<p><strong>14 inch wheel scooters India 2026:</strong> మన దేశంలో స్కూటర్ కొనుగోలు చేసే సమయంలో చాలా మంది మైలేజ్‌, ధర, ఫీచర్లతో పాటు వీల్ సైజ్ కూడా పరిశీలిస్తారు. ముఖ్యంగా, సాధారణ 12 అంగుళాల వీల్స్‌తో పోలిస్తే 14 అంగుళాల వీల్స్ ఉన్న స్కూటర్లు రోడ్డుపై మరింత స్థిరత్వం (Stability) & మెరుగైన హ్యాండ్లింగ్ అందిస్తాయి.</p>
<p>పెద్ద వీల్స్ ఉండటం వల్ల గుంతలు లేదా అసమానమైన రోడ్లపై కూడా స్కూటర్ కాస్త నమ్మకంగా నడుస్తుంది. ఇదే కారణంగా కొన్ని కంపెనీలు ఇప్పుడు 14-ఇంచ్ వీల్స్‌తో స్కూటర్లను తీసుకొస్తున్నాయి. ప్రస్తుతం భారత మార్కెట్‌లో అందుబాటులో ఉన్న అత్యంత చౌక 14-ఇంచ్ వీల్ స్కూటర్లలో టాప్ 5 ఇవి.</p>
<h3>5. River Indie - రూ.1.46 లక్షలు</h3>
<p>ఎలక్ట్రిక్ స్కూటర్లలో ఎక్కువగా 12 అంగుళాల వీల్స్ ఉంటాయి. కానీ River Indie మాత్రం ముందు, వెనుక 14 అంగుళాల వీల్స్‌తో వస్తుంది.</p>
<p>ఇది పెద్ద వీల్స్ కారణంగా స్ట్రైట్ లైన్ స్టెబిలిటీ బాగా ఉంటుంది. రోడ్డు బాగోలేకపోయినా సులభంగా నడితే సామర్థ్యం కూడా ఉంటుంది. ఇండీ స్కూటర్ డిజైన్ కూడా బాక్సీగా ఉండటంతో పెద్ద వీల్స్ దానికి ప్రత్యేక లుక్ ఇస్తాయి.</p>
<p>అయితే పెద్ద వీల్స్ కారణంగా కొంచెం రోలింగ్ రెసిస్టెన్స్ పెరగడం వల్ల రేంజ్‌పై స్వల్ప ప్రభావం ఉండొచ్చు.</p>
<h3>4. Aprilia SR 125 / SR 175 - రూ.1.08 లక్షల నుంచి</h3>
<p>Aprilia కంపెనీ 2016లో SR 150 మోడల్‌ను విడుదల చేసినప్పుడు 14-ఇంచ్ వీల్స్ స్కూటర్ సెగ్మెంట్‌లో చాలా అరుదుగా ఉండేవి. ఇప్పుడు SR 125 & SR 175 మోడళ్లు కూడా అదే కాన్సెప్ట్‌ను కొనసాగిస్తున్నాయి.</p>
<p>ఈ స్కూటర్లు స్పోర్టీ స్టైలింగ్‌తో పాటు 14-ఇంచ్ వీల్స్ కారణంగా మంచి హ్యాండ్లింగ్ ఇస్తాయి. రైడ్ కొంచెం ఫర్మ్‌గా అనిపించినా కార్నరింగ్‌లో మంచి స్టెబిలిటీ అందిస్తుంది.</p>
<h3>3. Hero Xoom 160 - రూ.1.38 లక్షలు</h3>
<p>హీరో కంపెనీ నుంచి వచ్చిన Xoom 160 భారత మార్కెట్‌లోని మ్యాక్సీ స్కూటర్ సెగ్మెంట్‌లో ముఖ్యమైన మోడల్. ఇది లిక్విడ్ కూల్డ్ ఇంజిన్‌తో వస్తుంది.</p>
<p>బిగ్ బాడీ డిజైన్‌కు సరిపోయేలా 14-ఇంచ్ వీల్స్ ఇచ్చారు. అయితే పెద్ద వీల్స్ ఉన్నప్పటికీ మలుపుల్లో ఇది స్పోర్టీగా అనిపించకపోవచ్చని కొందరు రైడర్లు చెబుతున్నారు.</p>
<h3>2. Yamaha Aerox 155 - రూ.1.40 లక్షల నుంచి</h3>
<p>Yamaha Aerox 155 భారతదేశంలో అత్యంత పాపులర్ స్పోర్టీ స్కూటర్లలో ఒకటి. ఇది Yamaha R15లో ఉపయోగించే 155cc ఇంజిన్‌తో వస్తుంది.</p>
<p>ఈ మ్యాక్సీ స్కూటర్ కూడా 14-ఇంచ్ వీల్స్ కలిగి ఉండటం వల్ల హ్యాండ్లింగ్ చాలా బాగుంటుంది. అయితే రైడ్ కొంచెం స్టిఫ్‌గా ‍‌(గట్టిగా) ఉండొచ్చు. అయినప్పటికీ స్పోర్టీ స్కూటర్ కోరుకునే వారికి ఇది మంచి ఎంపికగా భావిస్తారు.</p>
<h3>1. Hero Xoom 125 - రూ.80,494 నుంచి</h3>
<p>ఈ జాబితాలో అత్యంత చౌక స్కూటర్ Hero Xoom 125. 2024 చివర్లో విడుదలైన ఈ స్కూటర్ 124.6cc ఎయిర్ కూల్డ్ ఇంజిన్‌తో వస్తుంది.</p>
<p>ఇది ప్రస్తుతం భారత మార్కెట్‌లో 14-ఇంచ్ వీల్స్‌తో వచ్చే అత్యంత తక్కువ ధర స్కూటర్. పెద్ద వీల్స్ కారణంగా సాధారణ 12-ఇంచ్ వీల్స్ స్కూటర్లతో పోలిస్తే మెరుగైన స్థిరత్వం ఇస్తుంది.</p>
<p>ఈ మోడల్ ప్రధానంగా TVS Ntorq 125 వంటి స్కూటర్లకు పోటీగా నిలుస్తోంది. అయితే 14-ఇంచ్ వీల్స్ ఉండటం దీని ప్రత్యేకతగా చెప్పుకోవచ్చు.</p>
<h3>Honourable Mention: TVS Orbiter - రూ.1,09,200</h3>
<p>TVS కంపెనీ కొత్తగా తీసుకొచ్చిన Orbiter ఎలక్ట్రిక్ స్కూటర్ కూడా ప్రత్యేకంగా చెప్పుకోవచ్చు. దీనిలో ముందు 14-ఇంచ్ వీల్, వెనుక 12-ఇంచ్ వీల్ ఉంటుంది.</p>
<p>ముందు పెద్ద వీల్ ఉండటం వల్ల స్కూటర్‌కు స్టెబిలిటీ & ప్రత్యేక లుక్ లభిస్తుంది.</p>
<p>మొత్తానికి, పెద్ద వీల్స్ ఉన్న స్కూటర్లు రోడ్డు మీద మరింత స్థిరత్వం & మెరుగైన హ్యాండ్లింగ్ అందిస్తాయి. ప్రస్తుతం రూ.80 వేల నుంచే ప్రారంభమయ్యే Hero Xoom 125 వంటి మోడళ్లతో ఈ సెగ్మెంట్ మరింత ఆకర్షణీయంగా మారుతోంది.</p>
<h3>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</h3>
1 month ago
5 
