Ayodhya Ram Mandir Donation Theft: అయోధ్య ఆలయంలో విరాళాల కేసు.. చోరీ ఎలా చేశారో పోలీసులకు వివరించిన నిందితుడు

<p>అయోధ్య: దేశవ్యాప్తంగా సంచలనం సృష్టించిన అయోధ్య రామాలయ విరాళాల చోరీ కేసులో కీలక విషయాలు వెలుగు చూస్తున్నాయి. ఈ కేసులో అరెస్టయిన నిందితులను విచారించిన పోలీసులు వారు చెప్పించి విని షాకవుతున్నారు. ఆయోధ్య ఆలయంలోని విరాళాల లెక్కింపు (కౌంటింగ్) వ్యవస్థలో ఉన్న లోపాలను ఆసరాగా చేసుకుని, అక్కడ పనిచేసే ఇంటిదొంగలే చాలా సునాయాసంగా సొమ్మును బయటకు తరలించినట్లు దర్యాప్తులో వెల్లడైంది. నిందితులు చోరీ చేసిన డబ్బును ఎవరికీ అనుమానం రాకుండా మొదట ఆలయ ప్రాంగణంలోని వాష్&zwnj;రూమ్&zwnj;లలో దాచిపెట్టి, ఆ తర్వాత గుట్టుచప్పుడు కాకుండా బయటకు తీసుకెళ్లేవారని పోలీసుల విచారణలో నిందితులు తెలిపారు.&nbsp;</p> <p>ఈ కేసులో ఇప్పటికే 8 మంది నిందితులను పోలీసులు అరెస్ట్&zwnj; చేశారు. కోర్టు అనుమతితో నిందితుల్లో ఒకడైన అవినాష్&zwnj; శుక్లాను మంగళవారం 2 గంటల పాటు విచారించారు. విరాళాల కౌంటింగ్&zwnj; గదికి సంబంధించిన తాళాలను మరో నిందితుడు టిన్నూ యాదవ్&zwnj; సంపాదించాడని, ఆ తర్వాత ఎవరూ లేని సమయం చూసి డబ్బును చోరీ చేశామని శుక్లా అంగీకరించాడు. ఆలయ ప్రాంగణంలో ఎక్కడెక్కడ సీసీటీవీ కెమెరాలు ఉన్నాయి, వాటిని ఎవరు పర్యవేక్షిస్తారు అనే విషయాలపై నిందితులకు పూర్తి అవగాహన ఉండటంతో, కెమెరాలకు చిక్కకుండా ఈ దోపిడీకి పాల్పడ్డారు. శ్రీ రామ జన్మభూమి తీర్థ క్షేత్ర ట్రస్ట్&zwnj; నిర్వాహకులతో తమకున్న సాన్నిహిత్యం వల్ల తమను ఎవరూ అనుమానించలేదని శుక్లా చెప్పుకొచ్చాడు.</p> <p><strong>ఆస్తుల కొనుగోలుపై దర్యాప్తు&nbsp;</strong><br />ఆయోధ్య రామాలయం విరాళాల చోరీ సొమ్ముతో తాను సొంతంగా ఇల్లు, స్థలం కొనుగోలు చేసినట్లు అవినాష్ శుక్లా పోలీసుల విచారణలో ఒప్పుకున్నాడు. దీంతో నిందితుల ఆర్థిక లావాదేవీలతో పాటు వారి పేరిట ఉన్న ఆస్తుల వివరాలపై పోలీసులు దర్యాప్తు ముమ్మరం చేశారు. విచారణ సమయంలో నిందితులు పలుమార్లు మాజీ ట్రస్టీ అనిల్ మిశ్రా పేరును ప్రస్తావించారు. ఆయన ఇదివరకే తన ట్రస్ట్ సభ్యత్వానికి రాజీనామా చేయడం తెలిసిందే. అయితే ఎవరికీ అనుమానం రాకుండా ఎంతకాలం పాటు ఈ చోరీ ఎలా సాగింది, వీరి వెనుక ఇంకా పెద్దలు ఎవరైనా ఉన్నారా అనే కోణంలో దర్యాప్తు జరుగుతోంది.</p>