<p>AP Rains: బంగాళాఖాతంలో ఏర్పడిన అల్పపీడనం రాష్ట్ర వ్యాప్తంగా విస్తారంగా వర్షాలు కురుస్తున్నాయి. ముఖ్యంగా ఉత్తరాంధ్ర జిల్లాల్లో వర్ష బీభత్సం కనిపిస్తోంది. అల్లూరి జిల్లాలో భారీ వర్షాలు కురుస్తున్నాయి. రెండు రోజులుగా భారీ వర్షాలకు జీకే విధి మండలం దారకొండ పంచాయతీ చిన్న గంగవరం వద్ద తాత్కాలికంగా ఏర్పాటు చేసిన వంతెన కొట్టుకుపోయింది. ఏపీ- ఒడిశా సరిహద్దులోని 15 గ్రామాలకు ఈ వంతెనపై నుంచే రాకపోకలు జరుగుతాయి. 2024లో భారీ వర్షాలకు వంతెన కొట్టుకుపోవడంతో తాత్కాలిక వంతెన నిర్మించారు. ప్రస్తుతం తాత్కాలిక వంతెన కూడా కొట్టుకుపోవడంతో 15 గ్రామాలకు రాకపోకలు నిలిచిపోయాయి. బ్రిడ్జి లేకపోవడం వల్ల నిత్యావసర సరుకుల రవాణాతో పాటు అత్యవసర వైద్య సేవలకు తీవ్ర అంతరాయం కలుగుతుందని గిరిజనులు ఆవేదన చెందుతున్నారు. వర్షాలు, వరదల కారణంగా రాకపోకలు నిలిచిపోవడంతో ఇబ్బందులు పడుతున్నామంటున్నారు. వెంటనే కొత్త బ్రిడ్జి నిర్మాణం చేపట్టి తమ సమస్యను పరిష్కరించాలని గిరిజనులు డిమాండ్ చేస్తున్నారు. <br /><br />Also Read: <a title=" అల్పపీడనం ప్రభావంతో ఏపీలో ఈ జిల్లాల్లో 2 రోజులపాటు భారీ వర్షాలు" href="https://telugu.abplive.com/andhra-pradesh/amravati/andhra-pradesh-weather-update-heavy-rains-and-strong-winds-due-to-low-pressure-area-258718" target="_self"> అల్పపీడనం ప్రభావంతో ఏపీలో ఈ జిల్లాల్లో 2 రోజులపాటు భారీ వర్షాలు</a></p>
<h3>60 కి.మీ వేగంతో ఈదురుగాలులు </h3>
<p>అల్పపీడనం ప్రభావంతో రాగల 6 గంటలు శ్రీకాకుళం నుంచి పల్నాడు వరకు వర్ష సూచన ఉందని రాష్ట్ర విపత్తుల నిర్వహణ సంస్థ శనివారం తెలిపింది. రాగల 2 గంటలు కోనసీమ, పశ్చిమ గోదావరి, ఎన్టీఆర్ జిల్లాల్లో మోస్తరు నుంచి భారీ వర్షాలు, 60 కి.మీ వేగంతో ఈదురుగాలులు వీచే అవకాశం ఉందని పేర్కొంది. మిగతా జిల్లాల్లో మోస్తరు వర్షాలు కురిసే అవకాశం ఉందంది. ప్రజలు అత్యవసరం అయితే తప్ప బయటకు రావొద్దని తెలిపింది. దక్షిణ ఛత్తీస్‌గఢ్, దాని పరిసర ప్రాంతాలపై కేంద్రీకృతమై ఉన్న అల్పపీడనం, ఇది రాబోయే 24 గంటల్లో పశ్చిమ-వాయువ్య దిశగా దక్షిణ ఛత్తీస్‌గఢ్, విదర్భ మీదుగా కదిలే అవకాశం ఉందని తెలిపింది. <br /><br />Also Read: <a title="కూటమి నుంచి బీజేపీ, జనసేన బయటకు రావాలని జగన్ డిమాండ్ - రాజకీయ వ్యూహమా? మైండ్ గేమా?" href="https://telugu.abplive.com/politics/ys-jagan-demands-bjp-janasena-to-exit-tdp-alliance-dsc-controversy-258701" target="_self">కూటమి నుంచి బీజేపీ, జనసేన బయటకు రావాలని జగన్ డిమాండ్ - రాజకీయ వ్యూహమా? మైండ్ గేమా?</a></p>
<h3>నేడు, రేపు భారీ వర్షాలు </h3>
<p>అల్పపీడనం ప్రభావంతో ఇవాళ, రేపు రాష్ట్రంలో విస్తారంగా వర్షాలు కురిసే అవకాశం ఉందని వాతావరణ శాఖ పేర్కొంది. శనివారం ఉత్తరాంధ్ర జిల్లాల్లో అక్కడక్కడ మోస్తరు నుంచి భారీ వర్షాలు, దక్షిణ కోస్తాలో మోస్తరు వర్షాలు కురిసే అవకాశం ఉందని తెలిపింది. ప్రజలు అప్రమత్తంగా ఉండి తగిన జాగ్రత్తలు తీసుకోవాలని సూచించింది. శనివారం శ్రీకాకుళం జిల్లాలో మోస్తరు నుంచి భారీవర్షాలు, విజయనగరం, మన్యం, అల్లూరి, పోలవరం, విశాఖ, అనకాపల్లి, కాకినాడ, కోనసీమ జిల్లాల్లో జిల్లాల్లో కొన్ని ప్రాంతాల్లో పిడుగులతో కూడిన మోస్తరు వర్షాలు కురిసే అవకాశం ఉందని ఏపీఎస్డీఎంఏ ఎండీ ప్రఖర్ జైన్ వెల్లడించారు. <br /><br />Also Read: <a title="తిరుమలలో కాసుల వర్షం - ఒక్కరోజే రూ.6.93 కోట్ల హుండీ రాబడి! ఆల్‌టైమ్ రికార్డ్ జస్ట్ మిస్" href="https://telugu.abplive.com/andhra-pradesh/tirupati/tirumala-srivari-hundi-income-record-6-crores-in-single-day-258671" target="_self">తిరుమలలో కాసుల వర్షం - ఒక్కరోజే రూ.6.93 కోట్ల హుండీ రాబడి! ఆల్‌టైమ్ రికార్డ్ జస్ట్ మిస్</a></p>
1 month ago
3 
