<p style="text-align: justify;">IPL 2026 కీలకమైన లీగ్ మధ్యలోనే చెన్నై సూపర్ కింగ్స్ (CSK)కి పెద్ద ఎదురుదెబ్బ తగిలింది. టీమిండియా అండర్ 19 కెప్టెన్, సీఎస్కే జట్టు యువ స్టార్ బ్యాటర్ ఆయుష్ మాత్రే (Ayush Mhatre) మొత్తం సీజన్ నుంచే వైదొలిగాడు. ఫ్రాంచైజీ అధికారికంగా మాత్రే వైదొలిగినట్లు అధికారికంగా ప్రకటించింది. చెన్నై ఇప్పటికే బ్యాడ్ స్టేజీలో ఉంది. ఇప్పటికే 6 మ్యాచ్‌లలో కేవలం 2 మాత్రమే గెలిచింది. ధోనీ లేని జట్టు 4 మ్యాచ్‌లలో ఓడిపోయింది. </p>
<p style="text-align: justify;">మాత్రే ఐపీఎల్ ఈ సీజన్‌ నుంచి పూర్తిగా వైదొలిగాడని ఫ్రాంచైజీ సోషల్ మీడియాలో అధికారిక ప్రకటన విడుదల చేసింది. ‘ఏప్రిల్ 18న సన్‌రైజర్స్ హైదరాబాద్‌తో జరిగిన మ్యాచ్‌లో బ్యాటింగ్ చేస్తుండగా ఎడమ తొడ కండరానికి గాయం కావడంతో ఆయుష్ మ్హాత్రే IPL 2026 మిగిలిన మ్యాచ్‌లకు అందుబాటులో ఉండడు. అతడి గాయం నయం కావడానికి 6 నుంచి 8 వారాల టైం పడుతుంది’ అని తెలిపింది. </p>
<blockquote class="twitter-tweet">
<p dir="ltr" lang="en">Official Announcement <br /><br />Ayush Mhatre has been ruled out of the remainder of IPL 2026 due to a left hamstring injury sustained while batting during the match against Sunrisers Hyderabad on April 18.<br /><br />Ayush's injury will require a rehabilitation period of 6-12 weeks.<br /><br />We wish Ayush… <a href="https://t.co/7bGrFvqjY9">pic.twitter.com/7bGrFvqjY9</a></p>
— Chennai Super Kings (@ChennaiIPL) <a href="https://twitter.com/ChennaiIPL/status/2046515543780540719?ref_src=twsrc%5Etfw">April 21, 2026</a></blockquote>
<p style="text-align: justify;">
<script src="https://platform.twitter.com/widgets.js" async="" charset="utf-8"></script>
</p>
<h3 style="text-align: justify;">చెన్నై జట్టులో అత్యధిక పరుగులు </h3>
<p style="text-align: justify;">ఈ సీజన్‌లో ఆయుష్ మాత్రే చెన్నై తరపున లీగ్ స్టేజీలో 6 మ్యాచ్‌లు ఆడాడు. 6 ఇన్నింగ్స్‌లలో బ్యాటింగ్ చేసిన అతడు 33.50 సగటుతో 177.87 స్ట్రైక్ రేట్‌తో 201 పరుగులు సాధించాడు. ఈ మ్యాచులలో అతడు 2 అర్ధ శతకాలు సాధించాడు. ఇందులో అత్యధిక స్కోరు 73 పరుగులు. కాగా ఇప్పటివరకు చెన్నై జట్టులో అత్యధిక పరుగులు చేసిన బ్యాటర్ మాత్రేనే. ఈ జాబితాలో వికెట్ కీపర్ బ్యాట్స్‌మన్ సంజు సామ్సన్ 192 పరుగులతో జట్టు తరఫున రెండో స్థానంలో ఉన్నాడు. </p>
<h3 style="text-align: justify;">ఆయుష్ మాత్రే IPL కెరీర్ </h3>
<p style="text-align: justify;">ఆయుష్ మాత్రే గత సీజన్ అంటే 2025లో IPLలో అరంగేట్రం చేశాడు. 2 సీజన్లలోనూ అతను చెన్నై జట్టులో ఉన్నాడు. ఓపెనర్ ఇప్పటివరకు టోర్నమెంట్‌లో 13 మ్యాచ్‌లు ఆడగా అతను 33.92 సగటుతో, 183.75 స్ట్రైక్ రేట్‌తో 441 పరుగులు చేశాడు. 3 అర్ధ సెంచరీలు చేయగా.. ఇందులో అత్యధిక స్కోరు 94 పరుగులు. ఏ బెరుకు లేకుండా అంతర్జాతీయ బౌలర్లను సైతం ఆడేయడం ప్లస్ పాయింట్. </p>
<p style="text-align: justify;"> </p>
1 month ago
6 
