<p><strong>Ammayi garu Serial Today Episode </strong>రూప రాజుని విడిపించి తీసుకురావాలని వెళ్లబోతే సుమ వచ్చి ఆపుతుంది. మీ నాన్న ఏమన్నారో తెలుసు కదా నువ్వు బయటకు వెళ్లావని తెలిస్తే మీ నాన్న మళ్లీ నిన్ను ఇంటిలోపలికి రానివ్వడని అంటుంది. దాంతో రూప రాజు బయటకు రాకపోతే నేను ఇంట్లో ఉన్నా లేకపోయినా ఒకటే పిన్ని నాన్న వాళ్లు అడిగితే ఏదో ఒకటి చెప్పు నేను వెళ్లి వస్తా అంటుంది. దాంతో సుమ ఆపి రాత్రి బెయిల్ ఇవ్వరు కదా నువ్వు వెళ్లినా వేస్టే.. అనవసరంగా ఇంట్లో నువ్వు లేవు అని తెలిస్తే గొడవ అవుతుందని సర్ది చెప్తుంది. </p>
<p>పిన్ని మాటలతో రూప ఆగిపోతుంది. రూప గదిలో బాధ పడుతూ ఉంటుంది. ఇక రాజు జైలులో తనని తాను మాట్లాడుకుంటూ ఉంటాడు. నిశ్చితార్థం ఆపకుండా ఉండి ఉంటే కనీసం పెళ్లి టైంకి అయినా ఏదో ఒకటి చేసేవాడిని ఇప్పుడు రేపే పెళ్లి ఏం చేయాలి అని అనుకుంటాడు. దీపక్ పెళ్లి జరిగిపోతే మందారం అన్యాయం అయిపోతుందని అనుకుంటాడు. ఇక రూప పెళ్లి ఆపితే దీపు బాబుకి న్యాయం చేసినట్లు అవుతుందని అనుకుంటుంది. రాజు తలచుకుంటే ఏమైనా చేయగలడు అని రూప అనుకుంటుంది. </p>
<p>ఇక విజయాంబిక, దీపక్ మాట్లాడుకుంటారు. రాజు జైలులో ఉండటం వల్ల పెళ్లి ఆపలేడని.. రూప రాజు గురించి ఆలోచిస్తూ ఉంటుంది పెళ్లి గురించి ఆలోచించదు అని అనుకుంటుంది. ఇక రాజు బయటకు రాకుండా చితక్కొట్టమని పోలీసులకు చెప్పమని అంటుంది. ఆ మాటలు రూప వినేస్తుంది. అప్పటికే రాజుని కొడుతున్న పోలీసులకు దీపక్ కాల్ చేసి రాజుని చితక్కొట్టమని ఎస్‌ఐతో చెప్తాడు. తన పెళ్లి అయిన వరకు ఎవరూ వచ్చినా విడిచిపెట్టొద్దని చెప్తాడు. రాజుని కాపాడుకుంటానని రూప పరుగులు తీస్తుంది. ఇక విజయాంబిక కొడుకుతో పెళ్లి వాళ్లు డబ్బు నగలు ఇస్తారని వాటిని తీసుకొని అమెరికా చెక్కేయాలని అందుకు ఏర్పాట్లు చేయమని చెప్తుంది.</p>
<p>రూప లాయర్‌ని తీసుకొని పోలీస్ స్టేషన్‌కి వెళ్తుంది. పోలీసులు తనని గుర్తించి తండ్రికి చెప్తారని తాను రాను అని లాయర్‌ని లోపలికి పంపిస్తుంది. ఎస్‌ఐతో కానిస్టేబుల్ లాయర్ వచ్చారని చెప్పగానే రాజు వెటకారంగా నవ్వుతాడు. సీఎం గారు నిన్ను అరెస్ట్ చేయించారని ఎవరూ నిన్ను విడిపించలేరని అంటాడు. ఇక లాయర్ సీఐకి బెయిల్ చూపించడంతో రాజుని విడిపిస్తారు. బాగా కొట్టడంతో రాజు నడవలేకపోతాడు. లాయర్ రాజుని తీసుకొని వెళ్లిపోతాడు. ఇక సీఐ దీపక్‌కి కాల్ చేసి రాజు బెయిల్ మీద వెళ్లిపోయాడని చెప్తాడు. దీపక్, విజయాంబిక షాక్ అయిపోతారు. రూప ఇంట్లో ఉందో లేదో చూసి దాన్ని ఇరికించేద్దామని అనుకొని వెతుకుతారు. సుమ కంగారుగా రూపకి కాల్ చేసి విషయం చెప్తుంది. </p>
<p>దీపక్, విజయాంబికలు రూప మన ఇంటి పరువు తీస్తుందని వద్దన్న పనులే చేస్తుందని తగిలిస్తారు. రాజు రావడంతో రూప రాజు పరిస్థితికి ఎమోషనల్ అవుతుంది. లాయర్‌ని తర్వాత కలుస్తాను అని పంపేస్తుంది. ఇంటి దగ్గర దీపక్, వాళ్లు తనని ఇరికించారని రూప చెప్తే రాజు కూడా వస్తానని అంటాడు. దాంతో రూప వద్దని రాజుని ఇంటి దగ్గర డ్రాప్ చేస్తానని చెప్పి రాజుని తీసుకొని బయల్దేరుతుంది. సూర్య విజయాంబిక వాళ్లతో రూపకి అంత ధైర్యం లేదని చెప్తాడు. ఇక సూర్య సుమని పిలిచి అడిగితే రూప ఎక్కడికీ వెళ్లలేదని చెప్తుంది. దాంతో విజయాంబిక చాటుగా వెళ్లిందని చెప్తుంది. సుమ మనసులో దుర్మార్గులకు రూప దొరికిపోయింది నువ్వే రూపని కాపాడాలి దేవుడా అని కోరుకుంటుంది. రాజుకి బెయిల్ ఇచ్చారని దీపక్ చెప్తాడు. రూపే రాజుని విడిపించుంటుందని విజయాంబిక సూర్యకు ఎక్కిస్తుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><strong>Also Read: సత్యభామ సీరియల్: తల్లిదండ్రుల్ని దారుణంగా అవమానించిన సంధ్య.. సంజయ్, బిగ్‌డాడీల కొత్త ఆట షురూ!</strong></p>
10 months ago
8 
