<p><strong>Affordable Mileage CNG Cars Under 6 Lakhs: </strong>భారత్‌లో ఇంధన ధరలు పెరిగాయి. లీటర్‌కు మూడు రూపాయల చొప్పిన ప్రజలపై భారం వేశారు. దీంతో సామాన్యుడికి జేబుకు చిల్లు పెడుతోంది. పెట్రోల్ ధరలు ఆకాశాన్ని అంటుతున్న వేళ వాహదారులు ప్రత్యామ్నాయ ఇంధన వనరుల వైపు మొగ్గు చూపుతున్నారు. ఎలక్ట్రిక్ వాహనాలు, ఇంకా పూర్తి స్థాయిలో అందుబాటులోకి రాలేదు. వచ్చిన వాటిపై పూర్తి స్థాయి నమ్మకం ప్రజలకు కలగడం లేదు. మరికొన్ని వాహనాల ధరలు అందుబాటులో ఉండటం లేదు. అందుకే ఎక్కువ మంది కంప్రెస్డ్‌ నేచురల్‌ గ్యాస్‌(CNG)వాహనాలవైపు (Best CNG Cars India 2026)మొగ్గు చూపుతున్నారు. తక్కువ నిర్వహణ ఖర్చు, పర్యావరణహితం, అత్యధిక మైలేజ్‌(Fuel Efficient Cars India) కారణంగా సీఎన్జీ వాహనాల అమ్మకాలు గణనీయంగా పెరుగుతున్నాయి. </p>
<h3>మారుతి సుజుకి సెలెరియో (Maruti Celerio)</h3>
<p>దీన్ని మైలేజ్‌ రారాజుగా చెబుతారు. ఇది కేజీ సీఎన్జీకి 35.60 కిలోమీటర్ల అద్భుతమైన మైలేజ్‌ను అందిస్తుంది. ఇందులో సరికొత్త K 10CC డ్యూయల్‌జెట్‌ 1.0 లీటర్ త్రీ- సిలిండర్‌ ఇంజిన్‌్ను అమర్చారు. ఇది 66hp పవర్‌ను, 89Nm టార్క్‌ను ఉత్పత్తి చేస్తుంది. 2026ఫేస్‌లిఫ్ట్ మోడల్‌లో ఆరు ఎయిర్‌బ్యాగ్‌లు, హిల్ హోల్డ్‌ అసిస్ట్‌, ఇంజిన్ స్టార్ట్ స్టాఫ్‌ బటన్, క్రోమ్‌ యాక్సెంట్లతో కూడిన సరికొత్త ఇంటీరియర్స్‌ ఉన్నాయి. దీని ప్రారంభ ధర ఎక్స్ షోరూమ్‌ వద్ద సుమారు. 5. 98 లక్షలుగా ఉంది. మీకు కావాల్సిన ఫీచర్స్‌ ఆధారంగా ధర మారుతుంది. </p>
<h4>Also Read: <span style="color: #e03e2d;"><a style="color: #e03e2d;" title="హ్యుందాయ్ విప్లవాత్మక ప్రయోగం! విద్యుత్‌ గ్రిడ్‌కే పవర్ సప్లై చేసే పవర్‌బ్యాంక్‌ లాంటి కారు సిద్ధం!" href="https://telugu.abplive.com/auto/hyundai-v2g-jeju-island-renewable-energy-ev-grid-pilot-247441" target="_self">హ్యుందాయ్ విప్లవాత్మక ప్రయోగం! విద్యుత్‌ గ్రిడ్‌కే పవర్ సప్లై చేసే పవర్‌బ్యాంక్‌ లాంటి కారు సిద్ధం!</a></span></h4>
<h3>మారుతీ సుజుకి వాగన్‌ ఆర్‌(Wagon R)</h3>
<p>ఇది ఫ్యామిలీ ఫేవరెట్‌ వెహికల్. భారతీయ రోడ్లపై అత్యధికంగా అమ్ముడవుతున్న కార్లలో వాగన్ ఆర్‌ ఒకి. దీని విశాలమైన క్యాబిన్ దీనికి ప్రధాన ఆకర్షణ. సీఎన్జీ మోడ్‌లో ఇది 34. 05 కిలోమీటర్‌ మైలేజ్‌ ఇస్తుంది. ఈ బడ్జెట్‌ హ్యాచ్‌బ్యాక్‌లో ఇప్పుడు 6 ఎయిర్‌బ్యాగ్‌లు, ఏబీస్‌ విత్ ఈబీడీ, రియర్ పార్కింగ్ సెన్సార్లు, స్పీడ్ అలర్ట్‌ సిస్టమ్‌ వంటి భద్రతా ఫీచర్లు వస్తున్నాయి. దీని ప్రారంభ ధర 5.89 లక్షలుగా ఉంది. </p>
<h4>Also Read:<span style="color: #e03e2d;"><a style="color: #e03e2d;" title="ఐఐటీ హైదరాబాద్‌, కాన్పూర్‌తో హ్యుందాయ్ ఒప్పందం! ఫ్యూచర్ ప్లాన్ తెలిస్తే షాక్‌ అవ్వాల్సిందే!" href="https://telugu.abplive.com/auto/hyundai-india-ev-research-academic-partnerships-iit-hyderabad-iit-kanpur-vnit-tezpur-247428" target="_self">ఐఐటీ హైదరాబాద్‌, కాన్పూర్‌తో హ్యుందాయ్ ఒప్పందం! ఫ్యూచర్ ప్లాన్ తెలిస్తే షాక్‌ అవ్వాల్సిందే!</a></span></h4>
<h3>మారుతి సుజుకి డిజైర్‌</h3>
