<p><strong>Honda Dio 125 X Edition Price And Specifications:</strong> యువతను లక్ష్యంగా చేసుకుని, హోండా కంపెనీ, మరో స్టైలిష్‌ స్కూటర్‌ను మార్కెట్లోకి తీసుకొచ్చింది. కొన్నాళ్ల క్రితమే వెబ్‌సైట్‌లో లిస్ట్‌ చేసిన ఈ స్కూటర్‌ను, ఇప్పుడు అధికారికంగా లాంచ్‌ చేసింది. ఈ Dio 125 X ఎడిషన్‌ను రూ.87,733 (ఎక్స్‌ షోరూమ్‌) ధరకు మార్కెట్‌లోకి తీసుకొచ్చింది.</p>
<p>ఈ కొత్త X ఎడిషన్‌, మెకానికల్‌గా స్టాండర్డ్‌ Dio 125తో పూర్తిగా ఒకేలా ఉన్నప్పటికీ, లుక్‌ పరంగా మాత్రం స్పెషల్‌గా రూపొందించారు. ముఖ్యంగా యువతకు నచ్చేలా డ్యూయల్‌ టోన్‌ పెయింట్‌ స్కీమ్‌ ఈ స్కూటర్‌కు ప్రధాన ఆకర్షణగా నిలుస్తోంది.</p>
<p><strong>కొత్త లుక్‌ - అదే ఇంజిన్‌</strong></p>
<p>Honda Dio 125 X ఎడిషన్‌కు బ్లూ - గ్రే కలర్‌ డ్యూయల్‌ టోన్‌ పెయింట్‌ స్కీమ్ ఇచ్చారు. దీనికి తోడు కాంట్రాస్టింగ్‌ రెడ్‌ కలర్‌ అలాయ్‌ వీల్స్ స్కూటర్‌కు స్పోర్టీ లుక్‌ను ఇస్తున్నాయి. ఇప్పటికే ఉన్న Dio 125తో పోలిస్తే ఇది మరింత ఆకర్షణీయంగా కనిపిస్తుంది.</p>
<p>మెకానికల్‌గా చూస్తే, ఇందులో ఎలాంటి మార్పులు చేయలేదు. ఇందులో కూడా, స్టాండర్డ్‌ Dio 125లో ఉన్న అదే 123.9cc సింగిల్‌ సిలిండర్‌, ఎయిర్‌ కూల్డ్‌ ఇంజిన్ ఉంటుంది. ఇది 8.3 హెచ్‌పీ పవర్‌, 10.5 ఎన్ఎం టార్క్ ఉత్పత్తి చేస్తుంది. రోజువారీ నగర ప్రయాణాలకు సరిపడేలా ఈ ఇంజిన్‌ను ట్యూన్‌ చేశారు.</p>
<p><strong>ఫీచర్లు ఎలా ఉన్నాయి?</strong></p>
<p>ఫీచర్ల విషయానికి వస్తే, Dio 125 X ఎడిషన్‌ స్టాండర్డ్‌ వేరియంట్‌తో సమానంగా ఉంటుంది. ఇందులో TFT డిస్‌ప్లే ఉంది. అయితే, చాలా మంది ఆశించే బ్లూటూత్‌ కనెక్టివిటీ మాత్రం ఇందులో లేదు. కాల్‌ అలర్ట్స్‌, నోటిఫికేషన్స్‌, మ్యూజిక్‌ కంట్రోల్‌ వంటి ఫీచర్లు కేవలం టాప్‌ వేరియంట్‌ అయిన Dio 125 H-Smartలో మాత్రమే అందుబాటులో ఉంటాయి.</p>
<p>అలాగే, X ఎడిషన్‌లో కీ లెస్‌ ఇగ్నిషన్‌ వంటి ఫీచర్‌ కూడా ఇవ్వలేదు. ఈ కారణంగానే ఇది H-Smart వేరియంట్‌తో పోలిస్తే తక్కువ ధరకు లభిస్తోంది.</p>
<p><strong>ధర & వేరియంట్ల పోలిక</strong></p>
<p>ధర విషయానికి వస్తే, Dio 125 X ఎడిషన్‌ స్టాండర్డ్‌ వేరియంట్‌తో పోలిస్తే రూ.1,000 ఎక్కువ. అయితే, టాప్‌ వేరియంట్‌ అయిన Dio 125 H-Smart‌తో పోలిస్తే రూ.3,950 తక్కువ ధరలో లభిస్తోంది. అంటే, స్టైల్‌ కావాలి కానీ అదనపు టెక్‌ ఫీచర్లు అవసరం లేదనుకునే వారికి ఇది మంచి ఆప్షన్‌గా చెప్పవచ్చు.</p>
<p><strong>పోటీలో ఏయే స్కూటర్లు ఉన్నాయి?</strong></p>
<p>మన మార్కెట్లో Honda Dio 125కు గట్టి పోటీ ఉంది. ఇది TVS Ntorq 125, Suzuki Avenis, Yamaha RayZR 125 Hybrid, Hero Xoom 125 వంటి పాపులర్‌ స్కూటర్లతో పోటీపడుతోంది. స్పోర్టీ లుక్‌, హోండా బ్రాండ్‌ నమ్మకంతో Dio 125 X ఎడిషన్‌ ఈ సెగ్మెంట్‌లో మంచి స్పందన పొందే అవకాశాలు ఉన్నాయి.</p>
<p>చివరగా... స్టైల్‌, నమ్మకమైన ఇంజిన్‌, హోండా బ్రాండ్‌ కావాలనుకునే యువతకు, లేడీస్‌కు Honda Dio 125 X ఎడిషన్‌ ఒక మంచి ఎంపిక. మెకానికల్‌ మార్పులు లేకపోయినా, కొత్త లుక్‌తో ఇది షోరూమ్‌లో ప్రత్యేకంగా కనిపించనుంది.</p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
2 months ago
8 
