<p><strong>Chiranjeevi Recommends Rajasekhar For Nyayam Kosam Movie : </strong>ఇండస్ట్రీలో ఒక హీరో కోసం అనుకున్న రోల్ అనివార్య కారణాలతో లాస్ట్ మినిట్‌లో వేరే హీరో చేయడం అనేది కామన్. అయితే, తాను చేయాలనుకున్న రోల్ ఓ స్టార్ హీరో చేస్తాడని భావించినా... ఆయన రికమెండేషన్‌తో తనకే ఆ ఛాన్స్ దక్కడం నిజంగా చాలా అరుదు. అలా ఓ మంచి ఛాన్స్ దక్కించుకున్నారు హీరో రాజశేఖర్. ఇంతకూ ఆ రికమెండ్ చేసిన హీరో మెగాస్టార్ చిరంజీవి. దీని వెనుక స్టోరీ ఏంటంటే...</p>
<p><strong>సీబీఐ ఆఫీసర్ పాత్రలో...</strong></p>
<p>'ఒరు సీబీఐ డైరీ కురిప్పు' అనే మలయాళ చిత్రం అప్పట్లో మద్రాస్‌లో రిలీజై సెన్సేషన్ క్రియేట్ చేసింది. దీంతో నటుడు రాజశేఖర్ ఆ మూవీని తన చిత్ర నిర్మాతల్లో ఎవరితోనైనా ఆ చిత్ర హక్కులను కొనిపించి ఆ సినిమాలో నటించాలని ప్లాన్ చేశారు. అయితే, అప్పటికే ఫేమస్ ప్రొడ్యూసర్ అల్లు అరవింద్ ఆ చిత్ర హక్కుల్ని కొనేశారని తెలిసింది. దీంతో చిరంజీవితోనే ఆ సినిమా తీస్తారని భావించి... ఆయన చాలా లక్కీ అంటూ మనసులోనే అనుకున్నారు. ఆ తర్వాత ఆ సంగతే మర్చిపోయారు.</p>
<p><strong>మెగాస్టార్ రికమెండేషన్‌తో...</strong></p>
<p>ఆ తర్వాత కొన్ని రోజులకు ఓ మూవీ 100 డేస్ ఈవెంట్‌లో అల్లు అరవింద్ మాటల మధ్యలో 'ఒరు సీబీఐ డైరీ కురిప్పు' రైట్స్ తాను తీసుకున్నట్లు చెప్పి మూవీలో నటించాలని రాజశేఖర్‌ను అడిగారట. దీంతో ఎంతో సంతోషపడ్డ ఆయన నటించేందుకు ఓకే చెప్పారు. అలా తెలుగులో 'న్యాయం కోసం' మూవీ తెరకెక్కింది. రవిరాజా పినిశెట్టి దర్శకత్వం వహించిన ఈ సినిమాలో సీబీఐ ఆఫీసర్‌గా రాజశేఖర్ నటించారు. ఆయన సరసన సీత నటించారు. అప్పట్లో ఈ మూవీ ఘన విజయం సాధించింది.</p>
<p>'న్యాయం కోసం' మూవీ షూటింగ్ పూర్తైన తర్వాత రాజశేఖర్... అల్లు అరవింద్‌తో... 'మీరు మూవీ రైట్స్ తీసుకుంటే కచ్చితంగా చిరంజీవి గారితోనే సినిమా తీస్తారని అనుకున్నా. కానీ నాకు మూవీలో ఇంత మంచి క్యారెక్టర్ ఇచ్చినందుకు థాంక్స్' అని చెప్పారు. దీనిపై రియాక్ట్ అయిన అల్లు అరవింద్... 'ఫస్ట్ చిరంజీవితోనే మూవీ తీద్దామని అనుకున్నాం. కానీ ఆయనకు కాల్షీట్స్ సమస్య వచ్చింది. దీంతో ఆయన మీ పేరు సజ్జెస్ట్ చేశారు.' అని చెప్పారు.</p>
<p><strong>Also Read : <a title="ఓటీటీలోకి సస్పెన్స్ థ్రిల్లర్ సిరీస్ 'డాటరాఫ్ ప్రసాదరావు' - ఎప్పుడు, ఎందులో స్ట్రీమింగ్ అంటే?" href="https://telugu.abplive.com/entertainment/ott-webseries/daughter-of-prasad-rao-ott-release-date-when-to-watch-rajeev-kanakala-udaya-bhanu-suspense-thriller-on-zee5-238544" target="_self">ఓటీటీలోకి సస్పెన్స్ థ్రిల్లర్ సిరీస్ 'డాటరాఫ్ ప్రసాదరావు' - ఎప్పుడు, ఎందులో స్ట్రీమింగ్ అంటే?</a></strong></p>
<p><strong>మెగాస్టార్‌కు థాంక్స్</strong></p>
<p>ఈ విషయం తెలియగానే రాజశేఖర్ చిరంజీవి దగ్గరకు స్వయంగా వెళ్లి కృతజ్ఞతలు తెలిపారు. ఆ తర్వాత జరిగిన 'న్యాయం కోసం' అభినందనల సభలో ఈ విషయాన్ని రాజశేఖర్ స్వయంగా వెల్లడించారు. అలా 'న్యాయం కోసం' మూవీలో సీబీఐ రోల్‌లో రాజశేఖర్ ఫిక్స్ అయ్యారు. 1988 నవంబర్ 24న రిలీజ్ అయిన ఈ మూవీ మంచి విజయం సాధించింది. రాజశేఖర్, సీతలతో పాటు బ్రహ్మానందం, సుధాకర్, అల్లు రామలింగయ్య, కైకాల సత్యనారాయణ తదితరులు కీలకపాత్రలు పోషించారు. </p>
<p><strong>Also Read : <a title="యశ్ 'టాక్సిక్' టీజర్ డేట్, టైం ఫిక్స్ - వెయిటింగ్ ఫర్ బిగ్ యాక్షన్ ఎక్స్‌పీరియన్స్" href="https://telugu.abplive.com/entertainment/cinema/toxic-movie-teaser-release-date-time-locked-yash-kiara-advani-action-thriller-to-release-on-19th-march-2026-238570" target="_self">యశ్ 'టాక్సిక్' టీజర్ డేట్, టైం ఫిక్స్ - వెయిటింగ్ ఫర్ బిగ్ యాక్షన్ ఎక్స్‌పీరియన్స్</a></strong></p>
<p> </p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/cinema/chiranjeevi-non-telugu-movies-tollywood-megastar-starred-in-eight-other-language-films-here-is-full-list-217650" width="631" height="381" scrolling="no"></iframe></strong></p>
1 month ago
7 
