<p><strong>Best 350cc Bikes 2026 India:</strong> మన మార్కెట్‌లో రెట్రో స్టైల్‌ బైక్‌లకు డిమాండ్‌ గత కొన్ని సంవత్సరాలుగా భారీగా పెరుగుతోంది. క్లాసిక్‌ లుక్‌తో పాటు మోడ్రన్‌ టెక్నాలజీ కావాలనుకునే యూత్‌ కోసం కంపెనీలు కొత్త మోడళ్లను తీసుకొస్తున్నాయి. ఈ సెగ్మెంట్‌లో ఇప్పటికే బాగా పాపులర్‌ అయిన మోటార్‌ సైకిల్‌ Royal Enfield Hunter 350. ఇటీవల, దీనికి పోటీగా Yamaha XSR 155 భారత మార్కెట్‌లో అడుగుపెట్టింది.</p>
<p>డిజైన్‌ పరంగా రెండూ రెట్రో టచ్‌ ఉన్నా.... ఇంజిన్‌ సైజ్‌, బరువు, రైడింగ్‌ క్యారెక్టర్‌లో మాత్రం ఈ రెండు బైక్‌లు పూర్తిగా వేర్వేరు. రూ.1.5 లక్షల నుంచి రూ.2 లక్షల రేంజ్‌లో ధరలు దగ్గరగా ఉండటంతో ఇవి నేచురల్‌ రైవల్స్‌గా మారాయి.</p>
<p><strong>ఇంజిన్‌, పనితీరు ఎలా ఉంది?</strong></p>
<p>Royal Enfield Hunter 350లో, కంపెనీకి గుర్తింపుగా నిలిచిన 349cc ఎయిర్‌-ఆయిల్‌ కూల్డ్‌ సింగిల్‌ సిలిండర్‌ ఇంజిన్‌ ఉంది. ఈ ఇంజిన్‌ 20.2hp శక్తి, 27Nm టార్క్‌ ఉత్పత్తి చేస్తుంది. 5-స్పీడ్‌ గేర్‌బాక్స్‌తో వచ్చే ఈ బైక్‌లో అసిస్ట్‌ అండ్‌ స్లిప్‌ క్లచ్‌ కూడా ఇస్తారు. ఈ ఇంజిన్‌ లో-ఎండ్‌ టార్క్‌కు ప్రాధాన్యం ఇచ్చే విధంగా ట్యూన్‌ చేశారు. అందుకే సిటీ రైడింగ్‌, హైవే క్రూజింగ్‌లో ఇది రిలాక్స్‌డ్‌ ఫీల్‌ ఇస్తుంది.</p>
<p>Yamaha XSR 155లో 155cc లిక్విడ్‌ కూల్డ్‌ సింగిల్‌ సిలిండర్‌ ఇంజిన్‌ ఉంటుంది. ఇది 18.4hp శక్తి, 14.2Nm టార్క్‌ ఇస్తుంది. ఇంజిన్‌ చిన్నదైనా, 6-స్పీడ్‌ గేర్‌బాక్స్‌, అసిస్ట్‌ అండ్‌ స్లిపర్‌ క్లచ్‌ వల్ల స్పోర్టీ రైడింగ్‌ అనుభవం అందిస్తుంది. రేవ్‌ చేయడం ఇష్టపడే యూత్‌కు ఇది బాగా నచ్చే బైక్‌.</p>
<p><strong>సైజ్‌, బరువు - దేనిని ఎంత వరకు హ్యాండిల్‌ చేయొచ్చు?</strong></p>
