<p><strong>IPL 2026 SRH VS DC Live Updates:</strong> టీ20 క్రికెట్‌లో అభిషేక్ శర్మ బ్యాటింగ్ చూస్తుంటే వచ్చే మజాయే వేరు. గురువారం హైదరాబాద్‌లోని ఉప్పల్ స్టేడియం సాక్షిగా ఈ యువ ఓపెనర్ అద్భుతమైన ఇన్నింగ్స్‌తో అభిమానులను ఉర్రూతలూగించాడు. ఐపీఎల్ 2026 సీజన్‌లో భాగంగా ఢిల్లీ క్యాపిటల్స్‌తో జరిగిన మ్యాచ్‌లో అభిషేక్ 135 పరుగులతో అజేయంగా నిలిచాడు. తన 68 బంతుల ఇన్నింగ్స్‌లో ఏకంగా 10 సిక్సర్లు, 10 ఫోర్ల సహాయంతో స్టేడియం నలుమూలలా బౌండరీల వర్షం కురిపించాడు. కేవలం 47 బంతుల్లోనే శతకాన్ని పూర్తి చేసుకుని సన్‌రైజర్స్ హైదరాబాద్ భారీ స్కోరు సాధించడంలో కీలక పాత్ర పోషించాడు. అలాగే ఆరెంజ్ క్యాప్ ను కూడా తన సొంతం చేసుకున్నాడు. </p>
<p><strong>రికార్డుల వేటలో అభిషేక్..</strong><br />ఈ సెంచరీతో అభిషేక్ శర్మ క్రికెట్ ప్రపంచంలో అనేక రికార్డులను తన పేరిట లిఖించుకున్నాడు. టీ20 క్రికెట్‌లో అత్యధిక సెంచరీలు సాధించిన భారతీయ ఆటగాడిగా విరాట్ కోహ్లీ (9 సెంచరీలు) రికార్డును సమం చేశాడు. అదే సమయంలో రోహిత్ శర్మ (8 సెంచరీలు) రికార్డును అధిగమించడం విశేషం. ప్రపంచవ్యాప్తంగా చూస్తే క్రిస్ గేల్ (22), బాబర్ ఆజం (12) మొదటి రెండు స్థానాల్లో ఉండగా, డేవిడ్ వార్నర్ (10) తర్వాతి స్థానంలో ఉన్నాడు. ఇప్పుడు అభిషేక్ కూడా 9 సెంచరీలతో కోహ్లీ, క్వింటన్ డికాక్ వంటి దిగ్గజాల సరసన నిలిచాడు.</p>
<blockquote class="twitter-tweet">
<p dir="ltr" lang="en">Incredible knock, iconic celebration 🙌<br /><br />An Abhishek Sharma special lights up Hyderabad 💯<br /><br />Updates ▶️ <a href="https://t.co/VgUjXDlrDh">https://t.co/VgUjXDlrDh</a><a href="https://twitter.com/hashtag/TATAIPL?src=hash&ref_src=twsrc%5Etfw">#TATAIPL</a> | <a href="https://twitter.com/hashtag/KhelBindaas?src=hash&ref_src=twsrc%5Etfw">#KhelBindaas</a> | <a href="https://twitter.com/hashtag/SRHvDC?src=hash&ref_src=twsrc%5Etfw">#SRHvDC</a> | <a href="https://twitter.com/SunRisers?ref_src=twsrc%5Etfw">@SunRisers</a> | <a href="https://twitter.com/OfficialAbhi04?ref_src=twsrc%5Etfw">@OfficialAbhi04</a> <a href="https://t.co/QUWtkWuX0D">pic.twitter.com/QUWtkWuX0D</a></p>
