<p>AP Youth Trapped in Myanmar | అమరావతి: పొట్టకూటి కోసం విదేశాలకు వెళ్లి అక్కడ యజమానులు, మధ్యవర్తుల చేతిలో మోసపోతున్న వారికి ఏపీ ప్రభుత్వం అండగా నిలుస్తోంది. బాధితుల నుంచి ఫిర్యాదులు, వీడియోలు సోషల్ మీడియాలో వైరల్ కావడంతో వెంటనే స్పందించి వారిని ఆంధ్రప్రదేశ్ కు రప్పించేందుకు మంత్రి నారా లోకేష్ తీవ్రంగా కృషి చేశారు. ఇటీవల విదేశాల్లో చిక్కుకున్న కొందరు మహిళల్ని, కార్మికుల్ని విదేశాంగ శాఖ సాయంతో స్వదేశానికి రప్పించి ఆదుకున్నారు. తాజాగా మయన్మార్‌లో చిక్కుకున్న వారి సమస్యపై స్పందించారు.</p>
<p>బ్యాంకాక్ ఉద్యోగాల పేరుతో మోసపోయి మయన్మార్‌లో చిక్కుకున్న ఆంధప్రదేశ్ యువతకు రాష్ట్ర ప్రభుత్వం పూర్తి అండగా ఉంటుందని రాష్ట్ర ఐటీ, సమాచార శాఖ మంత్రి నారా లోకేష్ భరోసా ఇచ్చారు. బాధితులను సురక్షితంగా తమ స్వస్థలాలకు తిరిగి రప్పించడానికి అవసరమైన అన్ని చర్యలు వేగవంతంగా చేపట్టాలని ఆయన ఏపీ భవన్ అధికారులను ఆదేశించారు. మయన్మార్‌లో చిక్కుకున్న మన యువతను సేఫ్‌గా రాష్ట్రానికి తీసుకురావడమే ప్రభుత్వ ప్రధాన ప్రాధాన్యత అని మంత్రి స్పష్టం చేశారు.</p>
<blockquote class="twitter-tweet">
<p dir="ltr" lang="en">I understand your distress and concern. I will take up the matter with the concerned authorities to ensure that all necessary assistance is provided for their safe return. <a href="https://x.com/OfficeofNL?ref_src=twsrc%5Etfw">@OfficeofNL</a> will coordinate. <a href="https://t.co/vShQxru62t">https://t.co/vShQxru62t</a></p>
— Lokesh Nara (@naralokesh) <a href="https://x.com/naralokesh/status/2086788143056118038?ref_src=twsrc%5Etfw">August 10, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p>ఈ సందర్భంగా సైబర్ నేరగాళ్లు విసిరే ఉద్యోగాల మోసపు వలల్లో పడి యువత తమ జీవితాలను బలి చేసుకోవద్దని మంత్రి నారా లోకేష్ హెచ్చరించారు. విదేశాలలో ఉద్యోగాల పేరుతో వచ్చే అనుమానాస్పద ఆఫర్ల పట్ల ప్రతి ఒక్కరూ ఎల్లప్పుడూ అప్రమత్తంగా ఉండాలని, పూర్తి వివరాలు తెలుసుకున్న తర్వాతే ముందడుగు వేయాలని ఆయన సూచించారు.</p>
<p>బ్యాంకాక్‌లో ఉద్యోగం పేరుతో తీసుకెళ్లి వీరిని అక్రమంగా మయన్మార్‌కు తరలించారు. అక్కడ ఫ్రాడ్ పని చేయమని బలవంతం చేసి, నిరాకరించడంతో శారీరకంగా హింసించారని ఆవేదన వ్యక్తం చేశారు. డబ్బులు చెల్లించిన తర్వాత మయ్ సాట్, థాయ్‌లాండ్‌లో వదిలేశారని.. మేము ఇక్కడ చిక్కుకుపోయామని ఆదుకోవాలని వీడియో రిలీజ్ చేశారు. మా కుటుంబం తీవ్ర ఆందోళనలో ఉంది అంటూ లోకేష్ అన్న వాళ్లని సేవ్ చేయండి అని ఎక్స్ వేదికగా కోరగా.. వెంటనే స్పందించిన మంత్రి వారిని సురక్షితంగా తీసుకొస్తామని మాటిచ్చారు.</p>
2 months ago
5 
