<p><strong>Healthy Lifestyle Changes</strong> <strong>To Reduce Cancer Risk</strong> : ప్రపంచంలోని అత్యంత ప్రాణాంతక వ్యాధులలో క్యాన్సర్ ఒకటి. కానీ నిపుణుల అభిప్రాయం ప్రకారం.. దీనికి జన్యువులు మాత్రమే కారణం కాదు. రోజువారీ అలవాట్లు, జీవనశైలి కూడా క్యాన్సర్ ప్రమాదాన్ని గణనీయంగా పెంచగలవు లేదా తగ్గించగలవు అని చెప్తున్నారు. మరి క్యాన్సర్ ప్రమాదాన్ని గణనీయంగా తగ్గించగలిగే కొన్ని అలవాట్ల గురించి ఇప్పుడు తెలుసుకుందాం.</p>
<h3>పొగాకు, ధూమపానం</h3>
<p>ఊపిరితిత్తులు, నోరు, గొంతు, మూత్రపిండాల క్యాన్సర్లతో సహా అనేక క్యాన్సర్లకు ధూమపానం, పొగాకు వాడకం ప్రధాన కారణంగా పరిగణిస్తారు. అందుకే స్మోకింగ్ చేయడం పూర్తిగా మానేయడమే మంచిది. అలాగే ధూమపానం చేయడమే కాదు.. ఇతరులు తాగే పొగకు గురికావడం వల్ల కూడా అంతే ప్రమాదకరమని నిపుణులు చెప్తున్నారు. </p>
<p><strong>Also Read : <a href="https://telugu.abplive.com/lifestyle/online-medical-information-benefits-risks-self-diagnosis-misinformation-medical-warnings-250682" target="_blank" rel="noopener">ఆన్‌లైన్‌లో మెడిసన్స్, రోగాల గురించి తెలుసుకుంటున్నారా? అలసట కూడా క్యాన్సర్ అనేస్తాది జాగ్రత్త</a></strong></p>
<h3>హెల్తీ డైట్</h3>
<p>మీరు రోజూ తినే ఆహారంలో పండ్లు, కూరగాయలు, తృణధాన్యాలకు ప్రాధాన్యత ఇవ్వడం మంచిది. కూరగాయలు, సీజనల్ ఫ్రూట్స్, గ్రీన్ టీ, పసుపు, పీచుపదార్థాలు అధికంగా ఉండే ఆహారాలు క్యాన్సర్ ప్రమాదాన్ని తగ్గించడంలో సహాయపడతాయి. అయితే ప్రాసెస్ చేసిన ఫుడ్, రెడ్ మీట్, డీప్ ఫ్రై చేసిన ఫుడ్స్, షుగర్ అధికంగా ఉండే ఆహారాలకు వీలైనంత వరకు దూరంగా ఉండాలి.</p>
<h3>వ్యాయామం </h3>
<p>శరీరాన్ని చురుకుగా ఉంచుకోవడం ఫిట్‌నెస్‌కు మాత్రమే కాకుండా క్యాన్సర్ నివారణకు కూడా ముఖ్యం. వ్యాయామం, యోగా చేస్తే మనశ్శాంతి, ఒత్తిడిని తగ్గి.. రోగనిరోధక శక్తి మెరుగవుతుంది. తద్వారా క్యాన్సర్ ప్రమాదం తగ్గవచ్చు. </p>
<p><strong>Also Read : <a href="https://telugu.abplive.com/lifestyle/rising-breast-cancer-cases-in-young-women-causes-signs-and-what-you-must-know-246501" target="_blank" rel="noopener">యువతుల్లో పెరుగుతున్న బ్రెస్ట్ క్యాన్సర్.. నిర్లక్ష్యం చేస్తే ప్రమాదం ఎక్కువ, ఇలా గుర్తించండి</a></strong></p>
<h3>డ్రింకింగ్..</h3>
<p>మద్యపానం వల్ల అనేక రకాల క్యాన్సర్లు వస్తాయని పలు పరిశోధనల్లో తేలాయి. అందుకే క్యాన్సర్ నివారణలో భాగంగా మద్యానికి దూరంగా ఉండటం లేదా దాని వినియోగాన్ని తగ్గించుకోవడం ముఖ్యమైన చర్య అని నిపుణులు సిఫార్సు చేస్తున్నారు.</p>
<h3>ఒత్తిడి</h3>
