సంక్షోభం సమయంలో భారత్‌కు 30 రోజుల మినహాయింపు.. రష్యా చమురు కొనుగోలుకు అమెరికా మినహాయింపు

<p style="text-align: justify;">వాషింగ్టన్: సముద్రంలో చిక్కుకున్న రష్యా చమురు నౌకలను భారతదేశానికి పంపడానికి అమెరికా అనుమతించింది. ఇది కేవలం 30 రోజుల తాత్కాలిక మినహాయింపు మాత్రమే అని అమెరికా అధ్యక్షుడు డొనాల్డ్ ట్రంప్ మినహాయింపు ఇచ్చారు. ఈ నిర్ణయం ప్రపంచ చమురు మార్కెట్&zwnj;పై ఒత్తిడిని తగ్గిస్తుందని, అలాగే చమురు సంక్షోభంలో భారత్&zwnj;కు భారీ ఉపశమనం కలిగిస్తుందని ఇద్దరు సీనియర్ అమెరికా అధికారులు రాయిటర్స్&zwnj;కు తెలిపారు.</p> <p style="text-align: justify;"><strong>భారత్ వద్ద 25 నుంచి 40 రోజుల ముడి చమురు నిల్వలు</strong></p> <p style="text-align: justify;">భారత్&zwnj;కు మధ్యప్రాచ్యం నుండి చాలా చమురు వస్తుంది. దేశంలో కేవలం 25 నుంచి 40 రోజుల వరకు ముడి చమురు నిల్వలు ఉన్నాయి. 40 శాతం చమురు హోర్ముజ్ జలసంధి ద్వారా వస్తుంది. ఇక్కడ ఏదైనా సమస్య తలెత్తితే భారత్, చైనా, దక్షిణ కొరియా దేశాలకు ఇబ్బంది కలుగుతుంది. అందుకే అమెరికా భారత్&zwnj;కు ఉపశమనం ఇచ్చింది. 'సముద్రంలో చిక్కుకున్న రష్యా చమురును భారతదేశానికి అమ్మకాలు కొనసాగించడానికి 30 రోజుల తాత్కాలిక మినహాయింపును జారీ చేశాం' అని అమెరికా ట్రెజరీ సెక్రటరీ స్కాట్ బెసెంట్ స్పష్టం చేశారు.</p> <p style="text-align: justify;">2022లో రష్యా-ఉక్రెయిన్ యుద్ధం ప్రారంభమైన తర్వాత భారత్ రష్యా చమురుకు అతిపెద్ద కొనుగోలుదారుగా మారింది. అయితే ఈ ఏడాది జనవరి నుండి, చమురు శుద్ధి కర్మాగారాలు తక్కువ కొనుగోలు చేస్తున్నాయి. రష్యాకు చమురు ద్వారా నిధులు అందకూడదని అమెరికా పలు దేశాలపై ఒత్తిడి తెచ్చింది. రష్యా చమురు కొనుగోలు తగ్గింపు అంశంలో భారత్ 25 శాతం టారిఫ్ ప్రమాదాన్ని తప్పించుకుంది. అమెరికాతో తాత్కాలిక వాణిజ్య ఒప్పందం కూడా భారత ప్రభుత్వం కుదుర్చుకుంది.</p> <p style="text-align: justify;"><strong>భారత చమురు శుద్ధి కర్మాగారాలు మళ్లీ చురుకుగా మారాయి</strong></p> <p style="text-align: justify;">ప్రస్తుతం కేంద్ర ప్రభుత్వ చమురు శుద్ధి కర్మాగారాల కంపెనీలు మళ్లీ యాక్టివ్ అవుతున్నాయి. ఇండియన్ ఆయిల్ కార్పొరేషన్, భారత్ పెట్రోలియం, హిందుస్థాన్ పెట్రోలియంతో పాటు మంగళూరు రిఫైనరీ అండ్ పెట్రోకెమికల్స్ లిమిటెడ్, ఇవన్నీ వ్యాపారులతో వీలైనంత త్వరగా రష్యా చమురు పొందడానికి చర్చలు జరుపుతున్నాయి. ఈ కంపెనీలు ఇప్పటికే దాదాపు 2 కోట్ల బ్యారెళ్ల రష్యా చమురును కొనుగోలు చేశాయి.</p> <p style="text-align: justify;"><strong>చమురు పొందాలనుకుంటున్న కంపెనీలు</strong></p> <p style="text-align: justify;">HPCL, MRPL నవంబర్ తర్వాత మొదటిసారి రష్యా చమురు డెలివరీని తీసుకోవడానికి రెడీ అవుతున్నాయి. వ్యాపారులు ఇప్పుడు మార్చి, ఏప్రిల్ ప్రారంభంలో వచ్చే రష్యన్ యురల్స్ క్రూడ్&zwnj;ను బ్రెంట్ కంటే 4-5 డాలర్లు ఎక్కువ ధరకు విక్రయిస్తున్నారు. ఫిబ్రవరిలో ఇదే చమురు బ్రెంట్ కంటే 13 డాలర్లు తక్కువకు విక్రయాలు జరిగాయి.&nbsp;</p> <p style="text-align: justify;">ఒక బిజినెస్ మ్యాన్ మాట్లాడుతూ.. ఇప్పుడు భారత చమురు శుద్ధి కర్మాగారాలు ధరను మాత్రమే చూడటం లేదు. వారికి చమురు అణువులు కూడా కావాలి. వాటి లభ్యత అతిపెద్ద సమస్య.' రిలయన్స్ ఇండస్ట్రీస్ కూడా వ్యాపారులతో త్వరగా రష్యా ముడి చమురును పొందడానికి సంప్రదింపులు జరుపుతున్నట్లు తెలుస్తోంది.&nbsp;</p> <p style="text-align: justify;">ఈ మినహాయింపు కేవలం చిక్కుకున్న సరకు కోసం మాత్రమే మరియు 30 రోజుల తర్వాత ఏమి జరుగుతుందో ఇంకా స్పష్టంగా తెలియదు. కానీ ప్రస్తుతానికి భారతదేశంలోని శుద్ధి కర్మాగారాల కంపెనీలకు ఉపశమనం లభించింది మరియు మార్కెట్లో రష్యన్ చమురు రాక పెరుగుతుందని భావిస్తున్నారు.</p>