<p><strong>Honda Rebel 300 vs Royal Enfield Goan Classic 350:</strong> బాబర్ బైక్‌లకు ఇండియాలో మంచి డిమాండ్‌ ఉంది. ఈ సెగ్మెంట్‌లో రాయల్ ఎన్‌ఫీల్డ్ బలమైన స్థానంలో ఉంది, గోవాన్ క్లాసిక్ 350తో ప్రత్యేకమైన బాబర్ లుక్‌ అందిస్తోంది. ఇప్పుడు ఈ బైక్‌కు హోండా నుంచి గట్టి పోటీ ఎదురయ్యే అవకాశం ఉంది. హోండా కంపెనీ జులై 2026లో నిర్వహించిన మెగా ఈవెంట్‌లో ప్రకటించిన పది కొత్త మోడళ్లలో హోండా రెబెల్ 300 కూడా ఉంది.</p>
<p>హోండా రెబెల్ 300ను నవంబర్ 2026లో భారత్‌లో లాంచ్‌ చేసే అవకాశం ఉంది. అధికారిక ధర, లాంచ్ తేదీ ఇంకా వెల్లడికాలేదు. అయితే, ఈ బైక్‌కు సంబంధించిన కీలక వివరాలు ఇప్పటికే బయటకు వచ్చాయి. వీటి ఆధారంగా రాయల్ ఎన్‌ఫీల్డ్ గోవాన్ క్లాసిక్ 350తో పోలిస్తే రెబెల్ 300 ఎలా ఉందో చూద్దాం.</p>
<p>ఇంజిన్‌లో భారీ తేడా</p>
<p>హోండా రెబెల్ 300లో 286cc, సింగిల్ సిలిండర్, లిక్విడ్ కూల్డ్ ఇంజిన్ ఉంటుంది. ఇది 30hp పవర్ & 27.5Nm టార్క్ ఉత్పత్తి చేస్తుంది. దీనికి 6 స్పీడ్ గేర్‌బాక్స్ ఉంటుంది.</p>
<p>గోవాన్ క్లాసిక్ 350లో 349cc, సింగిల్ సిలిండర్, ఎయిర్ కూల్డ్ ఇంజిన్ ఉంది. ఇది 19.9hp పవర్ & 27Nm టార్క్ అందిస్తుంది. ఇందులో 5 స్పీడ్ గేర్‌బాక్స్ ఉంటుంది.</p>
<p>అంటే ఇంజిన్ సామర్థ్యం తక్కువగా ఉన్నప్పటికీ రెబెల్ 300 పవర్ విషయంలో గోవాన్ క్లాసిక్ 350 కంటే చాలా ముందుంది. రెండు బైక్‌ల టార్క్ దాదాపు ఒకే స్థాయిలో ఉంటుంది. రెబెల్ 300లో సాధారణ వెర్షన్‌తో పాటు E-Clutch వెర్షన్ కూడా వచ్చే అవకాశం ఉంది. E-Clutch వల్ల గేర్ మార్చేటప్పుడు క్లచ్‌ను ప్రతిసారి ఆపరేట్ చేయాల్సిన అవసరం ఉండదు.</p>
<p>ఇది కూడా చదవండి: <a title="Ducati Monster V2 vs Triumph Street Triple 765 RS - 111hp vs 130hp.. ధర, పవర్, టార్క్‌లో ఏది బెస్ట్?" href="https://telugu.abplive.com/auto/ducati-monster-v2-vs-triumph-street-triple-765-rs-price-specs-comparison-telugu-256013" target="_self">Ducati Monster V2 vs Triumph Street Triple 765 RS - 111hp vs 130hp.. ధర, పవర్, టార్క్‌లో ఏది బెస్ట్?</a></p>
<p>బరువు</p>
<p>కొలతల విషయంలోనూ రెండు బైక్‌ల మధ్య తేడా ఉంది. హోండా రెబెల్ 300 బరువు 171.9kg. గోవాన్ క్లాసిక్ 350 బరువు 197kg. అంటే హోండా బైక్ సుమారు 25kg తక్కువ బరువుతో ఉంటుంది.</p>
<p>రెబెల్ 300 సీట్ హైట్ 691mm కాగా, గోవాన్ క్లాసిక్ 350 సీట్ హైట్ 750mm. దీనివల్ల, తక్కువ ఎత్తు ఉన్న రైడర్లకు హోండా బైక్ మరింత సౌకర్యంగా ఉండే అవకాశం ఉంది.</p>
