<p><strong>Bandla Ganesh Launches New Banner BG Blockbusters : </strong>ఇండస్ట్రీలో నటుడిగా కెరీర్ ప్రారంభించి ఆ తర్వాత నిర్మాతగా మారి స్టార్ హీరోస్‌తో ఎన్నో బ్లాక్ బస్టర్ మూవీస్ తీశారు బండ్ల గణేష్. కొద్ది రోజులు పాలిటిక్స్‌పై ఫోకస్ చేసి సినిమాలకు కాస్త దూరమయ్యారు. ఇప్పుడు మళ్లీ దాదాపు పదేళ్ల తర్వాత నిర్మాతగా రీ ఎంట్రీ ఇవ్వబోతున్నారు.</p>
<p><strong>న్యూ బ్యానర్ </strong></p>
<p>'బిజి బ్లాక్ బస్టర్స్' (BG Blockbusters) పేరిట న్యూ బ్యానర్‌ను స్టార్ట్ చేశారు బండ్ల గణేష్. ఈ విషయాన్ని ఆయన ఆన్ లైన్ వేదికగా షేర్ చేసుకున్నారు. స్టోరీ చెప్పడంలో డెడికేషన్, నిజాయితీ ఉండే వారికి ఈ బ్యానర్ సపోర్ట్ చేస్తుందని చెప్పారు. కొత్త ప్రతిభను ప్రోత్సహించడానికి, డిఫరెంట్ స్టోరీస్ స్వీకరించేందుకు ఈ బ్యానర్ కట్టుబడి ఉందని అన్నారు ప్రస్తుతం ఇది ఇండస్ట్రీలో హాట్ టాపిక్‌గా మారింది. కొత్త బ్యానర్‌లో ఫస్ట్ మూవీ స్టార్ హీరోతో తీస్తారా లేక కొత్త వారికి ఛాన్స్ ఇస్తారా? అనేది ఇంట్రెస్టింగ్‌గా మారింది. </p>
<p><strong>Also Read : <a title="'సితార'తో స్టార్ బాయ్ సిద్ధూ హ్యాట్రిక్ - ఆ రెండూ పక్కన పెట్టి కొత్త మూవీ" href="https://telugu.abplive.com/entertainment/cinema/producer-naga-vamsi-announces-third-movie-with-siddu-jonnalagadda-comedy-entertainer-concept-poster-out-watch-here-232659" target="_self">'సితార'తో స్టార్ బాయ్ సిద్ధూ హ్యాట్రిక్ - ఆ రెండూ పక్కన పెట్టి కొత్త మూవీ</a></strong></p>
<p><strong>స్టార్ హీరోస్... బిగ్గెస్ట్ హిట్స్</strong></p>
<p>నటన తర్వాత 'పరమేశ్వర ఆర్ట్ ప్రొడక్షన్స్' బ్యానర్‌ను ప్రారంభించిన బండ్ల గణేష్... మాస్ మహారాజ రవితేజ 'ఆంజనేయులు' మూవీతో నిర్మాణ రంగంలోకి ఎంట్రీ ఇచ్చారు. ఆ మూవీ ఓ మాదిరి విజయం సాధించినా రవితేజ, బ్రహ్మానందం కామెడీ అదిరిపోయింది. ఆ తర్వాత పవర్ స్టార్ <a title="పవన్ కల్యాణ్" href="https://telugu.abplive.com/topic/Pawan-Kalyan" data-type="interlinkingkeywords">పవన్ కల్యాణ్</a> హీరోగా హరీష్ శంకర్ దర్శకత్వంలో 'గబ్బర్ సింగ్' తీశారు.</p>
<p>ఈ మూవీ బాక్సాఫీస్ వద్ద సంచలన విజయం సాధించింది. ఈ మూవీతో ఆయన సక్సెస్ ఫుల్ నిర్మాతగా మారారు. ఆ తర్వాత ఎన్టీఆర్‌తో 'బాద్‌షా', 'టెంపర్', అల్లు అర్జున్‌తో 'ఇద్దరమ్మాయిలతో' మూవీలు నిర్మించారు. కాస్త బ్రేక్ తీసుకుని మళ్లీ ఇప్పుడు మరో న్యూ బ్యానర్‌తో నిర్మాతగా ఎంట్రీ ఇస్తున్నారు. 'బిజి బ్లాక్ బస్టర్స్' బ్యానర్‌లో ఇప్పటికే ఓ ప్రాజెక్ట్ లాక్ అయ్యిందని... త్వరలోనే దీనిపై అప్డేట్స్ రానున్నట్లు తెలుస్తోంది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/know-five-songs-sung-by-mass-maharaja-ravi-teja-208759" width="631" height="381" scrolling="no"></iframe></p>
3 months ago
9 
