<p><strong>Bandi Bageerath POCSO case: </strong>తెలంగాణ రాజకీయాల్లో, న్యాయవర్గాల్లో తీవ్ర చర్చనీయాంశమైన కేంద్రమంత్రి <a title="బండి సంజయ్" href="https://telugu.abplive.com/topic/Bandi-Sanjay" data-type="interlinkingkeywords">బండి సంజయ్</a> కుమారుడు బండి భగీరథ్ పోక్సో కేసు కీలక దశకు చేరుకుంది. భగీరథ్‌ను విచారణ నిమిత్తం తమ కస్టడీకి ఇవ్వాలని పోలీసులు దాఖలు చేసిన పిటిషన్‌పై శుక్రవారం సుదీర్ఘ వాదనలు జరిగాయి. ఇరు పక్షాల వాదనలు విన్న న్యాయస్థానం, తన ఉత్తర్వులను మే 26కు రిజ్వర్ చేసింది. </p>
<h3>కోర్టులో ఏం జరిగింది?</h3>
<p>హైదరాబాద్ పోలీసులు భగీరథ్‌ను మూడు రోజులపాటు తమ కస్టడీకి అప్పగించాలని కోర్టును కోరారు. ఈ కేసులో మరిన్ని ఆధారాలు సేకరించాల్సి ఉందని, నిందితుడిని ప్రశ్నించడం అత్యవసరమని పోలీసులు తమ పిటిషన్‌లో పేర్కొన్నారు. </p>
<p><iframe title="POCSO కేసులో కొత్త ట్విస్ట్.. ‘మెడికోవర్‌లోనే భగీరథ్ దాక్కున్నాడు’ : KTR | ABP Desam" src="https://www.youtube.com/embed/QNxwbAVQZB4" width="919" height="517" frameborder="0" allowfullscreen="allowfullscreen"></iframe></p>
<p>అయితే భగీరథ్‌ తరఫున న్యాయవాది కరుణ సాగర్ పోలీసులు విజ్ఞప్తిని తీవ్రంగా తప్పుపట్టారు. ఈ పిటిషన్‌ను కొట్టివేయాలని ఆయన కోర్టును కోరారు. ఒక వేళ కోర్టు కస్టడీకి అనుమతి ఇచ్చినా, నిందితుడి హక్కులను కాపాడుతూ సుప్రీంకోర్టు గతంలో జారీ చేసిన మార్గదర్శకాలను తప్పనిసరిగా పాటించాలని ఆయన వాదించారు. </p>
<p>విచారణ కేవలం ఉదయం పది గంటల నుంచి సాయంత్రం ఐదు గంటల వరకు మాత్రమే జరగాలి. విచారణ సమయంలో నిందితుడి న్యాయవాది సమక్షంలోనే ఉండాలి. ఎట్టి పరిస్థితుల్లో థర్డ్ డిగ్రీ పద్ధతులు గానీ, బలవంతపు చర్యలు గానీ చేపట్టకూడదు. </p>
<h3>కేసు బ్యాక్‌గ్రౌండ్ ఏంటీ?</h3>
<p>మే 8న మైనర్ తల్లి ఇచ్చిన ఫిర్యాదు మేరకు భగీరథ్‌పై బీఎన్‌ఎస్‌, పోక్సో చట్టం కింద కేసు నమోదు అయ్యింది. సదరు బాలికతో భగీరథ్ సంబంధం పెట్టుకున్నాడని ఆమెను లైంగికంగా వేధించాడని ఫిర్యాదులో పేర్కొన్నారు. కేసు నమోదు చేసిన 8 రోజుల తర్వాత పోలీసులు భగీరథ్‌ను అరెస్టు చేసి రిమాండ్‌కు తరలించారు. ప్రస్తుతం ఆయన జ్యుడీషియల్ కస్టడీలో ఉన్నారు. అంతకు ముందు తెలంగాణ హైకోర్టు భగీరథ్‌కు అరెస్టు నుంచి ముందస్తు రక్షణ కల్పించే బెయిల్ ఇచ్చేందుకు నిరాకరించింది. తాజాగా ఆయన హైకోర్టులో దాఖలు చేసిన బెయిల్ పిటిషన్ కూడా ఉపసంహరించుకున్నారు. </p>
<p><iframe title="Bhageerath POCSO Case| భగీరథ్ కేసులో కీలక ఆధారాలను సిట్ అధికారులు ఎలా సేకరిస్తారు..?| ABP Desam" src="https://www.youtube.com/embed/a5Qj4qJREas" width="919" height="517" frameborder="0" allowfullscreen="allowfullscreen"></iframe></p>
<h3>భగీరథ్ వెర్షన్ ఏంటీ?</h3>
<p>ఈ కేసులో మరో కోణం కూడా ఉంది. భగీరథ్ కూడా సదరు బాలిక, ఆమె కుటుంబ సభ్యులపై ఎదురు ఫిర్యాదు చేశారు. ఆ బాలికతో తనకు పరిచయం ఉందని, ఆమె ఆహ్వానం మేరకే కుటుంబ వేడుకలకు, స్నేహితులతో కలిసి పుణ్యక్షేత్రాలకు వెళ్లామని ఆయన పేర్కొన్నారు. </p>
<p>బాలిక తల్లిదండ్రులు తనను పెళ్లి చేసుకోవాలని ఒత్తిడి చేశారని తాను నిరాకరించడంతో భారీగా డబ్బు డిమాండ్ చేశారని భగీరథ్ ఆరోపించారు. డబ్బు ఇవ్వకుంటే తప్పుడు కేసులు పెడతామని తనను బెదిరించారని ఆయన తన ఫిర్యాదులో వివరించారు. దీనిపై కూడా పోలీసులు ఎఫ్‌ఐఆర్ నమోదు చేశారు. </p>
<p>రాష్ట్రవ్యాప్తంగా ఉత్కంఠ రేపుతున్న ఈ కేసులో మే 26న వెలువడం కోర్టు తీర్పు అత్యంత కీలకం కానుంది. పోలీసులు కోరినట్టుగా మూడు రోజుల కస్టడీ లభిస్తుందా, లేక రక్షణ నిబంధనలతో, షరతులతో కూడిన కస్టడీ ఉంటుందా అనేది వేచి చూడాలి. </p>
<p><iframe title="Bandi Sanjay| నన్ను మంత్రి పదవి నుండి బర్తరఫ్ చేస్తారా..!? | ABP Desam" src="https://www.youtube.com/embed/r3Gcfu-XnCs" width="919" height="517" frameborder="0" allowfullscreen="allowfullscreen"></iframe></p>
1 week ago
3 
