<p>Singer Sanjay: కేంద్ర మంత్రి , కరీంనగర్ ఎంపీ బండి సంజయ్ కుమార్ రాజకీయ నాయకుడిగానే కాకుండా, తనలోని భక్తి భావాన్ని చాటుకుంటూ శ్రీరామనవమి సందర్భంగా శ్రీరామ నవమి శుభవేల అనే ప్రత్యేక గీతాన్ని ఆలపించారు. సాధారణంగా రాజకీయ వేదికలపై ప్రత్యర్థులపై గర్జించే ఆయన, ఈ పాటలో ఎంతో శ్రద్ధతో, శ్రావ్యంగా పాడి అందరినీ ఆశ్చర్యపరిచారు. భగవాన్ శ్రీరాముని పట్ల తనకున్న అపారమైన భక్తిని ఈ పాట ద్వారా ఆయన వ్యక్తపరిచారు.</p>
<p>ఈ పాట కేవలం ఒక భక్తి గీతం మాత్రమే కాకుండా, అయోధ్యలో రామమందిర నిర్మాణం జరిగిన చారిత్రక సందర్భాన్ని, కోట్లాది మంది భారతీయుల కల సాకారమైన తీరును కొనియాడుతూ సాగుతుంది. రాముని గుణగణాలను, ధర్మ రక్షణ కోసం ఆయన చేసిన పోరాటాన్ని గుర్తు చేస్తూ సాగే ఈ సాహిత్యం ఆకట్టుకుంటుంది. బండి సంజయ్ స్వయంగా పాడటంతో ఈ గీతం సామాజిక మాధ్యమాల్లో విపరీతంగా వైరల్ అయింది. </p>
<blockquote class="twitter-tweet">
<p dir="ltr" lang="te">కేంద్ర హోంశాఖ సహాయ మంత్రివర్యులు మన ప్రియతమ నాయకులు గౌరవనీయులు శ్రీ బండి సంజయ్ అన్న గారు పాడిన పాట రేపు శ్రీరామనవమి సందర్భంగా పూర్తి పాటను విడుదల చేయడం జరుగుతుంది <br />Bandi Sanjay కుమార్<a href="https://twitter.com/hashtag/rss?src=hash&ref_src=twsrc%5Etfw">#rss</a> <a href="https://twitter.com/hashtag/rss100years?src=hash&ref_src=twsrc%5Etfw">#rss100years</a> <a href="https://t.co/5rRL8H96Ht">pic.twitter.com/5rRL8H96Ht</a></p>
— CHADA ANITHA REDDY(MODI KA PARIVAR) (@AnithaReddy4BJP) <a href="https://twitter.com/AnithaReddy4BJP/status/2037051969286922392?ref_src=twsrc%5Etfw">March 26, 2026</a></blockquote>
<p>సాంకేతికంగా ఈ పాటను ఎంతో ఉన్నతంగా తీర్చిదిద్దారు. ప్రముఖ సంగీత దర్శకులు దీనికి స్వరకల్పన చేయగా, దృశ్యరూపంలో యోధ్య రామమందిర దృశ్యాలు, రామాయణ ఘట్టాలు , బండి సంజయ్ రికార్డింగ్ స్టూడియోలో పాడుతున్న దృశ్యాలను మిళితం చేశారు. రాజకీయాల్లో తీరిక లేకుండా ఉండే ఒక ప్రజాప్రతినిధి, పండుగ పూట ఇలాంటి ఒక సృజనాత్మక ప్రయత్నం చేయడం విశేషమని ఆయన అభిమానులు, నెటిజన్లు ప్రశంసలు కురిపించారు.</p>
<p>హిందూ ధర్మ ప్రచారం , సంస్కృతిని కాపాడటంలో బండి సంజయ్ ఎప్పుడూ ముందుంటారు. ఈ పాట ద్వారా ఆయన యువతకు , ప్రజలకు శ్రీరాముని ఆశయాలను గుర్తుచేస్తూ, పండుగ శుభాకాంక్షలు తెలియజేశారు. భక్తి భావంతో కూడిన ఈ ప్రయత్నం ఆయన వ్యక్తిత్వంలోని మరో కోణాన్ని ప్రజలకు పరిచయం చేసింది.</p>
<p>అయితే బండి సంజయ్ ఇలా పాట పాడటం ఇదే మొదటి సారి కాదు. గతంలో ప్రధాని నరేంద్ర మోదీ కోసం ఒక ప్రత్యేక గీతాన్ని ఆలపించారు. నమో నమో <a title="నరేంద్ర మోదీ" href="https://telugu.abplive.com/topic/narendra-modi" data-type="interlinkingkeywords">నరేంద్ర మోదీ</a>.. పలుకుతున్నది యువత నాడీ అంటూ సాగే ఈ పాటలో ఆయన స్వయంగా గొంతు కలపడం అప్పట్లో విశేషంగా నిలిచింది. ప్రధానిపై తనకున్న అచంచలమైన భక్తిని, గౌరవాన్ని ఈ పాట ద్వారా వ్యక్తం చేస్తూ, దేశాభివృద్ధిలో మోదీ పోషిస్తున్న పాత్రను, భరతజాతి ఆకాంక్షలను ఈ సాహిత్యంలో పొందుపరిచారు. </p>
<p> </p>
<blockquote class="twitter-tweet">
<p dir="ltr" lang="te">నమో నమో.. నరేంద్ర మోడీ..<br />పలుకుతుంది యువత నాడి...<br /><a title="బండి సంజయ్" href="https://telugu.abplive.com/topic/Bandi-Sanjay" data-type="interlinkingkeywords">బండి సంజయ్</a> అన్న నోట.. మోడీ గారి పాట. 💐🙏<br /><br />Awaiting for the full song... <a href="https://t.co/u3q8X21267">pic.twitter.com/u3q8X21267</a></p>
— Radhika Bandari (@RadhikaB4BJP) <a href="https://twitter.com/RadhikaB4BJP/status/1900152060026421716?ref_src=twsrc%5Etfw">March 13, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><iframe class="vidfyVideo" style="border: 0px;" src="https://telugu.abplive.com/web-stories/news/what-is-the-largest-red-light-area-in-asia-242139" width="631" height="381" scrolling="no"></iframe></p>
2 weeks ago
3 
