<p><strong>Tata Safari Petrol Version Details:</strong> టాటా సఫారి అంటే భారత మార్కెట్లో ఒక ప్రత్యేక గుర్తింపు ఉన్న పెద్ద SUV. ఇప్పటివరకు ఇది డీజిల్‌ ఇంజిన్‌తోనే అందుబాటులో ఉండేది. ఇప్పుడు టాటా మోటార్స్‌ 1.5 లీటర్‌ టర్బో పెట్రోల్‌ హైపీరియన్‌ ఇంజిన్‌తో సఫారిని పరిచయం చేసింది, దీంతో SUV కొనుగోలుదారుల్లో కొత్త ఆసక్తి రేకెత్తింది. ఈ ఇంజిన్‌ ఇప్పటికే Tata Sierra లో కనిపించినప్పటికీ... సఫారికి మరింత పవర్‌, టార్క్‌ ఇచ్చేలా ట్యూన్‌ చేశారు. ధరలు ఇంకా వెల్లడికాలేదు కానీ, పెట్రోల్‌ సఫారి ఎంతవరకు మంచి ఎంపికో ఇప్పుడే తెలుసుకుందాం.</p>
<p><strong>టాటా సఫారి పెట్రోల్‌ ప్రోస్‌ </strong></p>
<p>శక్తిమంతమైన, రిఫైన్డ్‌ పెట్రోల్‌ ఇంజిన్‌<br />టాటా సఫారి పెట్రోల్‌లోని 1.5 లీటర్‌ టర్బో పెట్రోల్‌ ఇంజిన్‌ 170hp పవర్‌, 280Nm టార్క్‌ ఉత్పత్తి చేస్తుంది. సియెర్రాతో పోలిస్తే ఇది 10hp, 25Nm ఎక్కువ. ముఖ్యంగా 1,000rpm నుంచే 160Nm టార్క్‌ అందుబాటులో ఉండటం ఈ భారీ 3-వరుసల SUVకి పెద్ద ప్లస్‌. తక్కువ స్పీడ్స్‌లోనే మంచి పికప్‌ రావడంతో, ట్రాఫిక్‌లోనూ, ఫుల్‌ లోడ్‌తోనూ కారు సులభంగా కదులుతుంది.</p>
<p>యాక్సిలరేషన్‌ లీనియర్‌గా ఉంటుంది. ఆరుగురు ప్రయాణికులు ఉన్నా కూడా పనితీరులో లోటు అనిపించదు. ఇంజిన్‌ రిఫైన్డ్‌గా ఉన్నప్పటికీ, పెట్రోల్‌ యూనిట్‌ అనే ఫీల్‌ మాత్రం కొంచెం ఉంటుంది. అయితే వైబ్రేషన్స్‌ మాత్రం దాదాపు లేవు.</p>
<p>స్మూత్‌ 6-స్పీడ్‌ ఆటోమేటిక్‌ గేర్‌బాక్స్‌<br />సఫారి పెట్రోల్‌లో 6-స్పీడ్‌ మాన్యువల్‌, 6-స్పీడ్‌ ఆటోమేటిక్‌ ఆప్షన్లు ఉన్నాయి. అయితే డ్రైవింగ్‌ అనుభవం పరంగా ఆటోమేటిక్‌ గేర్‌బాక్స్‌నే బెస్ట్‌ ఎంపికగా చెప్పుకోవచ్చు. గేర్‌ రేషియోలు ఇంజిన్‌కు బాగా మ్యాచ్‌ అయ్యాయి. ఎప్పుడూ సరైన పవర్‌ బ్యాండ్‌లోనే కారు నడుస్తుంది. గేర్‌ షిఫ్ట్స్‌ సాఫీగా ఉంటాయి. ప్యాడిల్‌ షిఫ్టర్స్‌ ఉన్నప్పటికీ, మాన్యువల్‌ నుంచి ఆటోమేటిక్‌కు తిరిగి రావడానికి కొంచెం ఆలస్యం అవుతుంది.</p>
