<p><strong>Actress Hema Gets Emotional On Her Mother Death : </strong>ప్రముఖ తెలుగు నటి హేమ ఇంట ఇటీవల తీవ్ర విషాదం నెలకొన్న సంగతి తెలిసిందే. ఆమె తల్లి అనారోగ్యంతో ఇటీవల ప్రాణాలు కోల్పోయారు. ఈ క్రమంలో హేమ కన్నీళ్లు పెట్టుకున్నారు. తనపై వచ్చిన ట్రోలింగ్స్, ఫేక్ న్యూస్ కారణంగానే ఆవేదనకు గురై తల్లి తనకు దూరమైందని ఆవేదన వ్యక్తం చేస్తూ ఓ వీడియో రిలీజ్ చేశారు.</p>
<p><strong>ట్రోలింగ్స్ వల్లే అమ్మ దూరమైంది</strong></p>
<p>తనపై బెంగుళూరు రేవ్ పార్టీ డ్రగ్స్ కేసు కొట్టేసినట్లు చెప్పిన హేమ... ఈ గుడ్ న్యూస్ అమ్మతో షేర్ చేసుకున్నానని చెప్పారు. ఈ నెల 3న తీర్పు రాగా... జడ్జిమెంట్ కాపీ చేతికి వచ్చేంత వరకూ ఈ విషయం బయటకు చెప్పకూడదనడంతో ఎవరితోనూ షేర్ చేసుకోలేదన్నారు. 'అమ్మ చనిపోయిన దుఃఖాన్ని గుండెల్లో దాచుకుని ఓ గుడ్ న్యూస్ మీతో షేర్ చేసుకోవాలనుకున్నా. బెంగుళూరు హైకోర్టు నాపై ఉన్న కేసు డిస్మిస్ చేసింది. జడ్జిమెంట్ కాపీ చేతికి వచ్చిన తర్వాతే ఈ విషయం మీతో చెబుతున్నా.' అని అన్నారు.</p>
<p><strong>మాపై ఏం హక్కు ఉంది?</strong></p>
<p>'ఈ లోపే అమ్మ స్ట్రోక్‌తో నాకు దూరమైంది. ఆమెనే నా బలం. నా ధైర్యం. ఈ రోజు నేను ఇలా ఉండడానికి కారణం మా అమ్మ. నాకంటూ ఆ ఇష్యూ రావడంతో అమ్మ తట్టుకోలేకపోయింది. సోషల్ మీడియా ట్రోలింగ్స్ వల్ల, న్యూస్ చానల్స్ వేసిన న్యూస్ వల్ల ఆమె చాలా కుంగిపోయారు. అప్పుడు కూడా ఈ విషయాన్ని నేను పదే పదే చెప్పాను. సెలబ్రిటీ అయితే... మీడియా, సోషల్ మీడియా, ట్రోలింగ్స్ చేసే వారికి మాపై ఎలాంటి అధికారాలు ఉన్నాయి?. ఫేక్ న్యూస్ వెయ్యొద్దు వెయ్యొద్దు అని మొత్తుకుంటున్నా వినలేదు.</p>
<p>ఫేక్ న్యూస్ కవర్ చేయడానికి అట్టడుగుకు వెళ్లి మరీ నాపై ట్రోల్ చేస్తూనే ఉన్నారు. నేను ఏ తప్పూ చేయలేదని మొదటి నుంచీ చెబుతూనే ఉన్నా. సింహం రెండడుగులు వెనక్కి వేసిందంటే పారిపోతున్నట్లు కాదు. డెఫినెట్‌గా వస్తాను. ఈ రోజు వచ్చాను. నిలబడ్డాను. భగవంతుడు నా వైపు ఉన్నాడు. నేను కేసు గెలిచాను.' అంటూ హేమ కన్నీళ్లు పెట్టుకున్నారు.</p>
<blockquote class="twitter-tweet" data-media-max-width="560">
<p dir="ltr" lang="te">నా రేవ్ పార్టీ కేసు కొట్టేశారు : Actress Hema<a href="https://twitter.com/hashtag/Hema?src=hash&ref_src=twsrc%5Etfw">#Hema</a> <a href="https://t.co/80Qlf3hy8D">pic.twitter.com/80Qlf3hy8D</a></p>
— suteega sutthilekunda (@suteega999) <a href="https://twitter.com/suteega999/status/1992198446888210657?ref_src=twsrc%5Etfw">November 22, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>Also Read : <a title="హ్యాపీ బర్త్ డే నాగ చైతన్య - అక్కినేని యంగ్ హీరో గురించి మీకు తెలియని విషయాలివే!" href="https://telugu.abplive.com/entertainment/cinema/naga-chaitanya-birthday-special-lesser-known-facts-career-personal-life-details-228251" target="_self">హ్యాపీ బర్త్ డే నాగ చైతన్య - అక్కినేని యంగ్ హీరో గురించి మీకు తెలియని విషయాలివే!</a></strong></p>
1 week ago
2 
