మాట వినకపోతే మదురో కంటే ఘోరమైన పరిస్థితి.. వెనిజులా అధ్యక్షురాలికి ట్రంప్ బెదిరింపు

<p style="text-align: justify;"><!--StartFragment --><span class="cf0">వాషింగ్టన్: అమెరికా వెనిజులాపై తీసుకున్న చర్యల తర్వాత ప్రపంచవ్యాప్తంగా అధ్యక్షుడు డొనాల్డ్ ట్రంప్ తీరుపై విమర్శలు వ్యక్తమవుతున్నాయి. ట్రంప్ ఆదేశాలతో అమెరికా సైన్యం వెనిజులా అధ్యక్షుడు నికోలస్ మదురోను అదుపులోకి తీసుకుని న్యూయార్క్ తీసుకెళ్లింది. ఇప్పుడు ఆయనపై విచారణ జరుగుతుంది. అయితే, డొనాల్డ్ ట్రంప్ ఇంతటితో ఆగకుండా తన వక్రబుద్ధి బయటపెట్టారు. తన మాట వినకపోతే తీవ్ర పరిణామాలు ఉంటాయని వెనిజులా కొత్త నాయకురాలు డెల్సీ రోడ్రిగ్జ్&zwnj;ను హెచ్చరించారు. </span></p> <p style="text-align: justify;"><!--EndFragment --><span class="cf0"><!--StartFragment -->అమెరికా చర్యల తర్వాత కూడా డెల్సీ రోడ్రిగ్జ్ తన డిమాండ్లను అంగీకరించడానికి నిరాకరిస్తే తీవ్ర పరిణామాలు ఉంటాయని ట్రంప్ అన్నారు. <span class="cf1">'</span>ది అట్లాంటిక్<span class="cf1">'</span>కి ఇచ్చిన ఇంటర్వ్యూలో ట్రంప్ మాట్లాడుతూ.. <span class="cf1">'</span>డెల్సీ రోడ్రిగ్జ్ సరైన పని చేయకపోతే, ఆమె గత అధ్యక్షుడు నికోలస్ మదురో కంటే భారీ మూల్యం చెల్లించాల్సి వస్తుంది<span class="cf1">'</span> అని అన్నారు. అమెరికా జోక్యంపై మొండి వైఖరిని తన ప్రభుత్వం సహించదని చెప్పారు.<span class="cf1">.</span></span></p> <p style="text-align: justify;"><strong><span class="cf0">అమెరికా చర్యలను సమర్థించిన డొనాల్డ్ ట్రంప్ </span></strong></p> <p style="text-align: justify;"><span class="cf0"><!--EndFragment --></span><span class="cf0"><span class="cf1"><!--StartFragment -->అమెరికా చర్యలను ట్రంప్ సమర్థించుకున్నారు. 'వెనిజులాలో అధికారం మారినా లేదా కొత్తగా ప్రారంభించినా, ఏది జరిగినా, అది మునుపటి కంటే మెరుగ్గా ఉండాలి. తాజా పరిణామాలు పరిస్థితులను మరింత దిగజార్చదు' అని అన్నారు. వెనిజులా కోసం అమెరికా ఏర్పాటు చేసిన బృందం ప్రస్తుతం దేశాన్ని నడుపుతుందని ట్రంప్ మరోసారి చెప్పారు. దేశ రాజకీయ పరిస్థితులు స్థిరపడే వరకు తాము అధికారాన్ని నిర్వహిస్తామని అమెరికా అధ్యక్షుడు తెలిపారు.</span></span></p> <p style="text-align: justify;"><span class="cf0"><span class="cf1">సుప్రీంకోర్టు ఆదేశాలతో వెనిజులా ఉపాధ్యక్షురాలు డెల్సీ రోడ్రిగ్జ్ ప్రెసిడెంట్&zwnj;గా బాధ్యతలు చేపట్టారు. మదురోను అమెరికా సైన్యం బలవంతంగా తీసుకెళ్లడాన్ని రోడ్రిగ్జ్ తీవ్రంగా ఖండించారు. తక్షణమే మదురోను, ఆయన భార్యను విడిచిపెట్టాలని డిమాండ్ చేశారు.