— IndianPremierLeague (@IPL) <a href="https://twitter.com/IPL/status/2046612219862089888?ref_src=twsrc%5Etfw">April 21, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>సిక్సర్ల కింగ్..</strong><br />ఐపీఎల్ చరిత్రలో ఒకే ఇన్నింగ్స్‌లో 10 అంతకంటే ఎక్కువ సిక్సర్లు కొట్టడం అభిషేక్ శర్మకు ఇది రెండవసారి. క్రిస్ గేల్ తర్వాత ఈ ఘనతను మళ్ళీ మళ్ళీ సాధించిన ఏకైక బ్యాటర్ అభిషేక్ మాత్రమే కావడం గమనార్హం. ఓవరాల్‌గా టీ20 క్రికెట్‌లో ఎక్కువసార్లు 10 సిక్సర్లు బాదిన వారి జాబితాలో గేల్ (18 సార్లు) తర్వాత అభిషేక్ శర్మ (5 సార్లు) రెండవ స్థానంలో నిలిచాడు. ఇతని పవర్ హిట్టింగ్ చూస్తుంటే భవిష్యత్తులో గేల్ రికార్డులు కూడా ప్రమాదంలో పడేలా కనిపిస్తున్నాయి.</p>
<p><iframe title="Abhishek Sharma Out vs KKR IPL 2026 | అభిషేక్ శర్మ అవుట్.. అంపైర్ తప్పిదమా? | ABP Desam" src="https://www.youtube.com/embed/Qnsv-Vorxtk" width="919" height="517" frameborder="0" allowfullscreen="allowfullscreen"></iframe></p>
<p><strong>ఐపీఎల్ చరిత్రలో టాప్ స్కోరు..</strong><br />అభిషేక్ చేసిన 135 పరుగుల అజేయ ఇన్నింగ్స్ ఐపీఎల్ చరిత్రలో ఐదవ అత్యధిక వ్యక్తిగత స్కోరు. గతంలో క్రిస్ గేల్ (175 ), బ్రెండన్ మెకల్లమ్ (158), డికాక్ (140) చేసిన స్కోర్ల తర్వాత ఈ యువ ఆటగాడి స్కోరే నిలుస్తుంది. గతేడాది పంజాబ్ కింగ్స్‌పై 141 పరుగులు చేసిన అభిషేక్, ఇప్పుడు మరో భారీ ఇన్నింగ్స్‌తో తన సత్తా చాటాడు. ఢిల్లీ క్యాపిటల్స్ బౌలర్లను ముప్పుతిప్పలు పెడుతూ సన్‌రైజర్స్ స్కోరును 242/2 కు చేర్చాడు.</p>
<p>ఈ మ్యాచ్‌లో అతనికి తోడుగా ఓపెనర్ ట్రావిస్ హెడ్ (37), హెన్రిచ్ క్లాసెన్ (37 నాటౌట్) వేగంగా ఆడటంతో ముంబై ఇండియన్స్ వంటి జట్లకు భయం పుట్టించే స్కోరు నమోదైంది. ఢిల్లీ బౌలర్లలో కెప్టెన్ అక్షర్ పటేల్ మాత్రమే వికెట్లు తీయగలిగాడు. అభిషేక్ ఆడిన ఈ ఇన్నింగ్స్ ఐపీఎల్ చరిత్రలో నిలిచిపోయే ప్రదర్శన అనడంలో సందేహం లేదు. ఇక ఈ సీజ‌న్ లో ఆరు మ్యాచ్ లు ఆడిన స‌న్.. మూడు విజ‌యాలు, మూడు ప‌రాజ‌యాల‌తో నాలుగో స్థానంలో కొన‌సాగుతోంది. ఈ మ్యాచ్ లో భారీ తేడాతో గెలిస్తే, మూడో స్థానానికి ఎగ‌బాకే అవ‌కాశ‌ముంది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/sports/abhishek-sharma-broke-virat-kohli-record-of-highest-sixes-by-indian-batsman-in-single-ipl-season-162171" width="631" height="381" scrolling="no"></iframe></p>
1 month ago
6 
