<p>Police arrest Balka Suman: మంచిర్యాల జిల్లా క్యాతన్‌పల్లిలో గత రెండు రోజులుగా నెలకొన్న ఉద్రిక్త పరిస్థితులు మరింతగా విషమించాయి. బీఆర్ఎస్ మాజీ ఎమ్మెల్యే బాల్క సుమన్‌ను పోలీసులు బుధవారం అరెస్ట్ చేశారు. క్యాతన్‌పల్లి మున్సిపల్ కార్యాలయం వద్ద జరిగిన ఘర్షణలు, పోలీసుల విధులకు ఆటంకం కలిగించడం , స్థానిక ఎస్ఐపై అనుచిత వ్యాఖ్యలు చేశారన్న ఫిర్యాదు మేరకు ఈ చర్యలు తీసుకున్నారు. బాల్క సుమన్‌తో పాటు పలువురు బీఆర్ఎస్ నాయకులను కూడా పోలీసులు అదుపులోకి తీసుకోవడంతో రామకృష్ణాపూర్ ప్రాంతంలో భారీగా పోలీసు బలగాలను మోహరించారు.</p>
<p>క్యాతన్‌పల్లి మున్సిపల్ చైర్మన్ ఎన్నిక విషయంలో రెండు పార్టీల కార్యకర్తలు బాహాబాహీకి దిగడంతో పరిస్థితి ఉద్రిక్తంగా మారింది. మంత్రి వినోద్ కారుపైనా దాడి చేశారు. ఘటనా స్థలానికి చేరుకున్న పోలీసులపై బాల్క సుమన్ తీవ్ర ఆగ్రహం వ్యక్తం చేశారని, శాంతిభద్రతలకు విఘాతం కలిగించారని పోలీసులు ఆరోపిస్తున్నారు. ప్రస్తుతం బాల్క సుమన్‌ను పోలీసులు రహస్య ప్రాంతానికి తరలించినట్లు సమాచారం. అధికార, ప్రతిపక్ష పార్టీల మధ్య పరస్పర ఆరోపణలతో మంచిర్యాల జిల్లా రాజకీయాల్లో వేడి పెరిగింది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/amravati/this-government-school-in-amaravati-is-of-international-range-238382" width="631" height="381" scrolling="no"></iframe></p>
2 months ago
5 