</span></span></p> <p style="text-align: justify;"><strong><span class="cf0"><span class="cf1">వెనిజులా తర్వాత క్యూబా ప్రభుత్వానికి అమెరికా హెచ్చరిక</span></span></strong></p> <p style="text-align: justify;"><span class="cf0"><span class="cf1"><!--EndFragment --></span></span><!--StartFragment --><span class="cf0">వెనిజులాపై అమెరికా చర్యలను రష్యా, చైనా సహా పలు దేశాలు తీవ్రంగా వ్యతిరికేస్తున్నాయి. అమెరికా విదేశాంగ మంత్రి <span class="cf0">మార్కో</span> రుబియో క్యూబా ప్రభుత్వానికి హెచ్చరికలు జారీ చేశారు. క్యూబా చాలా ఇబ్బందుల్లో ఉందని తాను భావిస్తున్నానని అన్నారు. <span class="cf0">రుబియో</span> భవిష్యత్ చర్యలపై మాట్లాడటానికి నిరాకరిస్తూ, అమెరికా ప్రభుత్వం క్యూబా ప్రభుత్వానికి మద్దతు ఇవ్వలేదని స్పష్టం చేశారు. ఎందుకంటే క్యూబా మదురోకు మద్దతు ఇచ్చిందని అన్నారు. <!--StartFragment --> ట్రంప్&zwnj;తో జరిగిన ఒక సమావేశంలో, తదుపరి టార్గెట్ క్యూబా అయి ఉండవచ్చని కూడా సూచించారు.&nbsp;<!--EndFragment --></span><!--EndFragment --></p> <p>అమెరికా సైన్యం వెనిజులా రాజధాని కరాకస్&zwnj;లో ఆపరేషన్ అబ్సల్యూట్ రిజాల్వ్ పేరుతో మెరుపు దాడులు నిర్వహించింది. ఈ దాడుల్లో మదురో, ఆయన భార్య సీలియా ఫ్లోరెస్&zwnj;ను అమెరికా దళాలు అదుపులోకి తీసుకున్నాయి. మదురోను అమెరికాకు తరలించి, ప్రస్తుతం న్యూయార్క్&zwnj;లోని బ్రూక్లిన్ జైలులో ఉంచారు. జనవరి 5న ఆయనను మన్హట్టన్ ఫెడరల్ కోర్టులో హాజరుపరిచి విచారణ చేస్తారు.&nbsp;</p> <p><strong>వెనిజులా అధినేతపై ఆరోపణలు</strong><br />మదురోపై అమెరికా ప్రధానంగా నార్కో-టెర్రరిజం ఆరోపణలు మోపింది. మాదకద్రవ్యాల అక్రమ రవాణా, ఆయుధాల వ్యాపారం, అమెరికాలోకి డ్రగ్స్ సరఫరా చేయడానికి కుట్ర పన్నారనే అభియోగాలు ఉన్నాయి. ఇవి రుజువైతే ఆయనకు జీవితకాల జైలు శిక్ష పడే అవకాశం ఉంది. వెనిజులాలో అధికార మార్పిడి సజావుగా జరిగే వరకు ఆ దేశ పరిపాలనను అమెరికానే పర్యవేక్షిస్తుందని పేర్కొన్నారు. పాలనలో జోక్యం చేసుకోబోమని, కేవలం చమురు ఆంక్షలు, భద్రతను మాత్రమే పర్యవేక్షిస్తామని ట్రంప్ స్పష్టం చేశారు.</p> <p style="text-align: justify;"><span class="cf0">వెనిజులాలో ఉన్న చమురు నిల్వలపై అమెరికా ప్రభుత్వం కన్నేసిందని, అందుకే అధ్యక్షుడు నికోలస్ మదురోపై సైనిక చర్యను చేపట్టిందని పలు దేశాలు అభిప్రాయపడుతున్నాయి. మరోవైపు అమెరికా ఫెడరల్ కోర్టులో మదురోపై విచారణ జరుగుతోంది.</span></p>