<p>బాలీవుడ్ భామ మౌనీ రాయ్ (Mouni Roy) తెలుగులో అంత పాపులర్ కాదు. 'నాగిన్' సీరియల్ కొంత మంది చూసి ఉండొచ్చు. 'బ్రహ్మాస్త్ర'లో విలన్ రోల్ చేశారు. కొన్ని హిందీ సినిమాల్లో స్పెషల్ సాంగ్స్ చేశారు. తెలుగులో మెగాస్టార్ చిరంజీవి 'విశ్వంభర'లోనూ ఐటమ్ సాంగ్ చేశారు. ఇప్పుడీ భామ ప్రస్తావన ఎందుకంటే... ఈ అందాల భామ విడాకుల దిశగా అడుగులు వేస్తున్నట్టు అర్థం అవుతోంది. సోషల్ మీడియాలో మౌనీ రాయ్ డివోర్స్ హింట్ ఇచ్చారు. </p>
<p><strong>ఇన్‌స్టాలో అన్ ఫాలో చేశారు!</strong><br />మౌనీ రాయ్ ఇన్‌స్టా ఫాలోయర్లకు ఆమె భర్త సూరజ్ నంబియార్ కూడా తెలిసే ఉంటారు. వెకేషన్లకు వెళ్ళినప్పుడు భర్తతో దిగిన ఫోటోలను పోస్ట్ చేయడం ఆమెకు అలవాటు. ఆయన వ్యాపారవేత్త. ఇప్పుడు ఈ జంట ఇన్‌స్టాగ్రామ్‌లో ఒకరినొకరు అన్‌ ఫాలో చేసుకున్నారు. సాధారణంగా సెలబ్రిటీలు విడిపోయే ముందు సోషల్ మీడియాలో ఇలా అన్ ఫాలో చేసుకోవడం అలవాటు. చైతన్య, సమంత నుంచి పలువురు బాలీవుడ్ జంటలు ఆ విధంగా చేశాయి. ఇప్పుడు మౌనీ రాయ్ కూడా సేమ్ ట్రెండ్ ఫాలో అయినట్టు కనబడుతోంది.</p>
<p>మౌనీ రాయ్, సూరజ్ నంబియార్ వివాహం 2022 జనవరిలో జరిగింది. నాలుగు సంవత్సరాల వైవాహిక జీవితంలో సమస్యలు ఉన్నాయని, విడాకులు తీసుకోవాలని డిసైడ్ అయినట్టు ఆన్‌లైన్‌లో వార్తలు చక్కర్లు కొడుతున్నాయి. వాటికి బలం ఇచ్చేలా ఇన్‌స్టాలో అన్ ఫాలో చేశారు.</p>
<p><strong>పెళ్లి ఫోటోలు డిలీట్ చేసిన సూరజ్!</strong><br />Suraj Nambiar Deletes Wedding Photos: సూరజ్ నంబియార్ తన ఇన్ స్టాగ్రామ్ నుంచి పెళ్లి ఫోటోలను డిలీట్ చేశారని బాలీవుడ్ వర్గాలు చెబుతున్నాయి. అయితే మౌనీ రాయ్ ప్రొఫైల్‌లో ఇప్పటికీ పెళ్లి ఫోటోలు, అలాగే సూరజ్‌తో కలిసి దిగిన ఫోటోలు - పోస్టులు అలాగే ఉన్నాయి.</p>
<p>Also Read<strong>: <a title="NTR Neel Movie First Glimpse - ఎన్టీఆర్ ఫ్యాన్స్‌కు మిడ్ నైట్ సర్‌ప్రైజ్... బర్త్ డే కంటే ముందు" href="https://telugu.abplive.com/entertainment/cinema/ntr-neel-movie-first-glimpse-release-time-locked-midnight-treat-for-nandamuri-fans-on-may-19-dragon-247030" target="_self">NTR Neel Movie First Glimpse - ఎన్టీఆర్ ఫ్యాన్స్‌కు మిడ్ నైట్ సర్‌ప్రైజ్... బర్త్ డే కంటే ముందు</a></strong></p>
<p>సూరజ్ పోస్ట్‌ కింద కొంత మంది నెటిజనులు ''మీరు పెళ్లి ఫోటోలను ఎందుకు డిలీట్ చేశారు? త్వరలో విడాకులకు వెళుతున్నారా? డివోర్స్ తీసుకుంటారా?" అని ప్రశ్నిస్తున్నారు. అయితే... అటు మౌనీ రాయ్ గానీ, ఇటు సూరజ్ గానీ తమ విడాకుల గురించి ఎటువంటి అధికారిక ప్రకటన చేయలేదు.</p>
