<p><strong>Dhanush's Kara Trailer Review In Telugu : </strong>కోలీవుడ్ స్టార్ ధనుష్ మరో డిఫరెంట్ మూవీతో ప్రేక్షకుల ముందుకు రాబోతున్నారు. పశ్చిమాసియాలో యుద్ధ పరిస్థితులు, పెట్రోల్, గ్యాస్ కొరతను ముందే అంచనా వేశారా అనేట్లుగా ఆయన లేటెస్ట్ యాక్షన్ ఎంటర్టైనర్ 'కర' ట్రైలర్ ట్రెండ్ అవుతోంది. ఈ మూవీ టైటిల్‌పై వస్తున్న విమర్శలపై ధనుష్ తాజా ఈవెంట్‌లో రియాక్ట్ అయ్యారు.</p>
<p><strong>బ్యాంక్ దొంగగా ధనుష్</strong></p>
<p>ఈ మూవీలో ఓ బ్యాంక్ దొంగ 'కారాసామి' అనే పాత్రలో ధనుష్ నటిస్తున్నారు. 'ఓ రాత్రి అతను బ్యాంకులో చొరబడి దోచుకున్నాడు. ఆ మరుసటి రోజే మరో బ్యాంకును దోపిడీ చేశాడు. అంటే అతనికి కచ్చితంగా ఏదో అవసరం ఉండే ఉంటుంది.' అంటూ ట్రైలర్ రిలీజ్ చేశారు మేకర్స్. పవర్ ఫుల్ మాస్ రోల్‌లో ధనుష్ లుక్ అదిరిపోయింది. </p>
<p>1990ల కాలం నాటి పరిస్థితులు, గల్ఫ్ యుద్ధం టైంలో రామనాథపురం నేపథ్యంలో సాగే పీరియాడికల్ క్రైమ్ డ్రాన్ 'కర' అని తెలుస్తోంది. అయితే, ప్రస్తుతం పశ్చిమాసియాలో యుద్ధ పరిస్థితుల కారణంగా... ట్రైలర్‌లో ఆ సీన్స్ సింక్ అవుతుండడంతో 'ధనుష్ యుద్ధాన్ని ముందే ఊహించారా?' అంటూ ఫ్యాన్స్ కామెంట్స్ చేస్తున్నారు. 'అతను ఈ రోజు కచ్చితంగా దొరికిపోతాడు' అంటూ ట్రైలర్లో డైలాగ్స్ సస్పెన్స్ క్రియేట్ చేస్తున్నాయి.</p>
<p><iframe title="KARA - Official Trailer | Releasing at PVR INOX on 30th April " src="https://www.youtube.com/embed/YVblplElam0" width="805" height="453" frameborder="0" allowfullscreen="allowfullscreen"></iframe></p>
<p><strong>Also Read : <a title="ఓటీటీలోకి ఇండియాస్ ఫస్ట్ మోటో క్రాస్ మూవీ - శర్వా బైకర్ ఎప్పటి నుంచి స్ట్రీమింగ్ కావొచ్చంటే?" href="https://telugu.abplive.com/entertainment/ott-webseries/biker-ott-release-date-when-to-watch-sharwanand-malavika-nayar-sports-drama-on-netflix-244805" target="_self">ఓటీటీలోకి ఇండియాస్ ఫస్ట్ మోటో క్రాస్ మూవీ - శర్వా బైకర్ ఎప్పటి నుంచి స్ట్రీమింగ్ కావొచ్చంటే?</a></strong></p>
<p>ఈ మూవీ 'పోర్ తోజిల్' ఫేం విఘ్నేష్ రాజా దర్శకత్వం వహించగా... ధనుష్ సరసన మమితా బైజు సెల్లి అనే పాత్రలో కనిపించనున్నారు. వీరితో పాటు జయరామ్, సూరజ్ వెంజరమూడు, కేఎస్ రవికుమార్, కరుణాస్ కీలకపాత్రలు పోషించారు. జీవీ ప్రకాష్ కుమార్ మ్యూజిక్ అందించగా... వేల్స్ ఫిల్మ్ ఇంటర్నేషనల్ బ్యానర్‌పై ఇషారి కె గణేష్ నిర్మించారు. ఈ నెల 30న సినిమా ప్రేక్షకుల ముందుకు రానుంది.</p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/entertainment/here-are-the-top-trendy-collections-from-mamitha-baiju-wardrobe-154326" width="631" height="381" scrolling="no"></iframe></strong></p>
1 month ago
6 