<p>నిరంతర ఒత్తిడి.. రోగనిరోధక శక్తిని తగ్గించి వ్యాధుల ప్రమాదాన్ని పెంచుతాయి. ధ్యానం చేయడం, సంగీతం వినడం, పుస్తకాలు చదవడం, ప్రియమైనవారితో సమయం గడపడం వంటివన్నీ మానసిక బలాన్ని పెంపొందించడానికి సహాయపడతాయి.</p>
<p><strong>Also Read : <a href="https://telugu.abplive.com/lifestyle/stomach-cancer-early-signs-gas-indigestion-stomach-pain-symptoms-243113" target="_blank" rel="noopener">కడుపు క్యాన్సర్ హెచ్చరిక సంకేతాలు ఇవే.. గ్యాస్, అజీర్ణం, పొట్ట నొప్పితో పాటు మరెన్నో</a></strong></p>
<h3>కెమికల్స్తో జాగ్రత్త</h3>
<p>వేడి ఆహారాన్ని ప్లాస్టిక్ పాత్రలలో పెట్టడం, హెయిర్ డైలు, పెయింట్లు, పురుగుమందులకు అధికంగా గురికావడం వంటివి కూడా మానుకోవాలి. ఎందుకంటే వీటిలో క్యాన్సర్‌కు కారణమయ్యే కొన్ని రసాయనాలు ఉంటాయి. </p>
<h3>క్యాన్సర్ లక్షణాలు నిర్లక్ష్యం చేయకండి..</h3>
<p>క్యాన్సర్ ప్రారంభ లక్షణాలు వెంటనే కనిపించవు. కాబట్టి క్రమం తప్పకుండా హెల్త్ టెస్ట్లు చేయించుకోవడం ముఖ్యం. నిరంతరం అలసటగా ఉండటం, ఆకస్మిక బరువు తగ్గడం, రక్తపు వాంతులు, శరీరంలో గడ్డ, లేదా మానని గాయం వంటి లక్షణాలు కనిపిస్తే.. వెంటనే వైద్యుడిని సంప్రదించండి. ఎందుకంటే సమస్యను ముందుగానే గుర్తిస్తే చికిత్స సులభంగా, మరింత ప్రభావవంతంగా ఉంటుంది.</p>
<p><strong>Also Read : <a href="https://telugu.abplive.com/lifestyle/kidney-cancer-cases-rising-in-urban-india-smoking-and-obesity-are-major-risk-factors-says-oncologist-252461" target="_blank" rel="noopener">నగరవాసుల్లో పెరుగుతోన్న కిడ్నీ క్యాన్సర్ కేసులు.. కారణాలు, తీసుకోవాల్సిన జాగ్రత్తలు సూచిస్తోన్న ఆంకాలజిస్ట్</a></strong></p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/lifestyle/oral-cancer-in-non-smokers-what-are-the-possible-causes-257229" width="631" height="381" scrolling="no"></iframe></strong></p>
<div id=":2bw" class="Am aiL Al editable LW-avf tS-tW tS-tY" tabindex="1" role="textbox" spellcheck="false" aria-label="Message Body" aria-multiline="true" aria-owns=":2eb" aria-controls=":2eb" aria-expanded="false">
<div id=":nw" class="Am aiL Al editable LW-avf tS-tW tS-tY" tabindex="1" role="textbox" spellcheck="false" aria-label="Message Body" aria-multiline="true" aria-owns=":xb" aria-controls=":xb" aria-expanded="false">
<p><strong>గమనిక :</strong> ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.</p>
</div>
</div>
2 months ago
3 
