<p>అమరావతి: మాజీ ముఖ్యమంత్రి, వైసీపీ అధినేత జగన్ మోహన్ రెడ్డి ని బీజేపీ రగ్గరకు రానీయడం లేదని అన్నారు ఏపీ వైద్య శాఖ మంత్రి బీజేపీ కీలక నేత సత్యకుమార్ యాదవ్. చాలామంది ఇటీవలి కాలంలో జగన్ మోహన్ రెడ్డి ని బీజేపీ దూరం పెడుతుందని అనుకుంటున్నారని కానీ అసలు దగ్గరకే రానీయడం లేదని తీవ్ర వ్యాఖ్యలు చేశారు. అందుకే ఇన్నాళ్లు కప్పుకున్న ముసుగు తీసేసి కమ్యూనిస్ట్ లతో మీటింగ్స్ పెడుతున్నారని కూడా అన్నారు సత్య కుమార్.</p>
<p><strong>నిజంగానే బీజేపీకి, జగన్ కూ దూరం పెరిగిందా?</strong></p>
<p>డైరెక్ట్ గా NDA లో చేరకపోయినా బీజేపీతో సన్నిహితం గానే ఉంటూ వచ్చారు జగన్. ఆయన ముఖ్యమంత్రి గా ఉన్న సమయంలో కూడా బీజేపీ తో దోస్తీ కొనసాగించారు. ఎన్నడూ లేనిది ప్రధాని మోదీ కాళ్ళకు నమస్కరించే ప్రయత్నం చేయడం అడగకముందే రాష్ట్రపతి ఎన్నిక సమయంలో NDA కాండిడేట్ కు మద్దతు పలకడం ఇలా బీజేపీ కీ దగ్గరయ్యే ఏ ప్రయత్నం కూడా జగన్ వదులుకోలేదు. 2014-19 మధ్యలో NDA నుండి టీడీపీ బయటకు వచ్చేసినప్పుడు స్వయంగా మోదీ కూడా జగన్ ట్రాప్ లో టీడీపీ పడింది అంటూవ్యాఖ్యలు చేశారు. ఆ తరువాత బీజేపీ కీ చాలా నమ్మకమైన స్నేహితుడి గా జగన్ ఉంటూ వచ్చారు. 2019 ఎన్నికల్లో గెలిచాక ఆ స్నేహం మరింత బలపడింది. </p>
<p><iframe title="YouTube video player" src="https://www.youtube.com/embed/lgFH6lNz-RQ?si=qlkM5gjWbdfOcGgj" width="560" height="315" frameborder="0" allowfullscreen="allowfullscreen"></iframe></p>
<p><strong>సమీకరణాలు మార్చేసిన పవన్ కళ్యాణ్</strong></p>
<p>అయితే జగన్ - బీజేపీ దోస్తానాకు దెబ్బ కొట్టింది పవన్ కళ్యాణ్ అనే చెప్పాలి. బీజేపీ అప్పట్లో జగన్ మోహన్ రెడ్డి ని డైరెక్ట్ గా NDA తో కలవమని ఆఫర్ ఇచ్చిందని దానికీ జగన్ మోహన్ రెడ్డి ఒప్పుకోక పోవడం తో వారి మధ్య దూరం పెరిగింది అనే ప్రచారం ఉంది. దానికి ప్రధాన కారణం జగన్ మోహన్ రెడ్డి కీ మైనార్టీ వర్గాల్లో ఉన్న బలమైన ఓటు బ్యాంక్ అనే విశ్లేషణలు అప్పట్లో వినబడ్డాయి. వాస్తవాలు ఏమైనప్పటికీ జగన్ మాత్రం ఎన్డీఏ తో డైరెక్ట్ గా కలవడానికి ఇష్టపడలేదు. అదే సమయంలో టిడిపి -<a title="జనసేన" href="https://telugu.abplive.com/topic/Janasena" data-type="interlinkingkeywords">జనసేన</a> కలవడం టిడిపి తో బిజెపి మరోసారి కలిసేలా పవన్ కళ్యాణ్ మధ్యవర్తిత్వం వహించడం వంటి సంఘటన లు చకచకా జరిగిపోయాయి.</p>
<p><br /><img src="https://feeds.abplive.com/onecms/images/uploaded-images/2026/09/29/0139edab180065df6b29bb74c27f78b41790674221281233_original.jpeg" /></p>
<p>ఈలోపు 2024 ఎన్నికల రావడం తో జగన్ ఒంటరిగానే ఎన్నికలకు వెళ్ళి ఓటమి పాలయ్యారు. ఆ తర్వాత కూడా బిజెపితో సన్నిహితంగానే ఉండడానికి జగన్ ట్రై చేసినా కూటమి లో ఉన్న <a title="బీజేపీ" href="https://telugu.abplive.com/topic/BJP" data-type="interlinkingkeywords">బీజేపీ</a> గతంలోలా జగన్ పట్ల మరి అంత సన్నిహితంగా ఉండలేని పరిస్థితి ఏర్పడింది. ఢిల్లీలో ఉన్న బిజెపి ప్రభుత్వం కూడా <a title="టీడీపీ" href="https://telugu.abplive.com/topic/tdp" data-type="interlinkingkeywords">టీడీపీ</a> ఎంపీల సంఖ్య ఫై భారీగా ఏర్పడాల్సిన పరిస్థితి వచ్చింది. దానితో బిజెపి <a title="జగన్" href="https://telugu.abplive.com/topic/cm-jagan" data-type="interlinkingkeywords">జగన్</a> ల మధ్య గ్యాప్ పెరిగింది.</p>
1 month ago
2 
