<p><strong>Aussie Cricketer Cameron Green Ties The Knotఫ</strong> ఆస్ట్రేలియా స్టార్ ఆల్‌రౌండర్ కెమరూన్ గ్రీన్ వివాహ బంధంలోకి అడుగుపెట్టాడు. తన చిరకాల ప్రేయసి ఎమిలీ రెడ్‌వుడ్‌తో కలిసి సెప్టెంబర్ 4న వైభవంగా జరిగిన వేడుకలో అతడు ఏడడుగులు నడిచాడు. తమ పెళ్లికి సంబంధించిన అందమైన చిత్రాలను ఈ జంట సోషల్ మీడియా వేదికగా అభిమానులతో పంచుకుంది. 27 ఏళ్ల గ్రీన్ క్లాసిక్ బ్లాక్ టక్సేడో ధరించి హుందాగా కనిపించగా, వధువు ఎమిలీ తెల్లటి వెడ్డింగ్ గౌనులో మెరిసిపోయింది. కొట్టెస్‌లోలోని సివిక్ సెంటర్ గ్రౌండ్స్ వేదికగా ఈ ప్రత్యేక వేడుకను నిర్వహించారు. కుటుంబ సభ్యులు, అత్యంత సన్నిహితులు గులాబీ రేకులు చల్లుతూ నూతన వధూవరులకు ఘన స్వాగతం పలికారు. పెర్త్ స్కార్చర్స్ స్టార్ క్రికెటర్ ఆరోన్ హార్డీ ఈ వేడుకలో ఉల్లాసంగా పాల్గొంటూ కనిపించాడు.</p>
<blockquote class="twitter-tweet">
<p dir="ltr" lang="en">Many congratulations to Cameron Green and Emily Red on their wedding! 💍❤️ Wishing them a lifetime of happiness together. 🥂✨<a href="https://x.com/hashtag/CameronGreen?src=hash&ref_src=twsrc%5Etfw">#CameronGreen</a> <a href="https://x.com/hashtag/Cricket?src=hash&ref_src=twsrc%5Etfw">#Cricket</a> <a href="https://x.com/hashtag/Wedding?src=hash&ref_src=twsrc%5Etfw">#Wedding</a> <a href="https://x.com/hashtag/AustraliaCricket?src=hash&ref_src=twsrc%5Etfw">#AustraliaCricket</a> <a href="https://t.co/fWe81OBmCP">pic.twitter.com/fWe81OBmCP</a></p>
— Cricket 360 (@RealCrickets360) <a href="https://x.com/RealCrickets360/status/2099149135882383758?ref_src=twsrc%5Etfw">September 13, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p> </p>
<p><strong>వైభవంగా సాగిన పెళ్లి వేడుక.. సెలబ్రిటీల విషెస్</strong><br />వివాహ వేడుక అనంతరం ఈ జంట రొమాంటిక్ డ్యాన్స్‌తో ఆకట్టుకుంది. ఈ ఫొటోలు బయటకు రావడంతో క్రికెట్ ప్రపంచం నుంచి శుభాకాంక్షలు వెల్లువెత్తాయి. రిటైర్డ్ టెస్ట్ క్రికెటర్ ఉస్మాన్ ఖవాజా భార్య రాచెల్ ఖవాజా స్పందిస్తూ అద్భుతమైన జంటకు హృదయపూర్వక శుభాకాంక్షలు తెలిపింది. ఆస్ట్రేలియా మహిళా క్రికెటర్ అలానా కింగ్ కూడా ఈ జంట చూడముచ్చటగా ఉందంటూ ప్రేమను వ్యక్తం చేసింది. ఆష్టన్ అగర్ భార్య మెడిలీన్ అగర్ సైతం కొత్త దంపతులకు తన అభినందనలు పంపింది. 2025 ఫిబ్రవరిలో యాలింగప్‌లో గ్రీన్ మోకాళ్లపై కూర్చుని ప్రపోజ్ చేయగా, దాదాపు 18 నెలల తర్వాత వీరి వివాహం నిశ్చయమై ఘనంగా జరిగింది. డైటీషియన్, పీహెచ్‌డీ అభ్యర్థి అయిన ఎమిలీతో గ్రీన్ నిశ్చితార్థానికి ముందు సుమారు ఐదేళ్ల పాటు ప్రేమ ప్రయాణాన్ని కొనసాగించాడు.</p>
<p>Read Also: <a title="BBL Ownership Dilemma: బీబీఎల్లోకి అడుగుపెట్టేందుకు ఐపీఎల్ బాస్‌ల వెనుకంజ.. మెల్‌బోర్న్ రెనెగేడ్స్ కొనుగోలుపై సస్పెన్స్.. అదే కార‌ణ‌మా..?" href="https://telugu.abplive.com/sports/ipl/ipl-owners-cautious-over-bbl-investment-opportunities-258812" target="_self">BBL Ownership Dilemma: బీబీఎల్లోకి అడుగుపెట్టేందుకు ఐపీఎల్ బాస్‌ల వెనుకంజ.. మెల్‌బోర్న్ రెనెగేడ్స్ కొనుగోలుపై సస్పెన్స్.. అదే కార‌ణ‌మా..?</a></p>
<p><strong>సౌతాఫ్రికా టెస్ట్ పర్యటనకు ఎంపిక.. వెంటనే మైదానంలోకి</strong><br />ఆస్ట్రేలియా తరఫున ఇప్పటివరకు 39 టెస్ట్ మ్యాచ్‌లు ఆడిన గ్రీన్, జట్టులో అత్యంత కీలకమైన పేస్ బౌలింగ్ ఆల్‌రౌండర్‌గా గుర్తింపు పొందాడు. పెళ్లి సంబరాలు ముగిసిన వెంటనే అతడు మళ్లీ క్రీడా మైదానంలోకి దిగనున్నాడు. ఈ నెలాఖరులో సౌతాఫ్రికా పర్యటనకు వెళ్లనున్న ఆస్ట్రేలియా టెస్ట్ జట్టులో గ్రీన్‌కు స్థానం దక్కింది. తనతో పాటు వెస్ట్రన్ ఆస్ట్రేలియా సహచరులు కూపర్ కొన్నోలీ, జోష్ ఇంగ్లిస్‌లు కూడా ఈ పర్యటనకు ఎంపికయ్యారు. కొత్త జీవితంలోకి అడుగుపెట్టిన ఉత్సాహంతో గ్రీన్ రాబోయే కఠినమైన సిరీస్‌లో ఆసీస్ విజయాల్లో కీలక పాత్ర పోషించాలని భావిస్తున్నాడు. అంతర్జాతీయ క్రికెట్‌లో నిలకడైన ప్రదర్శనలతో కీలక స్థానాన్ని సుస్థిరం చేసుకున్న గ్రీన్, వ్యక్తిగత జీవితంలోనూ భాగస్వామితో కలిసి సరికొత్త ప్రయాణాన్ని ప్రారంభించి తన కెరీర్‌లో అత్యుత్తమ దశను ఆస్వాదిస్తున్నాడు. ఇక గత ఐపీఎల్ సీజన్ లో తను కోల్ కతా నైట్ రైడర్స్ కు ప్రాతినిథ్యం వహించిన సంగతి తెలిసిందే. </p>
1 month ago
3 