<p>కొంచెం లగ్జరీని కోరుకునే వారికి సౌకర్యవంతమైన వాహనం కోరుకునే వారికి డిజైర్ ఒక మంచి ఆప్షన్. సెడాన్‌ విభాగంలో సీఎన్జీ వేరియంట్‌తో ఇది ప్రత్యేకత చాటుకుంటుంది. ఇందులో 1.2 లీటర్, 3 సిలిండర్‌ ఇంజిన్ ఉంది. ఇది 70 హెచ్‌పీ పవర్‌ను అందిస్తుంది. భారీ బాడీ ఉన్నప్పటికీ, ఇది 33.73 కిలోమీటర్ల మైలేజ్‌ ఇస్తుంది. ఇందులో 55 లీటర్ల సీఎన్జీ ట్యాంక్‌ సామర్థ్యం ఉంది. దీని ప్రారంభ ధర 8.74 లక్షలు. </p>
<h4>Also Read:<span style="color: #e03e2d;"><a style="color: #e03e2d;" title="హ్యాందాయ్‌ నుంచి 10 లక్షల బడ్జెట్‌లో ఉన్న మోడల్స్ ఇవే! కారు కొనే ముందు ఓ లుక్‌ వేయండి! " href="https://telugu.abplive.com/auto/hyundai-best-models-under-10-lakhs-take-a-look-before-buying-a-car-244417" target="_self">హ్యాందాయ్‌ నుంచి 10 లక్షల బడ్జెట్‌లో ఉన్న మోడల్స్ ఇవే! కారు కొనే ముందు ఓ లుక్‌ వేయండి!</a></span></h4>
<h3>మారుతి సుజుకి స్విఫ్ట్‌ </h3>
<p>స్టైలిష్ అండ్ పవర్‌ఫుల్ లుక్‌తో యువతను ఎక్కువగా ఆకర్షిస్తుంది. ఇప్పుడు సరికొత్త జెడ్ సిరీస్‌ ఇంజిన్‌తో మార్కెట్‌లోకి వచ్చింది. పాత 4 సిలిండర్‌ ఇంజిన్ స్థానంలో వచ్చిన కొత్త 1.2 లీటర్ 3- సిలిండర్ ఇంజిన్ 82PS పవర్‌ను ఇస్తుంది. ఇది కేజీకి 32. 85 కిలోమీటర్ల మైలేజ్‌ను అందిస్తుంది. దీని ప్రారంభ ధర 7.45 లక్షలుగా ఉంది. </p>
<h4>Also Read:<span style="color: #e03e2d;"><a style="color: #e03e2d;" title=" EV త్రీ-వీలర్ మార్కెట్లో సంచలనం.. హ్యుందాయ్, టీవీఎస్ మోటార్స్ Joint Venture! దేశీ రోడ్ల కోసం స్పెషల్ ఎలక్ట్రిక్ ఆటోలు" href="https://telugu.abplive.com/auto/hyundai-and-tvs-motor-partner-to-develop-next-gen-electric-three-wheelers-for-india-244953" target="_self">EV త్రీ-వీలర్ మార్కెట్లో సంచలనం.. హ్యుందాయ్, టీవీఎస్ మోటార్స్ Joint Venture! దేశీ రోడ్ల కోసం స్పెషల్ ఎలక్ట్రిక్ ఆటోలు</a></span></h4>
<h3>మారుతి సుజుకి ఆల్టో K10</h3>
<p>తక్కువ బడ్జెట్‌లో వచ్చే కారు ఇది. తక్కువ ధర అయినప్పటికీ ఇందులో 7 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్‌, కీలెస్ ఎంట్రీ వంటి ఫీచర్లు ఉన్నాయి. ఇది 31. 59కిలోమీటర్ల మైలేజ్‌ను ఇస్తుంది. ఇందులో కూడా ఆరు ఎయిర్‌బ్యాగ్‌లు, ఏబీఎస్‌ వంటి ఫీచర్లు ఉన్నాయి. </p>
<h4>Also Read:<span style="color: #e03e2d;"><a style="color: #e03e2d;" title="ఎండల్లో సేఫ్ డ్రైవింగ్ టిప్స్ - సమ్మర్ గ్లేర్ నుండి తప్పించుకోవడానికి ఎన్ హెచ్ఏఐ కీలక సూచనలు" href="https://telugu.abplive.com/auto/nhai-shares-important-driving-tips-to-deal-with-summer-glare-on-highways-247382" target="_self">ఎండల్లో సేఫ్ డ్రైవింగ్ టిప్స్ - సమ్మర్ గ్లేర్ నుండి తప్పించుకోవడానికి ఎన్ హెచ్ఏఐ కీలక సూచనలు</a></span></h4>
<p>సీఎన్జీ కారును ఎంచుకునేటప్పుడు కేవలం మైలేజ్‌ మాత్రమే కాకుండా, మీ నగరంలో సీఎన్జీ స్టేషన్ల లభ్యతను కూడా పరిగణలోకితీసుకోవాలి. పైన పేర్కొన్న కార్లన్నీ 2026 నాటి భద్రా ప్రమాణాలకు అనుగుణంగా రూపొందించారు. ముఖ్యంగా మధ్యతరగతి కుటుంబాలకు ఇవి ఆర్థికంగా ఎంతో మేలు చేస్తాయి. </p>
3 weeks ago
3 
