<p><strong>England Skipper Rewrites Record Books With Blistering Ton: </strong>సౌతాంప్టన్ వేదికగా శ్రీలంకతో తాజాగా జరిగిన తొలి టీ20 మ్యాచ్‌లో ఇంగ్లాండ్ కెప్టెన్ హ్యారీ బ్రూక్ ఆకాశమే హద్దుగా చెలరేగిపోయాడు. విధ్వంసకర ఇన్నింగ్స్‌తో బ్యాటింగ్ చేస్తూ కేవలం 42 బంతుల్లోనే మెరుపు సెంచరీని నమోదు చేశాడు. మొత్తం 49 బంతుల్లో 114 పరుగులు చేసి నాటౌట్‌గా నిలిచాడు. ఈ ఇన్నింగ్స్‌తో ఒక క్యాలెండర్ ఇయర్‌లో రెండు టీ20 సెంచరీలు సాధించిన ఏకైక ఫుల్ మెంబర్ జట్టు కెప్టెన్‌గా సరికొత్త ప్రపంచ రికార్డును తన ఖాతాలో వేసుకున్నాడు. 2026లో తిరుగులేని ఫామ్‌లో ఉన్న బ్రూక్, అంతర్జాతీయ క్రికెట్‌లో కెప్టెన్‌గా ఒకే ఏడాదిలో అత్యధిక శతకాలు బాదిన రికీ పాంటింగ్ (టెస్టుల్లో ఏడు సెంచరీలు), విరాట్ కోహ్లీ (వన్డేల్లో ఆరు సెంచరీలు) వంటి దిగ్గజాల ఎలైట్ గ్రూప్‌లో స్థానం దక్కించుకున్నాడు. కెప్టెన్‌గా కేవలం 23 ఇన్నింగ్స్‌లలోనే బ్రూక్ రెండు టీ20 శతకాలు పూర్తి చేయగా, రోహిత్ శర్మ, బాబర్ ఆజంలు చెరో మూడు శతకాలతో అగ్రస్థానంలో కొనసాగుతున్నారు.</p>
<blockquote class="twitter-tweet">
<p dir="ltr" lang="en">England extend their winning streak against Sri Lanka in this format to 13 matches, sealing a commanding 119-run victory.<br /><br />Harry Brook led the way with an unbeaten century, while Sonny Baker and the rest of the attack kept Sri Lanka under pressure throughout. 👏🏏<br /><br />(Harry Brook,… <a href="https://t.co/MBEEV0zOM8">pic.twitter.com/MBEEV0zOM8</a></p>
— CricTracker (@Cricketracker) <a href="https://x.com/Cricketracker/status/2100110893359284454?ref_src=twsrc%5Etfw">September 16, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>బట్లర్‌తో 128 పరుగుల భాగస్వామ్యం.. 254 రన్స్ కొట్టిన ఇంగ్లాండ్</strong><br />టాస్ ఓడి బ్యాటింగ్‌కు దిగిన ఇంగ్లాండ్‌కు మాజీ వైట్‌బాల్ సారథి జోస్ బట్లర్ అదిరిపోయే ఆరంభాన్ని ఇచ్చాడు. బట్లర్ 44 బంతుల్లోనే 80 పరుగులు బాది లంక బౌలర్లను హడలెత్తించాడు. మూడో వికెట్‌కు బ్రూక్, బట్లర్ జోడీ ఏకంగా 128 పరుగుల భాగస్వామ్యాన్ని నిర్మించి ఇంగ్లాండ్ స్కోరు బోర్డును పరుగులు పెట్టించింది. దీంతో ఇంగ్లాండ్ నిర్ణీత 20 ఓవర్లలో 254 పరుగుల భారీ స్కోరును నమోదు చేసింది. తన గత మూడు అంతర్జాతీయ టీ20 ఇన్నింగ్స్‌లలో బ్రూక్ ఇండియాపై 79 నాటౌట్, 95 నాటౌట్, ఇప్పుడు లంకపై 114 నాటౌట్ సాధించి మొత్తం 288 పరుగులను 223 స్ట్రైక్ రేట్‌తో నమోదు చేయడం విశేషం.</p>
<p> </p>
<blockquote class="twitter-tweet">
<p dir="ltr" lang="en">England extend their winning streak against Sri Lanka in this format to 13 matches, sealing a commanding 119-run victory.<br /><br />Harry Brook led the way with an unbeaten century, while Sonny Baker and the rest of the attack kept Sri Lanka under pressure throughout. 👏🏏<br /><br />(Harry Brook,… <a href="https://t.co/MBEEV0zOM8">pic.twitter.com/MBEEV0zOM8</a></p>
— CricTracker (@Cricketracker) <a href="https://x.com/Cricketracker/status/2100110893359284454?ref_src=twsrc%5Etfw">September 16, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>సోనీ బేకర్ పేస్ ధాటికి లంక క‌కావిక‌లం..</strong><br />255 పరుగుల భారీ లక్ష్యంతో బరిలోకి దిగిన శ్రీలంక.. ఇంగ్లాండ్ బౌలర్ల ధాటికి ఏ దశలోనూ కోలుకోలేకపోయింది. యువ పేసర్ సోనీ బేకర్ నిప్పులు చెరిగే బంతులతో విరుచుకుపడి కేవలం 12 పరుగులకే 3 వికెట్లు పడగొట్టాడు. జేమీ ఓవర్టన్ రెండు వికెట్లు సాధించి ప్రత్యర్థి వెన్నువిరిచాడు. లంక బ్యాటర్లలో దునిత్ వెల్లలాగే 33 రన్స్ తో ఆఖర్లో కాసేపు పోరాడినా ఫలితం లేకపోయింది. 19వ ఓవర్ ముగిసే సమయానికి లంక జట్టు 135 పరుగులకు ఆలౌటైంది.</p>
<p><strong>1-0తో ఆధిక్యంలోకి ఇంగ్లాండ్.. బ్రూక్ సరికొత్త శకం</strong><br />మొదటి మ్యాచ్‌లో 119 పరుగుల భారీ విజయాన్ని అందుకున్న ఇంగ్లాండ్ మూడు మ్యాచ్‌ల సిరీస్‌లో 1-0తో ఆధిక్యంలోకి దూసుకెళ్లింది. కెప్టెన్‌గా సరికొత్త రికార్డులను తిరగరాస్తున్న హ్యారీ బ్రూక్ తన ఆల్‌రౌండ్ ఆధిపత్యంతో జట్టును విజయపథంలో నడిపిస్తున్నాడు. త‌ర‌వాత మ్యాచ్ కార్డిఫ్ వేదిక‌గా గురువారం జ‌రుగుతుంది.</p>
1 month ago
3 
