<p style="text-align: justify;">Budget 125cc Scooters | భారత్‌లో ప్రస్తుతం 125cc స్కూటర్లకు డిమాండ్ క్రమంగా పెరుగుతోంది. రోజువారీ ఆఫీసు జర్నీ సౌకర్యవంతంగా, మైలేజ్-ఫ్రెండ్లీగా, బడ్జెట్‌కు అనుకూలంగా ఉంటాయి. ముఖ్యంగా కాలేజీ, ఆఫీసులకు వెళ్లవలసిన వారికి పబ్లిక్ ట్రాన్స్‌పోర్ట్ కాదనుకుంటే సిటీ జర్నీలో 125cc స్కూటర్లతో జర్నీ ప్రయోజనకరంగా ఉంటుంది. తక్కువ ఖర్చుతో పాటు మంచి మైలేజ్ లభిస్తాయి. ఈ స్కూటర్ల ధర 80 వేల నుంచి ప్రారంభమవుతుంది. ఆ స్కూటీల ధరల వివరాలను ఇక్కడ తెలుసుకోండి. </p>
<h3 style="text-align: justify;">సుజుకి యాక్సెస్ 125</h3>
<p style="text-align: justify;">ఈ లిస్టులో మొదటి స్కూటర్ సుజుకి యాక్సెస్ 125. ఇది కస్టమర్ల ఆదరణ పొందిన 125cc స్కూటర్లలో ఒకటి. దీని కొత్త వెర్షన్ డిజిటల్ మీటర్, స్మార్ట్‌ఫోన్ కనెక్టివిటీ వంటి ఫీచర్లను కలిగి ఉంది. రోజువారీ ఆఫీసు, బిజినెస్ పనుల కోసం ఇది సౌకర్యవంతంగా, సులభంగా ఉంటుంది. ఈ స్కూటర్ ధర బడ్జెట్-ఫ్రెండ్లీగా ఉండం ప్లాస్ పాయింట్. దీని మెయింటనెన్స్ కూడా తక్కువగా ఉంటుంది. సుజుకి యాక్సెస్ స్కూటర్ ధర రూ. 78, 184. </p>
<h3 style="text-align: justify;">TVS జూపిటర్ 125</h3>
<p style="text-align: justify;">ఈ జాబితాలో రెండోది స్కూటర్ TVS జూపిటర్ 125. భారత్‌లో అత్యధికంగా అమ్ముడుపోతున్న స్కూటీలలో ఇది ఒకటి. ఈ స్కూటర్‌లో ఎక్కువ స్టోరేజీ ప్లేస్, కనెక్ట్ చేసిన డిజిటల్ డిస్‌ప్లే ఉన్నాయి. ఇది స్మార్ట్‌ఫోన్‌తో కనెక్ట్ అయ్యి రైడ్ సమాచారాన్ని చూపుతుంది. TVS ఈ స్కూటర్ రోజువారీ ప్రయాణాల కోసం 77 వేల రూపాయల ఎక్స్-షోరూమ్ ధరతో భారత మార్కెట్‌లో అందుబాటులో ఉంది.</p>
<h3 style="text-align: justify;">హోండా యాక్టివా 125</h3>
<p style="text-align: justify;">మూడవ స్కూటర్ హోండా యాక్టివా 125. చాలా సంవత్సరాలుగా భారత్‌లో నమ్మకంగా కస్టమర్లు కొంటున్న స్కూటీలలో ఇది ఒకటి. ఇప్పుడు ఇందులో డిజిటల్ డాష్‌బోర్డ్, స్మార్ట్ ఫీచర్‌ల వంటి కనెక్టివిటీని చేర్చారు. ఇది రైడింగ్‌ను మరింత సులభతరం చేస్తుంది. హోండా యాక్టివా ధర విషయానికి వస్తే ఎక్స్ షోరూమ్ ధర 89,652 రూపాయలు ఉంది. ఆన్ రోడ్ ధర అయితే మరో పదివేల వరకు ఎక్కువ చెల్లించాలి. </p>
<h3 style="text-align: justify;">యమహా ఫాసినో 125</h3>
<p style="text-align: justify;">తక్కువ ధర, బెస్ట్ స్కూటీలలో నాల్గవ స్కూటర్ యమహా ఫాసినో 125 ఉంది. ఇది చాలా తేలికగా అనిపిస్తుంది. స్టైలిష్, మంచి హ్యాండ్లింగ్ కలిగిన స్కూటర్. ఇది డిజిటల్ కన్సోల్‌‌తో వస్తుంది. స్మార్ట్‌ఫోన్‌కు కనెక్ట్ చేయవచ్చు. సిటీలో రోజువారీ ఆఫీసు జర్నీకి ఇది చాలా అనుకూలంగా ఉంటుంది. ఈ యమహా స్కూటర్ ఎక్స్-షోరూమ్ ధర 74,910 రూపాయలు. ఆన్ రోడ్ ధర అయితే ఆర్టీవో ఛార్జీలు, ఇన్సూరెన్స్ లాంటివి కలిపి కొంత మొత్తం పెరుగుతుంది. </p>
<h3 style="text-align: justify;">TVS Ntorq 125</h3>
<p>కస్టమర్లు ఇష్టపడి అధికంగా కొంటున్న స్కూటీలలో TVS Ntorq ఒకటి. మోడ్రన్ టెక్నాలజీ ఫీచర్లు ఎక్కువగా కావాలని కోరుకునే రైడర్‌ల కోసం ఇది సరిపోతుంది. ఇది స్మార్ట్‌ఫోన్ కనెక్ట్ అయి, నావిగేషన్ హెల్ప్, రైడ్ డేటా వంటి ఫీచర్లను కలిగి ఉంది. ఈ స్కూటర్ ఎక్స్-షోరూమ్ ధర 81,250 రూపాయలు కాగా ఆన్ రోడ్ ధరలు ఆయా రాష్ట్రాలు నగరాలను బట్టి మారుతుంటాయి.</p>
<p style="text-align: justify;"> </p>
4 weeks ago
4 
