Dangerous bike smoke: బైక్ ఆన్ చేసి గదిలో ఉంచితే ప్రాణాలు మిగలవు - పుంగనూరు ఘటనలో జరిగింది ఇదే - ఎందుకంటే ?

<p><strong>Is bike smoke dangerous:</strong> బైక్ ఇంజిన్ నుంచి వచ్చిన పొగ వల్ల నలుగురు చనిపోయిన ఘటన &nbsp; చాలా మందిని దిగ్భ్రాంతికి గురిచేసింది. సాధారణంగా బైక్ ఇంజిన్ నుంచి వచ్చే పొగ ప్రాణాలను తీస్తుందని ఎవరూ ఊహించరు. అయితే, మూసి ఉన్న గదుల్లో లేదా గాలి ఆడని ప్రదేశాల్లో వాహనాన్ని ఎక్కువ సేపు ఆన్ చేసి ఉంచినప్పుడు వెలువడే వాయువులను &nbsp;సైలెంట్ కిల్లర్స్ &nbsp;అని పిలుస్తారు. అదే నలుగురు ప్రాణాలను తీసింది.</p> <p><strong>ఆ పొగ ఎందుకు ప్రమాదకరం?&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;</strong></p> <p>బైక్ లేదా ఏదైనా వాహన ఇంజిన్ పనిచేస్తున్నప్పుడు పెట్రోల్ అసంపూర్తిగా దహనం చెందడం వల్ల &nbsp;కార్బన్ మోనాక్సైడ్ &nbsp;అనే విషవాయువు వెలువడుతుంది. ఈ వాయువుకు రంగు, రుచి, వాసన ఉండవు. అందుకే గదిలో ఈ వాయువు నిండినట్లు కూడా ఎవరూ గుర్తించలేరు. కిటికీలు, తలుపులు మూసి ఉన్న ఇరుకైన ప్రదేశంలో బోర్ వేయించిన కొత్త బైక్ ఇంజిన్&zwnj;ను పరీక్షించే క్రమంలో దానిని ఎక్కువ సేపు ఆన్ చేసి ఉంచితే, గదిలోని ఆక్సిజన్ తగ్గిపోయి కార్బన్ మోనాక్సైడ్ స్థాయిలు వేగంగా పెరుగుతాయి.</p> <p><strong>ప్రాణాంతకం కార్బన్ మోనాక్సైడ్</strong></p> <p>కార్బన్ మోనాక్సైడ్ ప్రాణాపాయకరంగా మారడానికి ప్రధాన కారణం అది మన రక్తంలోని హీమోగ్లోబిన్ &nbsp;తో జరిపే ప్రతిచర్య. సాధారణంగా హీమోగ్లోబిన్ ఆక్సిజన్&zwnj;ను మోసుకెళ్తుంది. కానీ ఆక్సిజన్ కంటే కార్బన్ మోనాక్సైడ్ హీమోగ్లోబిన్&zwnj;తో 200 నుండి 250 రెట్లు &nbsp;వేగంగా బంధాన్ని ఏర్పరుచుకుంటుంది. దీనివల్ల రక్తంలో కార్బాక్సీహీమోగ్లోబిన్ ఏర్పడుతుంది. ఫలితంగా రక్తానికి ఆక్సిజన్&zwnj;ను శరీర భాగాలకు చేరవేసే సామర్థ్యం నశిస్తుంది. దీనినే వైద్య పరిభాషలో &nbsp;కెమికల్ యాస్ఫిక్సియేషన్ అంటారు.</p> <p><strong>నిద్రలో ఉన్నప్పుడు.. గుర్తించేలోపే ప్రాణం పోతుంది!&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;</strong></p> <p>ఈ విషవాయువు పీల్చినప్పుడు మొదట తలనొప్పి, కళ్లు తిరగడం, వాంతులు రావడం వంటి లక్షణాలు కనిపిస్తాయి. అయితే నిద్రలో ఉన్నప్పుడు లేదా మద్యం మత్తులో ఉన్నప్పుడు ఈ వాయువు శరీరంలోకి చేరితే, బాధితులు అసలు గుర్తించే లోపే స్పృహ కోల్పోతారు. మెదడు , గుండెకు ఆక్సిజన్ అందకపోవడంతో నిమిషాల వ్యవధిలోనే మరణం సంభవిస్తుంది.&nbsp; పుంగనూరు ఘటనలో కూడా మూసి ఉన్న &nbsp;గదిలో ఇంజిన్ పొగ నిండిపోవడం వల్లే బాధితులు ఊపిరాడక ప్రాణాలు కోల్పోయారు.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;</p> <p>ముఖ్యంగా బోర్ చేయించిన వాహనాల ఇంజిన్లు సెట్ అవ్వడానికి ఎక్కువ సేపు ఆన్ చేసి ఉంచుతారు, ఇలాంటప్పుడు తప్పనిసరిగా గాలి వెలుతురు ధారాళంగా ఉండే బహిరంగ ప్రదేశాల్లోనే వాహనాన్ని ఉంచాలి. ఇలాంటి ప్రాథమిక జాగ్రత్తలు పాటించకపోవడం వల్లే ఇలాంటి విషాదాలు జరుగుతుంటాయి.&nbsp; &nbsp; &nbsp; &nbsp; &nbsp; &nbsp; &nbsp; &nbsp;</p> <p><iframe class="vidfyVideo" style="border: 0px;" src="https://telugu.abplive.com/web-stories/health/are-eggs-vegetarian-or-non-vegetarian-240883" width="631" height="381" scrolling="no"></iframe></p>