<p>Bin Laden Target List India: అల్ ఖైదా అధినేత ఒసామా బిన్ లాడెన్ దాడి చేయాలనుకున్న దేశాల లిస్ట్‌లో భారత్ కూడా ఉందని అమెరికా నిఘా సంస్థ సీఐఏ (CIA) విడుదల చేసిన పత్రాలు సంచలన విషయాన్ని బయటపెట్టాయి. 2001లో జరిగిన 9/11 ఉగ్రదాడికి 25 ఏళ్లు పూర్తైన వేళ, అప్పటి అమెరికా ప్రెసిడెంట్‌కు సీఐఏ సమర్పించిన 70కి పైగా నిఘా నివేదికలు, 100 పేజీలకు పైగా కీలక డాక్యుమెంట్లను సీఐఏ ఇటీవల బయటపెట్టింది. </p>
<h3>1998 నివేదికలో భారత్ ప్రస్తావన</h3>
<p>ఆగస్టు 28, 1998 నాటి ఒక ప్రెసిడెన్షియల్ బ్రీఫింగ్‌లో, బిన్ లాడెన్ భారత్‌తో పాటు పాకిస్తాన్, ఈజిప్ట్, కువైట్, సౌదీ అరేబియా, యెమెన్, ఉగాండా, నైజీరియా వంటి పలు దేశాలలో దాడులు చేయడానికి ప్లాన్ వేసినట్లు సీఐఏ పేర్కొంది. అయితే, ఈ డాక్యుమెంట్‌లో భారత్‌లోని టార్గెట్ ప్రాంతాలను గానీ, దాడుల జరిగే తేదీలను గానీ ప్రస్తావించలేదు.<br /><br />Also Read: <a title="బ్రిక్స్ వేదికగా భారత్ గ్లోబల్ సౌత్ గొంతుకగా, లీడర్‌గా ఎలా మారుతోంది ?" href="https://telugu.abplive.com/news/india/brics-summit-2026-in-new-delhi-how-india-is-becoming-voice-of-the-global-south-258722" target="_self">బ్రిక్స్ వేదికగా భారత్ గ్లోబల్ సౌత్ గొంతుకగా, లీడర్‌గా ఎలా మారుతోంది ?</a></p>
<h3>గ్లోబల్ నెట్‌వర్క్ </h3>
<p>నార్త్ అమెరికా, యూరప్, తూర్పు ఆసియా ప్రాంతాలలో బిన్ లాడెన్‌కు బలమైన మౌలిక సదుపాయాలు ఉన్నాయని, సుమారు 60కి పైగా దేశాల్లో అతడికి మద్దతుదారులు, మిత్రులు ఉన్నాయని ఈ నివేదికలు స్పష్టం చేశాయి. ఆఫ్ఘనిస్తాన్‌లోని ఉగ్రవాద శిబిరాలపై అమెరికా క్షిపణి దాడులు చేసినప్పటికీ, లాడెన్ కమ్యూనికేషన్ నెట్‌వర్క్ చెక్కుచెదరకుండా ఉందని తెలిపింది. అమెరికా, బ్రిటన్‌లపై దాడులు చేయడానికి అతను నిరంతరం కుట్రలు చేయాలని సీఐఏ డాక్యుమెంట్లలో పేర్కొంది. </p>
<p>ఈ డాక్యుమెంట్ల విడుదలపై సీఐఏ స్పందిస్తూ.. అమెరికా చరిత్రలోనే అత్యంత విషాదకరమైన 9/11 దాడులకు ముందు, ఆ తరువాత నిఘా సంస్థలు సేకరించిన సమాచారాన్ని ప్రపంచానికి తెలియజేయడానికి ఈ నిర్ణయం తీసుకున్నట్లు తెలిపింది. </p>
<p>2001 సెప్టెంబర్ 11న అమెరికాపై అల్-ఖైదా ఉగ్రవాదులు విమాన హైజాక్ చేసి మరీ ఆత్మాహుతి దాడులకు పాల్పడటాన్ని 9/11 ఘటనగా పిలుస్తారు. ఈ ఉగ్రదాడిలో టెర్రరిస్టులతో కలిపి మొత్తం 2,996 మంది (2,977 మంది అమాయక బాధితులు, 19 మంది హైజాకర్లు) చనిపోయారు. <br /><br />Also Read: <a title="పహల్గామ్ ఉగ్రదాడిని ఖండిస్తూ బ్రిక్స్ ప్రకటన.. ఏకపక్ష సుంకాలపై ఆందోళన- భారత్ దౌత్య విజయం" href="https://telugu.abplive.com/news/india/brics-delhi-declaration-condemns-pahalgam-terror-attack-big-diplomatic-win-for-india-258788" target="_self">పహల్గామ్ ఉగ్రదాడిని ఖండిస్తూ బ్రిక్స్ ప్రకటన.. ఏకపక్ష సుంకాలపై ఆందోళన- భారత్ దౌత్య విజయం</a></p>
1 month ago
3 
