<p data-pm-slice="0 0 []"><strong>Mild Symptoms to Death :</strong> 20 ఏళ్ల యువతి కళ్లలోంచి రక్తస్రావమై.. మరణించిన విషయం అందరినీ దిగ్భ్రాంతికి గురిచేసింది. మొదట్లో దానిని సాధారణ ఫ్లూగా భావించి చికిత్స అందించినా.. కొన్ని గంటల్లోనే ఆమె పరిస్థితి ఎంతగా విషమించిందని వైద్యులు తెలిపారు. దీంతో ఆమెను కాపాడలేకపోయారు. ఆ తర్వాత ఆమె మెనింజైటిస్ బి (Meningitis B) అనే అత్యంత ప్రమాదకరమైన వ్యాధి బారిన పడినట్లు గుర్తించారు.</p>
<h3>ఏం జరిగిందంటే..</h3>
<p>డైలీ మెయిల్ నివేదిక ప్రకారం.. లండన్ నివాసి, ఆర్ట్ విద్యార్థిని అయిన సోఫీ వార్డ్‌కు అకస్మాత్తుగా తీవ్రమైన తలనొప్పి, ఒళ్లు నొప్పులు, లైట్ చూడటంలో ఇబ్బంది ఎదుర్కొంది. తర్వాత తీవ్రమైన అలసట వంటి లక్షణాలు కనిపించాయి. కుటుంబ సభ్యులు వెంటనే వైద్య సహాయం కోసం ఆసుపత్రికి తీసుకెళ్లారు. అది వైరల్ ఇన్ఫెక్షన్ అని భావించి ఆమెను ఇంటికి పంపించారు. కానీ రాత్రికి రాత్రే ఆమె పరిస్థితి విషమించడంతో మరుసటి రోజు ఉదయం మళ్లీ ఆసుపత్రికి తీసుకువెళ్లారు. అప్పటికే చాలా ఆలస్యమైంది. చివరికి ఆమె కంటినుంచి రక్తస్రావమై చనిపోయింది.</p>
<h3>మెనింజైటిస్ బి అంటే..</h3>
<p>మెనింజైటిస్ బి అనేది మెదడు, వెన్నుపాము చుట్టూ ఉండే పొరలను ప్రభావితం చేసే ఒక తీవ్రమైన బాక్టీరియల్ ఇన్ఫెక్షన్. ఈ వ్యాధి వేగంగా వ్యాపిస్తుంది. గంటల వ్యవధిలోనే ప్రాణాంతకం కావచ్చు. దీని ప్రారంభ లక్షణాలు తరచుగా ఫ్లూను పోలి ఉంటాయి. అందువల్ల దీనిని గుర్తించడం కష్టమవుతుంది. ఈ కారణంగానే సకాలంలో చికిత్స అందదు. </p>
<h3>లక్షణాలు ఏమిటంటే.. </h3>
<p>ఈ వ్యాధి లక్షణాలలో తీవ్రమైన తలనొప్పి, మెడ బిగుసుకుపోవడం, వాంతులు, అధిక జ్వరం, కాంతికి స్పందించకపోవడం, దద్దుర్లు వంటివి ఉంటాయి. తీవ్రమైన సందర్భాలలో కళ్ల నుంచి లేదా శరీరంలోని ఇతర భాగాల నుంచి రక్తస్రావం అవుతుంది. ఇది పరిస్థితిని మరింత ప్రమాదకరంగా మారుస్తుంది. సోఫీ విషయంలో అతిపెద్ద సమస్య ఏమిటంటే.. మెనింజైటిస్‌ను నిర్ధారించడానికి అవసరమైన పరీక్షలు, ముఖ్యంగా లంబార్ పంక్చర్ పరీక్ష, సకాలంలో చేయలేకపోవడమే. సరైన టెస్ట్లు, చికిత్స సకాలంలో అంది ఉంటే ఆమె ప్రాణాలను కాపాడి ఉండేవారని నిపుణులు భావిస్తున్నారు. </p>
<p>ఈ సంఘటన తరువాత చిన్నపిల్లలందరికీ మెనింజైటిస్ బి వ్యాక్సిన్‌ను తప్పనిసరి చేయాలని ఆ కుటుంబం డిమాండ్ చేసింది. ప్రస్తుతం ఈ వ్యాక్సిన్‌ను కేవలం చిన్నపిల్లలకు మాత్రమే ఇస్తున్నారు. దీనివల్ల చాలా మంది యువతకు రక్షణ లేకుండా పోతోందని ఆవేదన వ్యక్తం చేశారు. </p>
<p>మెనింజైటిస్ అరుదుగా వచ్చే వ్యాధి అయినప్పటికీ.. ఒకవేళ వస్తే అది అత్యంత ప్రాణాంతకం కాగలదని వైద్యులు చెబుతున్నారు. అందువల్ల దాని లక్షణాలను నిర్లక్ష్యం చేయకూడదు. వైద్యుల ప్రకారం ఏవైనా అసాధారణ లక్షణాలు కనిపిస్తే.. వాటిని తేలికగా తీసుకోకూడదు. సకాలంలో సరైన రోగ నిర్ధారణ, చికిత్స మాత్రమే ఇటువంటి ప్రాణాంతక వ్యాధులను నివారించగలవు.</p>
<p><iframe class="vidfyVideo" style="border: 0px;" src="https://telugu.abplive.com/web-stories/lifestyle/protect-your-heart-in-summer-foods-you-should-avoid-241945" width="631" height="381" scrolling="no"></iframe></p>
<p><strong>గమనిక :</strong> ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.</p>
3 weeks ago
4 