<p>Also Read<strong>: <a title="Rahul Ramakrishna Sensational Tweets - ఖాళీ థియేటర్లు... చెత్త సినిమాలు... ఫ్లాప్ సినిమాలు, సమ్మర్ సీజన్‌పై రాహుల్ రామకృష్ణ సెన్సేషనల్ ట్వీట్లు" href="https://telugu.abplive.com/entertainment/cinema/rahul-ramakrishna-fires-on-tollywood-over-empty-theatres-latest-films-amid-summer-box-office-crisis-247024" target="_self">Rahul Ramakrishna Sensational Tweets - ఖాళీ థియేటర్లు... చెత్త సినిమాలు... ఫ్లాప్ సినిమాలు, సమ్మర్ సీజన్‌పై రాహుల్ రామకృష్ణ సెన్సేషనల్ ట్వీట్లు</a></strong></p>
<p><strong>మలయాళీ, బెంగాలీ పద్ధతుల్లో పెళ్లి!</strong><br />మౌనీ రాయ్ బెంగాలీ. సూరజ్ నంబియార్ మలయాళీ. వీళ్ళిద్దరూ జనవరి 27, 2022న గోవాలో వివాహ బంధంతో ఒక్కటి అయ్యారు. మలయాళీ, బెంగాలీ పద్ధతుల్లో పెళ్లి చేసుకున్నారు. సూరజ్ మలయాళీ అయినప్పటికీ దుబాయ్‌లో సెటిల్ అయ్యారు. ఆయన ఇన్వెస్ట్‌మెంట్ బ్యాంకర్. </p>
<p>వరుణ్ ధావన్ హీరోగా... పూజా హెగ్డే, మృణాల్ ఠాకూర్ హీరోయిన్లుగా నటించిన 'హై జవానీ తో ఇష్క్ హోనా హై'లో మౌనీ రాయ్ నటించారు. ఈ సినిమాలో <strong><a title="మృణాల్ బికినీ ధరించి గ్లామర్ రోల్ చేయడంపై తెలుగు ప్రేక్షకుల నుంచి విమర్శలు" href="https://telugu.abplive.com/entertainment/cinema/from-dacoit-to-hai-jawani-toh-ishq-hona-hai-mrunal-thakur-glam-transformation-surprises-tollywood-audience-244351" target="_self">మృణాల్ బికినీ ధరించి గ్లామర్ రోల్ చేయడంపై తెలుగు ప్రేక్షకుల నుంచి విమర్శలు</a></strong> వస్తున్నాయి. డేవిడ్ ధావన్ దర్శకత్వం వహించిన ఈ సినిమా జూన్ 5న థియేటర్లలో విడుదల కానుంది.</p>
<p>Also Read<strong>: <a title="Ashu Reddy Crying - వెక్కి వెక్కి ఏడ్చిన అషురెడ్డి... కారులో తల బాదుకుంటూ" href="https://telugu.abplive.com/entertainment/cinema/ashu-reddy-breaks-down-crying-after-actor-friend-bharat-kanth-death-emotional-video-goes-viral-247019" target="_self">Ashu Reddy Crying - వెక్కి వెక్కి ఏడ్చిన అషురెడ్డి... కారులో తల బాదుకుంటూ</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/mouni-roy-sizzling-bikini-monokini-photoshoot-gives-lessons-on-how-to-look-chic-in-swimwear-97053" width="631" height="381" scrolling="no"></iframe></p>
3 weeks ago
5 
