<p><strong>Cheapest 7 Seater Cars India 2025:</strong> భారతదేశంలో 3 వరుసలు/ 7 సీట్ల కార్లకు డిమాండ్‌ ఎప్పటికప్పుడు పెరుగుతోంది. పెద్ద కుటుంబాలు ఎక్కువగా ఉండే మన తెలుగు రాష్ట్రాల్లో ఈ సెగ్మెంట్‌కి ప్రత్యేక ఆదరణ ఉంది. తక్కువ బడ్జెట్‌లో ఎక్కువ మంది కంఫర్ట్‌గా ప్రయాణించడానికి, 3 వరుసలుగా ఉండే 7 సీటర్ కార్లు సరైన ఎంపిక. మార్కెట్లో ప్రస్తుతం వివిధ కంపెనీల నుంచి MPVలు, SUVలు అందుబాటులో ఉన్నాయి. </p>
<p><strong>1. Renault Triber</strong> (₹5.76 లక్షలు – ₹8.60 లక్షలు, ఎక్స్‌-షోరూమ్‌)<br />1.0 లీటర్ పెట్రోల్ – 72hp పవర్‌<br />దేశంలోనే అత్యంత చవకైన 7 సీటర్ కార్ అంటే ముందు చెప్పాల్సింది దీని గురించే. మూడు వరుసల సీటింగ్, మధ్య వరుస 60:40 స్ప్లిట్, స్లైడ్ & రిక్లైన్ ఆప్షన్లు, చివరి వరుసను పూర్తిగా తీసేయగలిగే అవకాశాలు - ఇవన్నీ ఈ కార్‌ను బడ్జెట్ ఫ్యామిలీ సెగ్మెంట్‌లో బెస్ట్‌గా నిలబెడతాయి.</p>
<p><strong>2. Mahindra Bolero</strong> (₹7.99 లక్షలు – ₹9.69 లక్షలు)<br />1.5 లీటర్ డీజిల్ – 76hp <br />గ్రామీణ ప్రాంతాల్లో అత్యంత పాపులర్ 7 సీటర్ SUV. రఫ్ రోడ్లపై బోలెరో పనితీరు అద్భుతం. కానీ ఇంటీరియర్ మాత్రం సాదాసీదాగా ఉంటుంది. మూడో వరుసలో సైడ్-ఫేసింగ్‌ సీట్లు పిల్లలకు మాత్రమే సరిపోతాయి.</p>
<p><strong>3. Mahindra Bolero Neo</strong> (₹8.49 లక్షలు – ₹10.49 లక్షలు)<br />1.5 లీటర్ డీజిల్ – 100hp<br />బోలెరో కంటే మోడర్న్ స్టైల్ ఇంటీరియర్, బెట్టర్ క్వాలిటీ మెటీరియల్స్ ఇచ్చారు. మూడో వరుసలో జంప్ సీట్లు ఉన్నప్పటికీ స్పేస్ పరిమితం. పవర్ మాత్రం బాగుంది.</p>
<p><strong>4. Maruti Ertiga</strong> (₹8.80 లక్షలు – ₹12.94 లక్షలు)<br />1.5 లీటర్ పెట్రోల్ – 103hp<br />ఫ్యామిలీలకు ఎక్కువగా నచ్చే MPV ఇది. పెద్ద సైజ్ విండోలు, కంఫర్ట్‌బుల్ సీట్లు, వెనుక వరుసలో USB-C పోర్టులు, ప్రాక్టికల్ కేబిన్ - ఇవన్నీ ఎర్టిగాను హై-వాల్యూమ్ కార్‌గా నిలబెడతాయి.</p>
<p><strong>5. Toyota Rumion</strong> (₹10.44 లక్షలు – ₹13.62 లక్షలు)<br />103hp, 1.5-లీటర్ పెట్రోల్<br />ఎర్టిగాకు ఇది ట్విన్ మోడల్. అదే ఇంజిన్, అదే సీటింగ్ లేఅవుట్. కానీ టయోటా బ్యాడ్జ్‌తో వచ్చింది. టయోటా బ్రాండ్ వారంటీ, సేల్స్ నెట్‌వర్క్ అదనపు ప్రయోజనాలు.</p>
