<p><strong>Best upcoming SUVs 2025</strong>: దసరా, దీపావళి పండుగ సీజన్‌ ఇండియన్‌ ఆటోమొబైల్ మార్కెట్‌కు మరింత ప్రత్యేకంగా ఉండబోతోంది. వచ్చే నెలలో (సెప్టెంబర్ 2025‌) మూడు మోడ్రన్‌ కార్లు రోడ్డు పైకి రాబోతున్నాయి, అవి - మారుతి సుజుకి ఎస్కుడో, మారుతి సుజుకి ఇ విటారా & టాటా పంచ్ ఫేస్‌లిఫ్ట్. ఈ కార్లన్నీ తమ కస్టమర్లకు అడ్వాన్స్‌డ్‌ టెక్నాలజీని, ఆశ్చర్యపరిచే ఫీచర్లను & బడ్జెట్-ఫ్రెండ్లీ ఆప్షన్స్‌ను అందించబోతున్నాయి. </p>
<p><strong>సెప్టెంబర్‌లో లాంచ్‌ కాబోతున్న కొత్త కార్లు</strong></p>
<p><strong>Maruti Suzuki Escudo</strong><br />మారుతి సుజుకి, సెప్టెంబర్ 2025లో, ఎస్కుడోను విడుదల చేయబోతోంది. ఈ SUV బ్రెజ్జా & గ్రాండ్ విటారా రేంజ్‌ మధ్యలో ఉంటుంది. అరెనా (ARENA) డీలర్‌షిప్‌ ద్వారా మారుతి సుజుకి ఎస్కుడో ను కొనవచ్చు. ఎస్కుడో ను గ్లోబల్-సి ఆర్కిటెక్చర్‌ ఆధారంగా నిర్మించారు. దీనిలో పెట్రోల్, CNG & హైబ్రిడ్ పవర్‌ట్రెయిన్ ఇంజిన్‌ ఎంపికలు అందుబాటులోకి వస్తాయి. దీని హైబ్రిడ్ వేరియంట్‌లో టయోటా 1.5 లీటర్ 3-సిలిండర్ ఇంజిన్‌ ఉంటుంది, ఇది 116 bhp పవర్‌ను & 141 Nm టార్క్‌ను ఇస్తుంది. లెవల్-2 ADAS, డాల్బీ అట్మాస్ ఆడియో సిస్టమ్, పవర్డ్ టెయిల్‌గేట్ & 10.25-అంగుళాల టచ్‌స్క్రీన్ వంటి మోడ్రన్‌ ఫీచర్లను ఎస్కుడో లో చూడవచ్చు. ఈ కారును తెలుగు రాష్ట్రాల్లో సుమారు రూ. 9.80 లక్షల నుంచి రూ. 18 లక్షల ‍‌(ఎక్స్‌-షోరూమ్‌) ధరతో లాంచ్‌ చేయవచ్చు.</p>
<p><strong>Tata Punch Facelift</strong><br />టాటా మోటార్స్ బ్రాండ్‌లో అత్యంత ప్రజాదరణ పొందిన కాంపాక్ట్ SUV పంచ్. దీని ఫేస్‌లిఫ్ట్ వెర్షన్ కూడా సెప్టెంబర్-అక్టోబర్ 2025 మధ్య విడుదల కానుంది. కొత్తగా వచ్చే పంచ్ డిజైన్ & ఇంటీరియర్ రెండింటిలోనూ ప్రధాన మార్పులు జరిగాయి. కొత్త పంచ్ ఫేస్‌లిఫ్ట్‌లో అప్‌డేటెడ్‌ హెడ్‌ల్యాంప్‌లు, కొత్త ఫ్రంట్ గ్రిల్ & కొత్త అల్లాయ్ వీల్స్ ఉంటాయి. ఇంటీరియర్‌లోనూ పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ డ్రైవర్ డిస్‌ప్లే & ఆరు ఎయిర్‌బ్యాగ్‌లు వంటి అధునాతన భద్రతలు ఉంటాయి. దీని ఇంజిన్ ప్రస్తుత మోడల్ మాదిరిగానే ఉంటుంది, ఇది 1.2 లీటర్ పెట్రోల్ ఇంజిన్‌ను కలిగి ఉంటుంది, ఇది 86 bhp పవర్ & 113 Nm టార్క్‌ను ఇస్తుంది. పంచ్ ఫేస్‌లిఫ్ట్ CNG వేరియంట్‌లో కూడా అందుబాటులో ఉంటుంది. ఆంధ్ర, తెలంగాణ రాష్ట్రాల్లో దీనిని ధర రూ. 6 లక్షల నుంచి రూ. 10 లక్షల ‍‌మధ్య (ఎక్స్‌-షోరూమ్‌ ధర) లాంచ్ చేయవచ్చు.</p>
<p><strong>Maruti e Vitara</strong><br />మారుతి సుజుకి తొలి ఎలక్ట్రిక్ SUV e Vitara కూడా సెప్టెంబర్ 2025లోనే విడుదల కానుంది. టయోటా సహకారంతో అభివృద్ధి చేసిన e-HEARTECT ప్లాట్‌ఫామ్ ఆధారంగా ఈ కారును రూపొందించారు. e Vitara లో రెండు బ్యాటరీ ఎంపికలు ఉంటాయి - 49kWh & 61kWh. ఈ కారు టాప్ వేరియంట్ దాదాపు 174 bhp శక్తిని & 500 km డ్రైవింగ్‌ రేంజ్‌ను అందిస్తుంది. Y- ఆకారపు DRLs, LED హెడ్‌ల్యాంప్‌లు, 18-19 అంగుళాల అల్లాయ్ వీల్స్ & కనెక్టెడ్‌ LED టెయిల్‌ల్యాంప్‌లు వంటి ఫీచర్లు ఈ కారులో కనిపిస్తాయి. ఇంటీరియర్‌లో లెవల్-2 ADAS, 10.25-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 360-డిగ్రీ కెమెరా & వెంటిలేటెడ్ సీట్లు వంటి ప్రీమియం అప్పీల్‌ ఉంటుంది. e Vitara ధర రూ. 17 లక్షల నుంచి రూ. 22.50 లక్షల వరకు ఉంటుంది. ఇ-విటారా.. హ్యుందాయ్ క్రెటా EV, టాటా కర్వ్ EV & MG ZS EV లకు పోటీగా మార్కెట్‌లోకి వస్తోంది.</p>
3 months ago
3 
