<p><strong>Top Credit Cards with Cashback:</strong> ఇది ఆన్‌లైన్ యుగం. ఈ బిజీ లైఫ్‌లో సమయాన్ని ఆదా చేసుకోవడం కోసం ప్రజలు బయటకు వెళ్లి షాపింగ్‌ చేయకుండా, ఇంట్లో కూర్చునే వస్తువులను ఆర్డర్ చేస్తున్నారు. దీని కోసం వివిధ బ్యాంక్‌ల క్రెడిట్‌ కార్డ్స్‌ను ఉపయోగిస్తున్నారు. ఈ నేపథ్యంలో, క్రెడిట్ కార్డ్‌లను ఉపయోగించే కస్టమర్‌లు ఆకర్షణీయమైన ప్రయోజనాలను పొందవచ్చు. కోరుకున్న వస్తువును కొంటున్నప్పుడు క్యాష్‌బ్యాక్‌తో పాటు రివార్డ్ పాయింట్‌లను అందించే చాలా రకాల క్రెడిట్ కార్డ్‌లు ఇప్పుడు ప్రజల చేతుల్లో ఉన్నాయి. ఆన్‌లైన్‌ షాపింగ్‌ సమయంలో వాటిని ఉపయోగించి బెనిఫిట్స్‌ పొందొచ్చు.</p>
<p><strong>మంచి క్యాష్‌బ్యాక్ అందించే కొన్ని క్రెడిట్ కార్డ్‌లు ఇవి:</strong></p>
<p><strong>అమెజాన్‌ పే ఐసీఐసీఐ క్రెడిట్ కార్డ్ (Amazon Pay ICICI Bank Credit Card)</strong><br />ఈ క్రెడిట్ కార్డ్‌తో, అమెజాన్‌లో షాపింగ్ చేసే ప్రైమ్ మెంబర్‌లకు 5 శాతం క్యాష్‌బ్యాక్ లభిస్తుండగా, నాన్ ప్రైమ్ మెంబర్‌లకు 3 శాతం క్యాష్‌బ్యాక్ లభిస్తుంది. ఈ కార్డ్‌తో మీరు అమెజాన్‌లో ఎలక్ట్రానిక్ వస్తువులను కొనుగోలు చేస్తే మంచి బెనిఫిట్‌ పొందొచ్చు. అంతేకాదు, ఈ కార్డ్‌పై జాయినింగ్ ఫీజు లేదా యాన్యువల్‌ ఛార్జీ లేదు.</p>
<p><strong>యాక్సిస్ బ్యాంక్ ఏస్ క్రెడిట్ కార్డ్ (Axis Bank ACE Credit Card)</strong><br />ఈ కార్డ్‌ను ఉపయోగించి గూగుల్‌ పే (Google Pay) ద్వారా బిల్లు చెల్లింపులు లేదా రీఛార్జ్ చేస్తే 5 శాతం క్యాష్‌బ్యాక్; స్విగ్గీ (Swiggy), జొమాటో (Zomato) ఓలా (Ola) వంటి ప్లాట్‌ఫామ్‌ల కోసం ఉపయోగిస్తే 4 శాతం క్యాష్‌బ్యాక్ పొందుతారు. ఇవి కాకుండా, ఇతర చెల్లింపులపై 1.50 శాతం క్యాష్‌బ్యాక్ కూడా అందుబాటులో ఉంది.</p>
<p><strong>ఎస్‌బీఐ క్యాష్‌బ్యాక్ క్రెడిట్ కార్డ్ (SBI Cashback Credit Card)</strong><br />ఈ కార్డ్ అన్ని ఆన్‌లైన్ ఖర్చులపై 5 శాతం క్యాష్‌బ్యాక్ ఇస్తుంది. ఈ కార్డ్‌ యాన్యువల్‌ ఫీజ్‌ 999 రూపాయలు. అయితే, మీరు ఒక సంవత్సరంలో రూ. 2 లక్షల కంటే ఎక్కువ ఖర్చు చేస్తే యాన్యువల్‌ ఫీజ్‌ ఉండదు. కార్డుపై వచ్చిన క్యాష్‌బ్యాక్ రెండు రోజుల్లో స్టేట్‌ బ్యాంక్‌ ఖాతాలో జమ అవుతుంది.</p>
<p><strong>హెచ్‌డీఎఫ్‌సీ బ్యాంక్ మిలీనియా క్రెడిట్ కార్డ్ (HDFC Millennia Credit Card)</strong><br />మీరు అమెజాన్‌ (Amazon), ఫ్లిప్‌కార్ట్‌ (Flipkart), మింత్రా (Myntra) వంటి ఆన్‌లైన్ ప్లాట్‌ఫామ్‌లలో ఆన్‌లైన్ కొనుగోళ్ల కోసం ఈ కార్డ్‌ని ఉపయోగిస్తే 5 శాతం క్యాష్‌బ్యాక్ లభిస్తుంది. ఇది కాకుండా, అన్ని ఇతర కేటగిరీల్లో చేసే వ్యయాలపై 1 శాతం క్యాష్‌బ్యాక్ అందుబాటులో ఉంది.</p>
<p><strong>ఫ్లిప్‌కార్ట్ యాక్సిస్ బ్యాంక్ క్రెడిట్ కార్డ్ (Flipkart Axis Bank Credit Card)</strong><br />ఈ కార్డ్‌ను ఉపయోగించి ఫ్లిప్‌కార్ట్‌లోచేసే కొనుగోళ్లపై 5 శాతం క్యాష్‌బ్యాక్ వస్తుంది. స్విగ్గీ, PVR, కల్ట్‌ఫిట్‌ (Cultfit), ఉబెర్‌ (Uber) వంటి ఇతర సైట్‌ల సర్వీస్‌లపై 4 శాతం క్యాష్‌బ్యాక్ పొందుతారు. దీనిని ఉపయోగించి Flipkartలో గాడ్జెట్‌లను కొనుగోలు చేయడం తెలివైన పని. దీని యాన్యువల్‌ ఫీజ్‌ 500 రూపాయలు. ఒక సంవత్సరంలో మీరు రూ. 3.50 లక్షల విలువైన కొనుగోళ్లు జరిపితే ఈ ఫీజ్‌ మాఫీ అవుతుంది.</p>
<p>మరో ఆసక్తికర కథనం: <a title="భలే ఛాన్స్‌, రూ.1600 తగ్గిన బంగారం ధర - మీ ప్రాంతంలో ఈ రోజు పసిడి, వెండి ధరలు ఇవీ" href="https://telugu.abplive.com/business/personal-finance/latest-gold-silver-prices-today-28-december-2024-know-gold-silver-rates-in-your-city-telangana-hyderabad-andhra-pradesh-amaravati-192116" target="_self">భలే ఛాన్స్‌, రూ.1600 తగ్గిన బంగారం ధర - మీ ప్రాంతంలో ఈ రోజు పసిడి, వెండి ధరలు ఇవీ</a> </p>
11 months ago
9 
