<p><strong>Bandi Bhagirath Moinabad Farmhouse Investigation: </strong> మైనర్ బాలికపై లైంగిక వేధింపుల ఆరోపణలతో పోక్సో కేసులో అరెస్టయిన కేంద్ర మంత్రి <a title="బండి సంజయ్" href="https://telugu.abplive.com/topic/Bandi-Sanjay" data-type="interlinkingkeywords">బండి సంజయ్</a> కుమారుడు బండి భగీరథ్‌ను పోలీసులు నేడు చర్లపల్లి జైలు నుంచి తమ కస్టడీలోకి తీసుకున్నారు. కోర్టు మూడు రోజుల పోలీస్ కస్టడీకి అనుమతించింది. బుధవారం ఉదయం జైలు నుంచి బయటకు తీసుకువచ్చిన పోలీసులు, తొలుత ఆయనకు మేడ్చల్ ప్రభుత్వ ఆసుపత్రిలో వైద్య పరీక్షలు నిర్వహించారు. నిందితుడి ఆరోగ్య పరిస్థితిని పర్యవేక్షించిన అనంతరం కట్టుదిట్టమైన భద్రత మధ్య విచారణ ప్రక్రియను ప్రారంభించారు.</p>
<p><strong> మొయినాబాద్ ఫాంహౌస్‌లో సీన్ ఆఫ్ అఫెన్స్ </strong></p>
<p>వైద్య పరీక్షల అనంతరం భగీరథ్‌ను పోలీసులు నేరుగా మొయినాబాద్‌లోని ఫాంహౌస్‌కు తరలించారు. ఈ ఫాంహౌస్‌లోనే బాధితురాలిపై అఘాయిత్యం జరిగినట్లు వచ్చిన ఫిర్యాదు మేరకు పోలీసులు సీన్ ఆఫ్ అఫెన్స్ ప్రక్రియను పూర్తి చేశారు. ఘటన జరిగిన రోజున ఏం జరిగిందనే అంశంపై నిందితుడి నుంచి వివరాలు సేకరించినట్లు తెలుస్తోంది. క్రైమ్ సీన్ రీ-కన్స్ట్రక్షన్‌లో భాగంగా క్షుణ్ణంగా సాక్ష్యాధారాలను సేకరించిన పోలీసులు, ఆ తర్వాత ఆయనను కూకట్‌పల్లి డీసీపీ కార్యాలయానికి తీసుకువచ్చారు. </p>
<blockquote class="twitter-tweet">
<p dir="ltr" lang="te">మొయినాబాద్ ఫార్మ్‌హౌస్‌కు బండి భగీరథ్<br /><br />విచారణ నిమిత్తం బండి భగీరథ్‌ను మొయినాబాద్‌లోని అరణ్య ఫార్మ్‌హౌస్‌కు తరలించిన పోలీసులు. <a href="https://t.co/YC8mAO8OkH">https://t.co/YC8mAO8OkH</a> <a href="https://t.co/y2F46d0Sgo">pic.twitter.com/y2F46d0Sgo</a></p>
— Telangana First (@TelanganaFirst_) <a href="https://twitter.com/TelanganaFirst_/status/2059588991738061056?ref_src=twsrc%5Etfw">May 27, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
<strong>డీసీపీ కార్యాలయంలో సుదీర్ఘ విచారణ </strong></p>
<p>కూకట్‌పల్లి డీసీపీ కార్యాలయంలో డీసీపీ రితిరాజ్ ఆధ్వర్యంలో నిందితుడిని సుదీర్ఘంగా విచారించారు. గతంలో బాధితురాలి తల్లి చేసిన ఆరోపణలు, సేకరించిన డిజిటల్ సాక్ష్యాధారాలను నిందితుడి ముందు ఉంచి విచారణ కొనసాగించినట్లు సమాచారం. ముఖ్యంగా ఫోన్ డేటా, ఘటన జరిగిన సమయంలో నిందితుడి కదలికలపై పోలీసులు లోతైన ప్రశ్నలు వేసినట్లు తెలుస్తోంది. డీసీపీ కార్యాలయంలో విచారణ ముగిసిన అనంతరం, నిందితుడిని తిరిగి చర్లపల్లి జైలుకు తరలించేందుకు పోలీసులు సిద్ధమయ్యారు.</p>
<p> </p>
<p><iframe class="vidfyVideo" style="border: 0px;" src="https://telugu.abplive.com/web-stories/tech/where-to-place-a-wifi-router-for-best-internet-speed-248503" width="631" height="381" scrolling="no"></iframe><br /> </p>
1 week ago
2 
