<p><strong>Hyundai i20 Price, Down Payment, Loan and EMI Details:</strong> మన ఆటోమొబైల్ మార్కెట్‌లో, ప్రీమియం హ్యాచ్‌బ్యాక్ విభాగాన్ని ఏలుతున్న మోడళ్లలో Hyundai i20 ముందు వరుసలో ఉంటుంది. అట్రాక్టివ్ డిజైన్, స్మార్ట్ క్యాబిన్ స్పేస్ & అడ్వాన్స్‌డ్ టెక్నాలజీతో ఈ కారు కుర్రకారును విపరీతంగా ఆకట్టుకుంటోంది. రోజువారీ సిటీ రైడింగ్‌తో పాటు లాంగ్ డ్రైవ్‌లకు ఇది పర్ఫెక్ట్ ఎంపికగా నిలిచింది. </p>
<p><strong>హ్యుందాయ్ i20 ప్రధాన ఫీచర్లు & స్పెసిఫికేషన్లు</strong></p>
<p>ఈ కారు1.2-లీటర్ కప్పా పెట్రోల్ ఇంజిన్‌తో వస్తుంది. ఇందులో 5-స్పీడ్‌ మాన్యువల్‌ & IVT (CVT) ఆటోమేటిక్‌ గేర్‌బాక్స్ ఆప్షన్లు అందుబాటులో ఉన్నాయి. 10.25 అంగుళాల హెచ్‌డీ టచ్‌స్క్రీన్ ఇన్‌ఫోటైన్‌మెంట్ సిస్టమ్, వాయిస్ ఎనేబుల్డ్ ఎలక్ట్రిక్ సన్‌రూఫ్, బోస్‌ 7-స్పీకర్ ప్రీమియం సౌండ్ సిస్టమ్, ఆంబియంట్ లైటింగ్, వైర్‌లెస్ ఛార్జింగ్ & బోస్‌ ఆడియో ఇంపాక్టివ్ సౌండ్ క్వాలిటీ ప్రత్యేక ఆకర్షణగా నిలుస్తాయి. సేఫ్టీ కోసం 6 ఎయిర్‌బ్యాగ్‌లు, ESC (ఎలక్ట్రానిక్ స్టెబిలిటీ కంట్రోల్) & TPMS (టైర్ ప్రెజర్ మానిటరింగ్ సిస్టమ్) స్టాండర్డ్‌గా లభిస్తాయి.</p>
<p><strong>హైదరాబాద్‌లో ఎక్స్-షోరూమ్ & ఆన్‌రోడ్ ధరలు</strong></p>
<p>హైదరాబాద్ నగరంలో హ్యుందాయ్ i20 బేస్ మోడల్ Era 1.2 Petrol ఎక్స్-షోరూమ్ ధర రూ. 5,99,700 నుంచి ప్రారంభమవుతుంది. దీనికి RTO రోడ్ టాక్స్, ఇన్సూరెన్స్ & ఇతర రుసుములు కలుపుకుని హైదరాబాద్‌లో ఆన్‌రోడ్ ధర సుమారు రూ. 7,35,685 అవుతుంది. టాప్ ఎండ్ వేరియంట్ Asta Opt IVT ఆన్‌రోడ్ ధర హైదరాబాద్ మార్కెట్లో రూ. 13,36,000 వరకు ఉంటుంది.</p>
<p><strong>విజయవాడలో ఎక్స్-షోరూమ్ & ఆన్‌రోడ్ ధరలు</strong></p>
<p>విజయవాడలో హ్యుందాయ్ i20 బేస్ మోడల్ Era 1.2 Petrol ఎక్స్-షోరూమ్ ధర రూ. 5,99,700. RTO రోడ్ టాక్స్, ఇన్సూరెన్స్ & ఇతర రుసుములు కలిపితే బెజవాడలో ఆన్‌రోడ్ ధర సుమారు రూ. 7,33,355 అవుతుంది. టాప్ ఎండ్ వేరియంట్ Asta Opt IVT ఆన్‌రోడ్ ధర హైదరాబాద్ మార్కెట్లో రూ. 13,33,000 వరకు ఉంటుంది.</p>
<p><strong>కనీస డౌన్‌పేమెంట్ & వడ్డీ రేట్లు</strong></p>
<p>కస్టమర్‌ సిబిల్‌ స్కోర్‌ను బట్టి, బ్యాంకులు & ఫైనాన్స్ కంపెనీలు కారు మొత్తం ఆన్‌రోడ్ ధరపై సుమారు 80% నుంచి 90% వరకు రుణం ఆఫర్‌ చేస్తున్నాయి. మంచి సిబిల్‌ స్కోర్‌ ఉంటే, కొనుగోలుదారులు కేవలం రూ.1.34 లక్షల కనీస డౌన్‌పేమెంట్‌తో బేస్ వేరియంట్‌ను కొనుగోలు చేయవచ్చు. ప్రస్తుతం SBI, HDFC, ICICI & యాక్సిస్ బ్యాంక్‌లు వార్షికంగా 8.5% నుంచి 14% మధ్య వడ్డీ తీసుకుంటున్నాయి.</p>
