<p>అమరావతి: ఆంధ్రప్రదేశ్ ముఖ్యమంత్రి చంద్రబాబు అధ్యక్షతన జరుగుతున్న కేబినెట్ సమావేశంలో 10కి పైగా కీలకమైన అంశాలపై చర్చిస్తున్నారు. రాష్ట్రంలో ఉద్యానవన రంగాన్ని మరింత బలోపేతం చేసేందుకు రూ.20.62 కోట్ల అంచనా వ్యయంతో 'హార్టికల్చర్ ఇన్ఫర్మేషన్ సిస్టమ్' ఏర్పాటు ప్రతిపాదనకు మంత్రిమండలి ఆమోదం తెలిపింది. వీటితో పాటు విద్యా, వైద్య రంగాలు, సంక్షేమానికి సంబంధించి పలు కీలక నిర్ణయాలను ఏపీ కేబినెట్ తీసుకుంది.</p>
<p>సేవలందిస్తూ మృతి చెందిన ఆశా (ASHA) వర్కర్ల కుటుంబాలకు ఆర్థిక ఊరటనిచ్చేందుకు గ్రాట్యుటీ చెల్లింపు ప్రతిపాదనపై కేబినెట్ చర్చించింది. పూర్తి చేసిన ప్రతి సర్వీసు సంవత్సరానికి రూ.5,000 చొప్పున, గరిష్ఠంగా రూ.1.50 లక్షల వరకు గ్రాట్యుటీ అందించేందుకు ముసాయిదా సిద్ధం చేశారు. ప్రజారోగ్య రంగాన్ని బలోపేతం చేసే క్రమంలో భాగంగా రేపల్లెలోని 30 పడకల కమ్యూనిటీ హెల్త్ సెంటర్ (CHC)ను 100 పడకల ఏరియా ఆసుపత్రిగా అప్‌గ్రేడ్ చేసేందుకు కేబినెట్ ఆమోదం తెలిపింది. అలాగే సంక్షేమ వసతి గృహాలు, రెసిడెన్షియల్ పాఠశాలల్లో విద్యార్థుల మెరుగైన పోషణ కోసం డైట్ ఛార్జీల పెంపునకు సంబంధించి ఏపీ మంత్రిమండలి ర్యాటిఫికేషన్ ఇచ్చింది.</p>
<p><br /><img src="https://feeds.abplive.com/onecms/images/uploaded-images/2026/10/07/09c69d7e75588a9349c40726100e922f1791358540216233_original.jpeg" /></p>
<p>విద్యా రంగంలో విప్లవాత్మక మార్పుల కోసం గిరిజన విద్యార్థులకు ఐఐటీ-జేఈఈ (IIT-JEE), నీట్ పోటీ పరీక్షలకు నాణ్యమైన కోచింగ్ అందించేందుకు 'సెంటర్ ఆఫ్ ఎక్సలెన్స్' ఏర్పాటు ప్రతిపాదనపై చర్చించారు. 'ఆంధ్రప్రదేశ్ ఎడ్యుకేషన్ యాక్ట్-1982' సవరణ ప్రతిపాదనపై కూడా సమగ్రంగా చర్చ జరిగింది. అత్యంత ప్రాధాన్య అంశంగా విదేశీ, ప్రైవేట్ ఉన్నత విద్యా సంస్థలకు అవసరమైన అర్హతలు, ప్రోత్సాహకాలతో కూడిన నూతన విధానం "ఏపీ ఫారిన్ హయ్యర్ ఎడ్యుకేషన్ పాలసీ-2026" ప్రతిపాదనకు <a title="చంద్రబాబు" href="https://telugu.abplive.com/topic/Chandrababu" data-type="interlinkingkeywords">చంద్రబాబు</a> నేతృత్వంలో ఏపీ కేబినెట్ ఆమోదముద్ర వేసింది.</p>
<p><br /><img src="https://feeds.abplive.com/onecms/images/uploaded-images/2026/10/07/2bdf501283c80565f1034ba385c57ee21791358561706233_original.jpeg" /></p>
<p> </p>
3 weeks ago
2 
