<p>అమరావతి: రాయలసీమను పారిశ్రామికంగా అభివృద్ధి చేస్తామన్న తన నిబద్ధతను చాటుతూ ఆంధ్రప్రదేశ్ ముఖ్యమంత్రి చంద్రబాబు నాయుడు సోషల్ మీడియాలో ఒక ఆసక్తికరమైన పోస్ట్ చేశారు. సీమ ప్రాంతానికి పాత వైభవం తీసుకువస్తూ, ఇకపై ఇది కేవలం రాయలసీమ మాత్రమే కాదు, నిజమైన 'రాయల్' సీమ అని ఆయన అభివర్ణించారు. తిరుపతిలో ప్రముఖ ద్విచక్ర వాహన దిగ్గజ సంస్థ 'రాయల్ ఎన్‌ఫీల్డ్' భారీ పెట్టుబడులతో తన యూనిట్‌ను ఏర్పాటు చేసేందుకు సిద్ధమైన నేపథ్యంలో, ఆ సంస్థ పేరులోని రాయల్ అనే పదాన్ని సీమకు అన్వయిస్తూ సీఎం చంద్రబాబు ఈ పోస్ట్ పెట్టారు.</p>
<blockquote class="twitter-tweet">
<p dir="ltr" lang="en">Royal Enfield is cruising its way into Rayalaseema! <a href="https://t.co/sEQsvW5Zyk">pic.twitter.com/sEQsvW5Zyk</a></p>
— N Chandrababu Naidu (@ncbn) <a href="https://twitter.com/ncbn/status/2052631343390196215?ref_src=twsrc%5Etfw">May 8, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>అదేవిధంగా, విశాఖపట్నం ఐటీ హబ్‌గా మారుతున్న క్రమంలో గూగుల్ డేటా సెంటర్ నిర్మాణ పనులు ప్రారంభం కానుండటంపై కూడా <a title="చంద్రబాబు" href="https://telugu.abplive.com/topic/Chandrababu" data-type="interlinkingkeywords">చంద్రబాబు</a> హర్షం వ్యక్తం చేశారు. వైజాగ్ అభివృద్ధిని ప్రతిబింబించేలా గూగుల్ లోగో శైలిలో ఒక ప్రత్యేకమైన పోస్టును ఆయన పంచుకున్నారు. రాష్ట్రంలోకి గూగుల్, రాయల్ ఎన్‌ఫీల్డ్ వంటి అంతర్జాతీయ సంస్థలు వస్తుండటం ఏపీ పారిశ్రామిక ప్రగతికి నిదర్శనమని, దీని ద్వారా యువతకు భారీగా ఉపాధి అవకాశాలు లభిస్తాయని ఈ సందర్భంగా రాజకీయ వర్గాలు విశ్లేషిస్తున్నాయి.</p>
4 weeks ago
4 