<p><strong>ఉదాహరణకు.. 10% వార్షిక వడ్డీ రేటుతో 5, 6, 7 ఏళ్ల EMI లెక్కింపు</strong></p>
<p>మీరు, రూ.1.34 లక్షల డౌన్‌పేమెంట్ కట్టి, మిగిలిన రూ.6 లక్షలను 10% వార్షిక వడ్డీ రేటుతో లోన్‌గా తీసుకుంటే, మీ రీపేమెంట్ వ్యవధిని బట్టి EMI వివరాలు:</p>
<p> 5 ఏళ్ల వ్యవధి (60 నెలలు): నెలకు సుమారు రూ. 12,734 చెల్లించాలి.<br /> 6 ఏళ్ల వ్యవధి (72 నెలలు): నెలకు సుమారు రూ. 11,103 చెల్లించాలి.<br /> 7 ఏళ్ల వ్యవధి (84 నెలలు): నెలకు సుమారు రూ. 9,950 చెల్లించాలి.</p>
<p>ఇది కూడా చదవండి: <a title="రూ.10 లక్షల లోపులో బలెనో - రూ.10.75 లక్షల ఆల్ట్రోజ్‌.. టెక్నాలజీ, ఫీచర్లలో ఏ కారు బెటర్‌?" href="https://telugu.abplive.com/auto/maruti-baleno-vs-tata-altroz-top-variant-features-price-details-in-telugu-259233" target="_self">రూ.10 లక్షల లోపులో బలెనో - రూ.10.75 లక్షల ఆల్ట్రోజ్‌.. టెక్నాలజీ, ఫీచర్లలో ఏ కారు బెటర్‌?</a></p>
<p>మీరు, రూ.2 లక్షల డౌన్‌పేమెంట్ కట్టి, మిగిలిన రూ.5.34 లక్షలను 10% వార్షిక వడ్డీ రేటుతో లోన్‌గా తీసుకుంటే, మీ EMI వివరాలు:</p>
<p> 5 ఏళ్ల వ్యవధి (60 నెలలు): నెలకు సుమారు రూ. 11,332 చెల్లించాలి.<br /> 6 ఏళ్ల వ్యవధి (72 నెలలు): నెలకు సుమారు రూ. 9,880 చెల్లించాలి.<br /> 7 ఏళ్ల వ్యవధి (84 నెలలు): నెలకు సుమారు రూ. 8,854 చెల్లించాలి.</p>
<p>మీరుల రూ.2 లక్షలు డౌన్‌పేమెంట్‌ చేసి, ఏడేళ్ల రుణ వ్యవధిని ఎంచుకుంటే, మీ EMI రూ.9,000 కంటే తక్కువే అవుతుంది. అయితే, ఎక్కువ కాల వ్యవధిని ఎంచుకున్నప్పుడు EMI తగ్గినప్పటికీ, చెల్లించాల్సిన మొత్తం వడ్డీ పెరుగుతుందని గుర్తుంచుకోండి.</p>
<p>కారు లోన్ తీసుకునే ముందు కనీసం 2-3 బ్యాంకుల ప్రాసెసింగ్ ఫీజులు & ముందస్తు లోన్ ముగింపు (Preclosure) ఛార్జీలను సరిపోల్చుకోండి. మీ CIBIL Score 750 లేదా అంతకంటే ఎక్కువ ఉంటే అతి తక్కువ వడ్డీకే లోన్ పొందే అవకాశం ఉంటుంది.</p>
<p>ఇది కూడా చదవండి: <a title="మినిమమ్‌ డౌన్‌పేమెంట్‌, ఈజీ EMI ప్లాన్‌... TVS Orbiter ఎలక్ట్రిక్‌ స్కూటర్‌ మీ ఇంటి ముందుంటుంది!" href="https://telugu.abplive.com/auto/tvs-orbiter-hyderabad-price-features-ex-showroom-on-road-emi-details-telugu-259141" target="_self">మినిమమ్‌ డౌన్‌పేమెంట్‌, ఈజీ EMI ప్లాన్‌... TVS Orbiter ఎలక్ట్రిక్‌ స్కూటర్‌ మీ ఇంటి ముందుంటుంది!</a></p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
1 month ago
3 
