<p style="text-align: left;">బాలీవుడ్‌లో రణవీర్ సింగ్ పెద్ద స్టార్‌గా ఎదిగాడనే మాట 'ధురంధర్ 2'తో నిజం అవుతోంది. ఆయన లేటెస్ట్ సినిమా 'ధురంధర్ ది రివెంజ్' బాక్సాఫీస్‌లో భారీ విజయం దిశగా దూసుకు వెళుతోంది. గత రికార్డులు అన్నింటినీ బద్దలు కొట్టింది. సరికొత్త బెంచ్ మార్క్‌లను సెట్ చేసింది. పెయిడ్ ప్రీవ్యూలతో సినిమాకు బ్లాక్‌ బస్టర్ టాక్ లభించింది. ఇక ప్రపంచవ్యాప్తంగా విడుదలైన గురువారంతో పాటు రెండో రోజు శుక్రవారం కూడా బాక్సాఫీస్‌ను కొల్లగొట్టి అన్ని రికార్డులను బద్దలు కొట్టింది. 'ధురంధర్: ది రివెంజ్' విడుదలైన రెండో రోజు ఎంత వసూలు చేసిందో తెలుసుకోండి.</p>
<p style="text-align: left;"><strong>'ధురంధర్ 2' రెండో రోజు ఎంత వసూలు చేసిందంటే?</strong><br />రణవీర్ సింగ్ కథానాయకుడిగా ఆదిత్య ధర్ దర్శకత్వం వహించిన స్పై థ్రిల్లర్ 'ధురంధర్ 2'. ఇది బాక్సాఫీస్ రికార్డులను బద్దలు కొట్టడమే కాదు... హీరో కెరీర్ గ్రాఫ్‌ను తిరగ రాస్తోంది. పలు సినిమాలు టోటల్ రన్‌లో 100 కోట్ల మార్కును చేరుకోవడానికి కష్టపడుతుండగా... 'ధురంధర్ 2' కేవలం 48 గంటల్లో రణవీర్ సింగ్ కెరీర్‌ను పీక్స్‌కు తీసుకు వెళ్ళింది. బాలీవుడ్ బడా బడా సూపర్ స్టార్స్ సినిమాలు కూడా సాధించలేని కలెక్షన్లు సాధించి చూపించింది. రెండు రోజుల్లో ఈ సినిమా నెట్ కలెక్షన్ రూ. 200 కోట్లు దాటింది.</p>
<ul style="text-align: left;">
<li>'ధురంధర్ 2' సినిమా వసూళ్ల గురించి చెప్పాలంటే... పెయిడ్ ప్రీవ్యూ షోల ద్వారా రూ. 43 కోట్లు వసూలు చేసింది.</li>
<li>ఆ తర్వాత మొదటి రోజున (గురువారం నాడు) రూ. 102.55 కోట్లు వసూలు చేసింది.</li>
<li>సాల్కనిక్ నివేదిక ప్రకారం... విడుదలైన రెండో రోజు 'ధురంధర్ 2' రూ. 80.72 కోట్లు వసూలు చేసింది.</li>
<li>ఇందులో హిందీ వెర్షన్ వసూళ్లు ఎక్కువ. కేవలం హిందీ నుంచి రూ. 78.94 కోట్లు వసూలు చేసింది.</li>
<li>ఆ తర్వాత కన్నడలో రూ. 3 లక్షలు, మలయాళంలో రూ 1 లక్ష, తమిళంలో రూ. 44 లక్షలు, తెలుగులో రూ. 1.30 కోట్లు వసూలు చేసింది.</li>
<li>దాంతో ఈ సినిమా పెయిడ్ ప్రీవ్యూ షోల వసూళ్లతో కలిపి మొత్తం రూ. 226.27 కోట్లు వసూలు చేసింది.</li>
</ul>
<p>Also Read<strong>: <a title="Ustaad Bhagat Singh Collections - 'ఉస్తాద్ భగత్ సింగ్' కలెక్షన్లు... 'ధురంధర్ 2' దెబ్బకు నిలబడిందా? రెండో రోజు బాక్సాఫీస్‌లో షాక్" href="https://telugu.abplive.com/entertainment/cinema/ustaad-bhagat-singh-box-office-day-2-pawan-kalyan-movie-sees-huge-dip-after-strong-opening-amid-dhurandhar-2-241612" target="_self">Ustaad Bhagat Singh Collections - 'ఉస్తాద్ భగత్ సింగ్' కలెక్షన్లు... 'ధురంధర్ 2' దెబ్బకు నిలబడిందా? రెండో రోజు బాక్సాఫీస్‌లో షాక్</a></strong></p>
