ఒక అవివాహిత కుంతి తన పరువు కోసం మూడు రోజుల పసికందును వదిలి వెళ్ళిపోయింది. ఆ అభాగ్యుడిని డచ్ దంపతులు దత్తత తీసుకుని నెదర్లాండ్స్ తీసుకువెళ్లి అల్లారుముద్దుగా పెంచారు. అక్కడ ఆయన పట్టుదలతో చదివి, ప్రస్తుతం హీమ్‌స్టెడ్ (Heemstede) నగరానికి మేయర్‌గా బాధ్యతలు చేపట్టారు. అంగరాజ్యానికి కర్ణుడు రాజైనట్లుగా, పరాయి దేశంలో మేయర్ పదవిని చేపట్టినా, తన మూలాలు ఉన్న మట్టిని, కన్నతల్లిని ఆయన మర్చిపోలేదు. </p>
<blockquote class="twitter-tweet">
<p dir="ltr" lang="en">That's how genetics work <br />The guy is a mayor in Netherland <br />Staying with a Dutch family since birth<br />Must be feeding on high protein diet <br />Still, looking like a man grewup on carbslop <a href="https://t.co/MYf7ONLvBH">pic.twitter.com/MYf7ONLvBH</a></p>
— Alice In Chaos (@Delhiwalididi) <a href="https://twitter.com/Delhiwalididi/status/2011757654377710027?ref_src=twsrc%5Etfw">January 15, 2026</a></blockquote>
<p>తనను కని వదిలేసిన తల్లిపై ఎలాంటి కోపం లేకపోగా, ఆమెను ఒక్కసారైనా చూడాలనే తపనతో ఫల్గుణ్ నాగ్‌పూర్ చేరుకున్నారు. అప్పట్లో తనను చేరదీసిన మాతృసేవా సంఘ్‌ను సందర్శించి, తన తల్లి ఎవరో తెలుసుకునేందుకు సాక్ష్యాధారాల కోసం అన్వేషిస్తున్నారు. నన్ను వదిలేయడానికి ఆమెకు ఎన్ని ఇబ్బందులు ఉన్నాయో నేను అర్థం చేసుకోగలను, కానీ ఆమెను ఒక్కసారి కలిసి నేను బాగున్నానని చెప్పాలనుంది అని ఆయన అంటున్న మాటలు వింటుంటే, కర్ణుడి గొప్పతనం ఏ యుగంలోనైనా వెలకట్టలేనిదని అర్థమవుతుంది.</p>
<p>నిజంగా ఇది అద్భుతమైన కథ. అన్యాయం చేసిన తల్లిని కూడా నిందించకుండా, ఆమె క్షేమం కోరుతూ వెతుకుతున్న ఈ డచ్ మేయర్ రూపంలోని కర్ణుడు మానవత్వానికి నిలువుటద్దం. కన్నప్రేమకు దూరమైనా, కన్నతల్లి గౌరవాన్ని కాపాడే ఈ గుణం చూస్తుంటే, కర్ణుల గొప్పతనం ఎప్పుడూ చరిత్రలో అజరామరంగానే ఉంటుంది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/jobs/ten-ways-to-join-the-indian-navy-234227" width="631" height="381" scrolling="no"></iframe></p>
3 months ago
9 