<p>రైడ్‌ క్వాలిటీ, ఫీచర్లలో లగ్జరీ టచ్‌<br />టాటా సఫారి రైడ్‌ క్వాలిటీ ఎప్పటి నుంచో దాని బలమైన అంశం. పెట్రోల్‌ వెర్షన్‌లోనూ అదే కొనసాగుతుంది. 245 సెక్షన్‌ టైర్లు మంచి గ్రిప్‌ ఇస్తాయి. పెద్ద SUV అయినప్పటికీ హైవే మలుపుల్లో స్థిరంగా ఉంటుంది. బాడీ రోల్‌ బాగా నియంత్రణలో ఉంటుంది.</p>
<p>అదే సమయంలో, పెట్రోల్‌ వెర్షన్‌ కోసం ప్రత్యేకంగా తీసుకొచ్చిన టాప్‌ వేరియంట్‌ అయిన Accomplished Ultra ట్రిమ్‌, ఈ కారును ఫీచర్ల విషయంలో మరో స్థాయికి తీసుకెళ్లింది. ఈ ట్రిమ్‌లో ఉన్న 14.5 అంగుళాల QLED టచ్‌స్క్రీన్‌, డాల్బీ అట్మాస్‌ ఆడియో, డిజిటల్‌ IRVM‌, డ్యాష్‌క్యామ్‌, కెమెరా వాషర్స్‌ వంటి ఫీచర్లు డీజిల్‌ సఫారీలో లేవు.</p>
<p><strong>టాటా సఫారి పెట్రోల్‌ ప్రోస్‌ కాన్స్‌</strong></p>
<p>ఎర్గోనామిక్స్‌లో కొన్ని సమస్యలు<br />ఫీచర్లు ఎక్కువ ఉన్నప్పటికీ, ఇంటీరియర్‌ ఎర్గోనామిక్స్‌లో కొన్ని సమస్యలు కొనసాగుతున్నాయి. వైర్‌లెస్‌ ఛార్జర్‌ పెట్టిన స్థానం చేతికి అందుబాటులో ఉండదు. డ్రైవర్‌ మోకాలు సెంటర్‌ కన్సోల్‌కు తగలడం అసౌకర్యంగా ఉంటుంది. డిజిటల్‌ డ్రైవర్‌ డిస్‌ప్లే లోపలికి వెళ్లింది, దీనివల్ల చిన్న అక్షరాలు చదవడం కష్టం.</p>
<p><iframe class="vidfyVideo" style="border: 0px;" src="https://telugu.abplive.com/web-stories/auto/toyota-fortuner-on-road-price-hyderabad-ex-showroom-price-know-details-here-231553" width="631" height="381" scrolling="no"></iframe></p>
<p>బయట డీజిల్‌తో పోలిక లేకపోవడం<br />డిజైన్‌ పరంగా పెట్రోల్‌ సఫారి డీజిల్‌ వెర్షన్‌లానే కనిపిస్తుంది. రెడ్‌ డార్క్‌ ఎడిషన్‌ మాత్రమే కొంత ప్రత్యేకంగా ఉంటుంది. మిగతా వేరియంట్లలో పెట్రోల్‌ అని గుర్తించేలా బ్యాడ్జింగ్‌ కూడా లేదు.</p>
<p><strong>చివరిగా</strong></p>
<p>టాటా సఫారి పెట్రోల్‌ వెర్షన్‌ స్మూత్‌ డ్రైవ్‌, మంచి కంఫర్ట్‌, అధునాతన ఫీచర్లతో బలమైన ప్యాకేజీగా కనిపిస్తోంది. కొన్ని ఎర్గోనామిక్‌ లోపాలు ఉన్నప్పటికీ, పెద్ద పెట్రోల్‌ SUV కోరుకునే వారికి ఇది ఖచ్చితంగా పరిశీలించదగిన ఎంపిక. ధరలు వెల్లడైన తర్వాత దీని అసలు విలువ మరింత స్పష్టమవుతుంది.</p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
3 months ago
7 