<p><strong>6. Kia Carens (</strong>₹10.99 లక్షలు – ₹12.77 లక్షలు)<br />115hp, 1.5-లీటర్ పెట్రోల్; 116hp, 1.5-లీటర్ డీజిల్‌<br />ప్రీమియం ఇంటీరియర్, సులభంగా మూడో వరుసలోకి వెళ్లగలిగే యాక్సెస్ ఉంది, కుటుంబాలకు సూపర్ కంఫర్ట్ ఇస్తుంది. 6 అడుగుల వ్యక్తి కూడా వెనుక వరుసలో సెట్ అవుతాడు.</p>
<p><strong>7. Kia Carens Clavis</strong> (₹11.08 లక్షలు – ₹20.71 లక్షలు)<br />115hp, 1.5-లీటర్ పెట్రోల్; 160hp, 1.5-లీటర్‌ టర్బో పెట్రోల్‌; 116hp, 1.5-లీటర్ డీజిల్‌<br />కారెన్స్‌ ప్రీమియం ఫేస్‌లిఫ్ట్. వెంటిలేటెడ్ సీట్లు, పనోరమిక్ సన్‌రూఫ్, బాస్ మోడ్, 1.5 టర్బో పెట్రోల్ ఆప్షన్ - ఇవన్నీ ఈ మోడల్‌ను సెగ్మెంట్‌లో లగ్జరీ ఆప్షన్‌గా నిలబెడతాయి.</p>
<p><strong>8. Citroen Aircross</strong> (₹11.37 లక్షలు – ₹13.69 లక్షలు)<br />82hp, 1.2-లీటర్ పెట్రోల్; 110hp, 1.2-లీటర్‌ టర్బో పెట్రోల్‌<br />సూపర్ కంఫర్ట్ సీట్లు, మంచి లెగ్‌రూమ్, సీట్లు పూర్తిగా తొలగించే అవకాశం. కానీ చివరి వరుసలో స్పేస్ పిల్లలకు మాత్రమే సరిపోతుంది.</p>
<p><strong>9. Mahindra Scorpio Classic</strong> (₹12.98 లక్షలు – ₹16.70 లక్షలు)<br />130hp, 2.2-లీటర్ డీజిల్‌<br />క్లాసిక్ డిజైన్, పవర్‌ఫుల్ 2.2 డీజిల్ ఇంజిన్. మూడో వరుసలో సైడ్-ఫేసింగ్ సీట్లు ఉన్నప్పటికీ క్రాష్ ప్రొటెక్షన్ తక్కువ.</p>
<p><strong>10. Mahindra Scorpio N </strong>(₹13.20 లక్షలు – ₹24.17 లక్షలు)<br />203hp, 2-లీటర్‌ టర్బో పెట్రోల్‌; 132hp/175hp 2.2-లీటర్ డీజిల్‌<br />క్లాసిక్‌ మోడల్‌తో పోలిస్తే ఇది పూర్తిగా మోడర్న్ వెర్షన్‌. ఫ్రంట్-ఫేసింగ్ సీట్లు, పవర్‌ఫుల్‌ ఇంజిన్ ఆప్షన్లు (175hp డీజిల్, 203hp టర్బో పెట్రోల్), 4x4 ఆప్షన్ దీనిలో ఉన్నాయి. ఈ లిస్ట్‌లో ఉన్న ఏకైక రియల్ 4x4 SUV ఇది.</p>
<p>తెలంగాణ & ఆంధ్రప్రదేశ్‌లో పెద్ద కుటుంబాలు ఎక్కువగా ఉండటంతో 7 సీటర్ కార్లకు డిమాండ్ జోరుగా కొనసాగుతోంది. ₹6 లక్షల నుంచి ప్రారంభమై, మీ బడ్జెట్‌కి తగ్గట్టుగా ఉండే ఈ టాప్ 10 కార్ల నుంచి మీ కుటుంబానికి సరిపోయే ఆప్షన్‌ను సులభంగా ఎంచుకోవచ్చు.</p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
1 week ago
2 
