<p><strong>Coconut shell industry is pouring in cash: </strong>కొబ్బరి చెట్టును కల్పవృక్షం అని ఎందుకు అంటారో మరోసారి నిరూపితమైంది. గతంలో కేవలం వంటచెరుకుగానో లేదా పారేసే వ్యర్థాలుగానో భావించిన కొబ్బరి చిప్పలు (Coconut Shells) ఇప్పుడు అంతర్జాతీయ మార్కెట్లో హాట్ కేకుల్లా అమ్ముడవుతున్నాయి. గతంలో టన్ను ధర రూ. 4,000 నుండి రూ. 5,000 పలకగా, ఇప్పుడు అది ఏకంగా రూ. 25,000కు చేరుకుంది. ఈ పరిణామం కొబ్బరి రైతులకు సరికొత్త ఆదాయ మార్గాన్ని చూపింది. </p>
<p><strong>పరిశ్రమల్లో కీలక పాత్ర </strong></p>
<p>కొబ్బరి చిప్పల నుంచి తయారు చేసే యాక్టివేటెడ్ కార్బన్ (Activated Carbon)కు ఇప్పుడు ప్రపంచవ్యాప్తంగా భారీ డిమాండ్ ఏర్పడింది. రక్షణ రంగంలో గ్యాస్ మాస్క్‌ల తయారీలో, పెట్రోలియం పరిశ్రమలో గ్యాస్ రికవరీ కోసం, బ్యూటీ ప్రొడక్ట్స్ ఫేస్ మాస్క్లు, సోపులు తయారీలో వీటిని విస్తృతంగా వాడుతున్నారు. చిప్పలను అధిక ఉష్ణోగ్రత వద్ద ప్రాసెస్ చేయడం ద్వారా తయారయ్యే ఈ కార్బన్, అశుద్ధాలను తొలగించడంలో అత్యంత శక్తివంతంగా పనిచేస్తుందని నిపుణులు చెబుతున్నారు. </p>
<blockquote class="twitter-tweet">
<p dir="ltr" lang="en">🌟 Coconut shell business is booming in Konaseema.<br /><br />Farmers are earning more as prices rose from ₹5,000 to ₹25,000 per ton. Shells are used for activated carbon, clean energy, cosmetics, & gas masks.<br /><br />Shells worth ₹55 Cr are produced every year in the district. <a href="https://twitter.com/hashtag/AndhraPradesh?src=hash&ref_src=twsrc%5Etfw">#AndhraPradesh</a> <a href="https://t.co/uSTkECp8uv">pic.twitter.com/uSTkECp8uv</a></p>
— Andhra Nexus (@AndhraNexus) <a href="https://twitter.com/AndhraNexus/status/1935297359979950184?ref_src=twsrc%5Etfw">June 18, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
<br /><strong>మన రాష్ట్రంలోని కొబ్బరి రైతులకూ లాభాలు</strong></p>
<p>డాక్టర్ బి.ఆర్. అంబేద్కర్ కోనసీమ జిల్లాలో సుమారు 1.26 లక్షల ఎకరాల్లో కొబ్బరి సాగు జరుగుతోంది. నిపుణుల అంచనాల ప్రకారం.. ఈ ప్రాంతంలో ఏటా సుమారు 55 కోట్ల రూపాయల విలువైన కొబ్బరి చిప్పలు ఉత్పత్తి అవుతున్నాయి. ప్రతి ఎకరాకు ఏడాదికి సుమారు 6,000 కొబ్బరి కాయల దిగుబడి వస్తుండగా, అందులో 45 శాతం చిప్పలుగా మారుతాయి. సాంప్రదాయ పద్ధతుల్లో బొమ్మలు, అలంకరణ వస్తువుల తయారీకే పరిమితమైన ఈ రంగం, ఇప్పుడు సెమీకండక్టర్ డివైజ్‌ల తయారీలో వాడే క్లీన్ ఎనర్జీ చిప్స్ స్థాయికి ఎదగడం విశేషం. </p>
<blockquote class="twitter-tweet">
<p dir="ltr" lang="und">Coconut waste से activated carbon बनाने का business idea बहुत अच्छा है.... <a href="https://t.co/s7CQcP5nmQ">pic.twitter.com/s7CQcP5nmQ</a></p>
— धृति (@Dhriti3335751) <a href="https://twitter.com/Dhriti3335751/status/2041087054583566829?ref_src=twsrc%5Etfw">April 6, 2026</a></blockquote>
<p><strong> భారత్ అగ్రస్థానం </strong></p>
<p>ప్రపంచ కొబ్బరి ఉత్పత్తిలో భారత్ కీలక పాత్ర పోషిస్తోంది. <a title="కర్ణాటక" href="https://telugu.abplive.com/topic/Karnataka" data-type="interlinkingkeywords">కర్ణాటక</a>, తమిళనాడు, కేరళ తర్వాత ఆంధ్రప్రదేశ్ నాల్గవ స్థానంలో ఉంది. కోనసీమలో అభివృద్ధి చెందుతున్న ఈ కొబ్బరి చిప్పల పరిశ్రమ స్థానిక యువతకు ఉపాధి కల్పించడమే కాకుండా, విదేశీ మార్పిడిని కూడా ఆర్జించి పెడుతోంది. వ్యర్థాల నుంచి సంపదను సృష్టించవచ్చని కోనసీమ రైతులు దేశానికి చాటి చెబుతున్నారు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/jobs/want-to-become-a-cbi-officer-here-are-the-details-243443" width="631" height="381" scrolling="no"></iframe></p>
1 week ago
2 
