<p><strong>Brahmamudi Serial Today Episode:</strong> శేషు తెలివిగా రాజుకు ఫోన్‌ చేసి సత్యనారాయణ స్వామి వ్రతం చేయించే గుడి ఏదో తెలుసుకుంటాడు. ఆ విషయం అర్థం చేసుకున్న రాజు వెంటనే ఇందుకు కాల్‌ చేస్తాడు. ఇందు కాల్‌ కట్‌ చేస్తుంది. మరోవైపు ఒక్కతే గుడికి వెళ్లిన ఇందును అపర్ణ అనుమానిస్తుంది. పెళ్లి గురించి నిజం చెప్పమని నిలదీస్తుంది. ఇంకా ఇవాళ్టీ బ్రహ్మముడి సీరియల్‌ ఏపిసోడ్‌లో ఏం జరిగిందో ఇప్పుడు తెలుసుకుందాం.</p>
<p><strong>రాజుకు ఫోన్‌ చేసి గుడి గురించి తెలుసుకున్న శేషు</strong></p>
<p>భ్రమరాంబ రెడీ అయి బయటకు వచ్చి శేషుతో అపర్ణ వాళ్లు వెళ్లిన గుడికి వెళ్దామని చెప్తుంది. వాళ్లు ఏ గుడికి వెళ్లారో తనకు తెలియదని శేషు చెబితే తనకు కూడా తెలియదని భ్రమరాంబ చెప్తుంది. అయితే ఎలా తెలుసుకునేది అంటూ భ్రమరాంబ అడిగితే.. ఒక్క నిమిషం ఉండు భ్రమరం నా తెలివి ఉపయోగించి తెలుసుకుంటాను కదా..? అంటూ శేషు వెంటనే రాజుకు కాల్‌ చేసి ఎక్కడున్నావని అడుగుతాడు. రాజు ఆఫీసులో ఉన్నానని చెప్పగానే.. అదేంటి వ్రతం చేయడానికి వెళ్లలేదా అంటాడు. రాజు వెంటనే తేరుకుని కొంచెం అర్జెంట్‌ పని ఉంటే ఆగిపోయాను ఇప్పుడు వెళ్తున్నాని అని చెప్పగానే.. శివాలయమే కదా..? నీకు దగ్గరే అంటాడు. రాజు కాదు వెంకటేశ్వర స్వామి గుడి అని చెప్పారు అంటాడు. శేషు సరేలే అంటూ కాల్‌ కట్‌ చేస్తాడు. చూశావా భ్రమరం నా తెలివి ఉపయోగించి గుడి ఎలా కనుక్కున్నానో అంటాడు. ఇద్దరూ కలిసి కారులో గుడికి బయలుదేరుతారు.</p>
<p><strong>వ్రతం మొదలు పెడతాన్న పంతులు</strong></p>
<p><a title=" <strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self"> <strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p>గుడిలో ఇందు, రాజుల కోసం ఎదురుచూస్తున్న అపర్ణ దగ్గరకు పంతులు వెళ్లి పూజకు టైం అవుతుందని మళ్లీ లేట్‌ చేస్తే రాహుకాలం వస్తుందని మీతో పాటు మరోకరికి వ్రతం చేయిస్తానని చెప్పాను వాళ్లు వచ్చి రెడీగా ఉన్నారు.. మీ వాళ్లు ఇంకా రానట్టు ఉన్నారు కదా..? నేను వెళ్లి వాళ్లతో వ్రతం చేయిస్తాను అని చెప్పి వెళ్లిపోతాడు. అపర్ణ కంగారు పడుతుంది. అప్పుడే ఇందు ఒక్కతే గుడిలోకి వస్తుంది. ఇందును చూసి అపర్ణ కంగారుపడుతుంది. మరోవైపు కారులో గుడికి బయలుదేరిన శేషు, భ్రమరాంబ కారు చెడిపోవడంతో ఆటోలో గుడికి వెళ్తుంటారు.</p>
<p><strong>ఇందును అనుమానించి తిట్టిన అపర్ణ </strong></p>