<p style="text-align: left;">విడుదలైన 48 గంటల్లోనే ధురంధర్ 2 చరిత్ర సృష్టించింది. కేవలం రెండు రోజుల్లో 200 కోట్ల క్లబ్‌లో ప్రవేశించడమే కాదు... రణవీర్ సింగ్ టాప్ 5 సినిమాల్లో కూడా చేరింది. 'బాజీరావు మస్తానీ' లైఫ్‌ టైమ్ కలెక్షన్‌ (రూ.184 కోట్ల)ను అధిగమించింది. ఇప్పుడు మూడో రోజు కలెక్షన్లతో 'సింబా' (రూ. 240.22 కోట్లు) మార్కును అధిగమించే అవకాశం ఉంది.</p>
<p style="text-align: left;"><strong>రణవీర్ కెరీర్‌లో టాప్ 10 సినిమాలు (ఇండియా నెట్ కలెక్షన్)</strong></p>
<ul style="text-align: left;">
<li>ధురంధర్: రూ. 894.49 కోట్లు</li>
<li>పద్మావత్: రూ. 300.26 కోట్లు</li>
<li>సింబా: రూ. 240.22 కోట్లు</li>
<li>ధురంధర్ 2: రూ. 226.27 కోట్లు* (2 రోజుల్లో)</li>
<li>బాజీరావు మస్తానీ: రూ. 184 కోట్లు</li>
<li>రాకీ ఔర్ రాణి కి ప్రేమ్ కహాని: రూ. 153.30 కోట్లు</li>
<li>గల్లీ బాయ్: రూ.139.38 కోట్లు</li>
<li>రామ్ లీలా: రూ.117.53 కోట్లు</li>
<li>83: రూ.102 కోట్లు</li>
<li>దిల్ ధడక్నే దో: రూ.76.88 కోట్లు</li>
</ul>
<p style="text-align: left;">ఇప్పుడు 'ధురంధర్ 2' సినిమా ఈద్ వీకెండ్‌లోకి ఎంటర్ అవుతోంది. రంజాన్ సందర్భంగా మరింత వసూలు చేసే అవాకాశం ఉంది. మొదటి రోజు రూ. 100 కోట్లకు పైగా వసూలు చేసి అద్భుతమైన ఓపెనింగ్ సాధించింది. శని, ఆది వారాల్లో కూడా భారీ వసూళ్లు వస్తాయని అంచనా వేస్తున్నారు. ట్రేడ్ నిపుణుల అభిప్రాయం ప్రకారం... ఈ సినిమా ఫస్ట్ వీకెండ్‌లో ప్రపంచ వ్యాప్తంగా రూ. 500 కోట్ల క్లబ్‌లో చేరే అవకాశం ఉంది.</p>
<p style="text-align: left;">Also Read<strong>: <a title="Anirudh Concert Hyderabad: హైదరాబాద్‌లో అనిరుధ్ మ్యూజికల్ కాన్సర్ట్ - టైమ్, వెన్యూ నుంచి పార్కింగ్ వరకు డీటెయిల్స్ తెలుసా?" href="https://telugu.abplive.com/entertainment/cinema/anirudh-hyderabad-concert-today-time-venue-parking-ticket-details-you-must-know-241596" target="_self">Anirudh Concert Hyderabad: హైదరాబాద్‌లో అనిరుధ్ మ్యూజికల్ కాన్సర్ట్ - టైమ్, వెన్యూ నుంచి పార్కింగ్ వరకు డీటెయిల్స్ తెలుసా?</a></strong></p>
<p style="text-align: left;"><iframe class="vidfyVideo" style="border: 0px;" src="https://telugu.abplive.com/web-stories/cinema/sara-arjun-journey-as-child-artist-in-south-cinema-before-dhoorandhar-euphoria-236788" width="631" height="381" scrolling="no"></iframe></p>
3 weeks ago
2 