<p>సీట్‌ హైట్‌ విషయానికి వస్తే.... Yamaha XSR 155 సుమారు 810mm, Hunter 350 సుమారు 790mmగా ఉంటుంది. తక్కువ హైట్‌ ఉన్న రైడర్లకు Hunter మరింత కంఫర్ట్‌గా అనిపించవచ్చు.<br />బరువు పరంగా పెద్ద తేడా ఉంది. XSR 155 కేవలం 137kg కాగా, Hunter 350 దాదాపు 181kg. లైట్‌వెయిట్‌ కావడంతో Yamaha బైక్‌ సిటీ ట్రాఫిక్‌లో చాలా ఈజీగా హ్యాండిల్‌ చేయవచ్చు.<br />ఫ్యూయల్‌ ట్యాంక్‌ను చూస్తే... XSR 155లో 10 లీటర్లు, Hunter 350లో 13 లీటర్ల ట్యాంక్‌ ఉంది.</p>
<p><strong>ఫీచర్లలో ఏ బండిది ముందంజ?</strong></p>
<p>Yamaha XSR 155 ఫీచర్ల పరంగా బాగా అడ్వాన్స్‌డ్‌. ఇందులో ఫుల్‌ డిజిటల్‌ LCD ఇన్‌స్ట్రుమెంట్‌ క్లస్టర్, ట్రాక్షన్‌ కంట్రోల్‌, బ్లూటూత్‌ కనెక్టివిటీ, LED లైట్లు, గేర్‌ పొజిషన్‌ ఇండికేటర్‌ ఉన్నాయి.<br />Royal Enfield Hunter 350 మాత్రం సింపుల్‌ అప్రోచ్‌ తీసుకుంది. ఇందులో సెమీ డిజిటల్‌ ఇన్‌స్ట్రుమెంట్‌ క్లస్టర్, LED లైటింగ్‌, ఎంపిక చేసిన వేరియంట్లలో USB Type-C ఛార్జింగ్‌, టాప్‌ వేరియంట్లలో బ్లూటూత్‌ నావిగేషన్‌ ఇస్తారు.</p>
<p><strong>సస్పెన్షన్‌, బ్రేకులు</strong></p>
<p>Hunter 350లో టెలిస్కోపిక్‌ ఫ్రంట్‌ ఫోర్క్స్‌, ప్రీలోడ్‌ అడ్జస్ట్‌మెంట్‌ ఉన్న ట్విన్‌ రియర్‌ షాక్స్‌ ఉన్నాయి. బ్రేకింగ్‌ కోసం 300mm ఫ్రంట్‌, 270mm రియర్‌ డిస్క్‌లు, డ్యుయల్‌ ఛానల్‌ ABS స్టాండర్డ్‌గా ఇస్తారు.<br />XSR 155లో USD ఫ్రంట్‌ ఫోర్క్స్‌, రియర్‌ మోనోషాక్‌ ఉన్నాయి. బ్రేకులు 282mm ఫ్రంట్‌, 220mm రియర్‌ డిస్క్‌లు, దీనిలో కూడా డ్యుయల్‌ ఛానల్‌ ABS స్టాండర్డ్‌గా వస్తుంది.</p>
<p><strong>ధరలు - డబ్బుకు విలువైనది ఏది?</strong></p>
<p>Yamaha XSR 155 ధర సుమారు రూ.1.49 లక్షలు (ఎక్స్‌-షోరూమ్‌).<br />Royal Enfield Hunter 350 ధరలు రూ.1.37 లక్షల నుంచి రూ.1.62 లక్షల వరకు (ఎక్స్‌-షోరూమ్‌ ధర) వేరియంట్‌, కలర్‌ను బట్టి మారుతాయి.</p>
<p><strong>ఏది మీకు సరైనది?</strong></p>
<p>క్లాసిక్‌ ఫీల్‌, బలమైన ఇంజిన్‌, రిలాక్స్‌డ్‌ రైడింగ్‌ కావాలంటే Hunter 350 బెస్ట్‌.<br />లైట్‌వెయిట్‌, స్పోర్టీ క్యారెక్టర్‌, ఆధునిక ఫీచర్లు ఇష్టమైతే Yamaha XSR 155 సరైన ఎంపిక.</p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
2 months ago
7 