<p>గుడిలోకి ఇందు ఒక్కతే రావడంతో అపర్ణ అనుమానిస్తుంది. రాజు ఎక్కడని అడుగుతుంది. రాజు రాలేదని.. ఏదో అర్జెంట్‌ పనుందని చెప్పాడు అంటూ ఇందు అనగానే.. అపర్ణ కోపంగా ఇందును తిడుతుంది. అసలు ఏం జరుగుతుంది. మీ ఇద్దరి మధ్య ఉన్న బంధమేంటో నాకు తెలియాలి. మర్యాదగా నిజం ఏంటో చెప్పు.. అంటూ నిలదీయగానే.. ఇందు నిజమే చెప్తున్నాను నాన్నమ్మ అంటుంది. అందుకు అందుకు అపర్ణ నువ్వు అబద్దం చెప్తున్నావు.. ఐశ్వర్య అంటుంటే ఏమో అనుకున్నాను కానీ రాత్రి నువ్వు రాజు విడిగా పడుకోవడం చూశాక నాకు నిజంగానే అనుమానం మొదలైంది అని అపర్ణ చెప్పి తన మీద ఒట్టేసి నిజం చెప్పమంటుంది.</p>
<p><strong>పెళ్లి గురించి నిజం చెప్పిన ఇందు</strong></p>
<p><a title="<strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong>" href="https://telugu.abplive.com/spirituality/dhul-hijjah-2026-the-10-best-days-of-the-islamic-lunar-calendar-last-month-of-zul-hijjah-know-in-details-247866" target="_self"><strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong></a></p>
<p> అపర్ణ తన మీద ఒట్టేసి నిజం చెప్పమనడంతో ఇందు నిజం చెప్తుంది. తనకు రాజుకు పెళ్లి కాలేదని.. రాజు తనకు అద్దెమొగుడని చెప్తుంది. ఇందు మాటలకు అపర్ణ, సుభాష్‌ షాక్‌ అవుతారు. ఇందును చెడామడా తిడుతుంది. చేసిన నిర్వాకం చాలదన్నట్టు మళ్లీ గొప్పగా చెప్తున్నావా..? అంటూ ఇందు చెంప పగులగొడుతుంది. అసలు పరాయి మగాడిని అద్దెమొగుడుగా తెచ్చుకోవడానికి సిగ్గు లేదా నీకు అంటూ తిడుతుంది. అపర్ణ మాటలకు ఇందు ఏడుస్తూ.. నాన్నమ్మ మీకో నిజం చెప్పాలి అంటుంది.</p>
<p><strong>రాజు దుగ్గిరాల వారసుడన్న నిజం చెప్పిన ఇందు</strong></p>
<p>ఇంకా ఏ నిజం చెప్పాలి అన్ని చెప్పావు కదా..? అంటూ అపర్ణ తిడుతుంటే.. నాన్నమ్మ రాజు పరాయి వాడు కాదు.. దుగ్గిరాల వారసుడు.. మన రక్తం.. అని చెప్పగానే.. అపర్ణ, సుభాష్‌ షాక్ అవుతారు. దుగ్గిరాల వారసుడా..? అంటూ అపర్ణ అడిగితే.. అవును నాన్నమ్మ రాజు నీ కూతురు కొడుకు మన ఇంటి బిడ్డ.. మన ఇంటి రక్తం అని నిజం చెప్పగానే.. అపర్ణ, సుభాష్‌ ఆనందంతో ఉబ్బితబ్బిబై పోతారు. ఆనందంతో ఇందును నిజమే చెప్తున్నావా..? అని అడుగుతారు. ఇందు నిజమేనని చెప్పగానే.. అపర్ణ తన నమ్మకమే నిజం అయిందని హ్యాపీగా ఫీలవుతుంది. అప్పుడే రాజు గుడిలోకి వస్తాడు. రాజును చూసి అపర్ణ ఎమోషనల్‌ అవుతుంటే.. ఇందు ఓదారుస్తుంది. ఇంతలో ఇవాళ్టీ ఏపిసోడ్‌ అయిపోతుంది. </p>
<p><a title="<strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong>" href="https://telugu.abplive.com/photo-gallery/lifestyle/who-should-avoid-eating-jamuns-know-the-potential-health-risks-248041" target="_self"><strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong></a></p>
<p> </p>
2 months ago
6 