<p>రెబెల్ 300 వీల్‌బేస్ 1491mm & గోవాన్ క్లాసిక్ 350 వీల్‌బేస్ 1400mm. హోండా బైక్‌లో 11 లీటర్ల ఫ్యూయల్ ట్యాంక్ ఉంటుంది & రాయల్ ఎన్‌ఫీల్డ్‌లో 13 లీటర్ల ట్యాంక్ ఉంది. రెబెల్ 300 గ్రౌండ్ క్లియరెన్స్ వివరాలు ఇంకా వెల్లడికాలేదు. గోవాన్ క్లాసిక్ 350 గ్రౌండ్ క్లియరెన్స్ 170mm.</p>
<p>టైర్లు & బ్రేకులు</p>
<p>రెబెల్ 300లో ముందు 130/90-16, వెనుక 150/80-16 టైర్లు ఉంటాయి. గోవాన్ క్లాసిక్ 350లో ముందు 100/90-19, వెనుక 130/90-16 టైర్లు ఉన్నాయి.</p>
<p>బ్రేకింగ్ కోసం హోండా బైక్‌లో ముందు 296mm డిస్క్, వెనుక 240mm డిస్క్ ఉంటాయి. రాయల్ ఎన్‌ఫీల్డ్‌లో ముందు 300mm, వెనుక 270mm డిస్క్‌లు ఉన్నాయి. రెండు బైక్‌లలోనూ డ్యూయల్ ఛానల్ ABS స్టాండర్డ్‌గా ఉంటుంది.</p>
<p>ఇది కూడా చదవండి: <a title="హీరో నుంచి రెడీ అవుతున్న ఈవీ బైక్.. ఓలా- బజాజ్‌లకు తప్పని పోటీ" href="https://telugu.abplive.com/auto/hero-first-electric-motorcycle-ubex-vxz-platform-launch-details-here-256078" target="_self">హీరో నుంచి రెడీ అవుతున్న ఈవీ బైక్.. ఓలా- బజాజ్‌లకు తప్పని పోటీ</a></p>
<p>ఫీచర్లలో హోండా ఆధిక్యం</p>
<p>రెట్రో డిజైన్ ఉన్నప్పటికీ రెబెల్ 300లో ఆధునిక ఫీచర్లను హోండా అందించే అవకాశం ఉంది. భారత్ వెర్షన్‌లో పూర్తి TFT ఇన్‌స్ట్రుమెంట్ క్లస్టర్ వచ్చే అవకాశం ఉంది. అంతర్జాతీయ వెర్షన్‌లో నెగెటివ్ LCD క్లస్టర్ ఉంటుంది.</p>
<p>గోవాన్ క్లాసిక్ 350లో ట్రిప్పర్ నావిగేషన్ పాడ్ స్టాండర్డ్‌గా లభిస్తుంది. అయితే హోండా E-Clutch వ్యవస్థ ప్రత్యేక ఆకర్షణగా నిలవనుంది. ఇది సాధారణ క్విక్‌షిఫ్టర్‌కు సమానంగా అనిపించినా, రెండూ ఒకే టెక్నాలజీలు కావు.</p>
<p>ధరలోనూ దగ్గర పోటీ</p>
<p>హోండా రెబెల్ 300 అధికారిక ధర ఇంకా ప్రకటించలేదు. అయితే దీని ఎక్స్-షోరూమ్ ధర రూ.2.10 లక్షల నుంచి రూ.2.20 లక్షల మధ్య ఉండొచ్చని అంచనా. లాంచ్ సమయంలోనే ధర తెలుస్తుంది.</p>
<p>ప్రస్తుతం, రాయల్ ఎన్‌ఫీల్డ్ గోవాన్ క్లాసిక్ 350 ధర రూ.2.25 లక్షల ఎక్స్-షోరూమ్‌గా ఉంది. ధర పరంగా రెండు బైక్‌లు దగ్గరగా ఉండే అవకాశం ఉంది.</p>
<p>మొత్తంగా చూస్తే రెబెల్ 300 తక్కువ బరువు, తక్కువ సీట్ హైట్, ఎక్కువ పవర్ & ఆధునిక E-Clutch టెక్నాలజీతో ఆకట్టుకోవచ్చు. గోవాన్ క్లాసిక్ 350 మాత్రం పెద్ద ఇంజిన్, ఎక్కువ ఫ్యూయల్ ట్యాంక్ సామర్థ్యం & ప్రత్యేకమైన రాయల్ ఎన్‌ఫీల్డ్ బాబర్ డిజైన్‌తో తన ప్రత్యేకతను కొనసాగిస్తోంది.</p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
2 months ago
4 
