<p><strong>Mahindra XUV 7XO Launch Date:</strong> 2026లో, తన ఫ్లాగ్‌షిప్‌ ICE SUV అయిన XUV700కి భారీ అప్‌డేట్‌ను (ఫేస్‌లిఫ్ట్‌ వెర్షన్‌) తీసుకురానుంది మహీంద్రా. ఈ కొత్త వెర్షన్‌ “XUV 7XO” పేరుతో జనవరి 5న అధికారికంగా పరిచయం కానుంది. ఇప్పటికే టీజర్లు విడుదలవడంతో ఈ SUVపై ఆసక్తి మరింత పెరిగింది. మధ్యస్థాయి కుటుంబాలకు, లాంగ్‌ హైవే ప్రయాణాలు చేసేవారికి, ప్రీమియం ఫీచర్లను కోరుకునే కొనుగోలుదారులకు XUV 7XO బాగా దృష్టిని ఆకర్షిస్తోంది.</p>
<p><strong>ధరలు ఎలా ఉండొచ్చు?</strong></p>
<p>ప్రస్తుతం అమ్ముడవుతున్న XUV700 ధరలు ₹13.66 లక్షల నుంచి ₹23.71 లక్షల వరకు ఉన్నాయి (ఎక్స్‌-షోరూమ్‌). కొత్త మోడల్‌, అప్‌డేటెడ్‌ ఫీచర్లు, సంవత్సరాంతర ఖర్చుల పెరుగుదల వంటివన్నీ కలిపితే, XUV 7XO ధరలు ₹14 లక్షల నుంచి ₹25 లక్షల వరకు ఉండే అవకాశం ఎక్కువగా ఉంది. ఈ ధరల శ్రేణిలో, ఇది, Hyundai Alcazar & Tata Safari కేటగిరీలో బలమైన పోటీదారుగా నిలుస్తుంది.</p>
<p><strong>ఇంజిన్‌ & గేర్‌బాక్స్‌లో ఏంటి కొత్తదనం?</strong></p>
<p>XUV 7XOలో కూడా XUV700లో ఉన్నట్లే 4 రకాల పవర్‌ట్రెయిన్‌లు వస్తాయి.</p>
<p>2.0-లీటర్‌ టర్బో పెట్రోల్‌ ఇంజిన్‌: 200hp పవర్‌, 380Nm టార్క్‌</p>
<p>6-స్పీడ్‌ మాన్యువల్‌, 6-స్పీడ్‌ ఆటోమేటిక్‌ ఆప్షన్‌</p>
<p>2.2-లీటర్‌ డీజిల్‌ ఇంజిన్‌: 185hp వరకు పవర్‌, 450Nm వరకు టార్క్‌</p>
<p>డీజిల్‌ వేరియంట్‌లో AWD ఆప్షన్‌ కూడా వచ్చే అవకాశం ఉంది.</p>
<p>ఇంజిన్‌లో పెద్ద మార్పులు చేయకపోయినా, ట్యూనింగ్‌లో కొన్ని మెరుగుదలలు చేసి మరింత స్మూత్‌ డ్రైవింగ్‌ అనుభవం ఇవ్వొచ్చని ఆటో ఎక్స్‌పర్ట్‌లు అంచనా వేస్తున్నారు.</p>
<p><strong>బాహ్య రూపంలో వచ్చే మార్పులు ఏంటి?</strong></p>
<ul>
<li>డిజైన్‌ విషయంలో XUV700 స్టైల్‌ కొనసాగుతుంది.</li>
<li>కొత్త గ్రిల్‌ డిజైన్‌</li>
<li>XEV 9S మాదిరి C-షేప్‌ DRLs</li>
<li>వెనుక భాగంలో LED లైట్‌బార్‌ స్టైల్‌</li>
<li>షార్ప్‌ స్టైల్‌ బంపర్‌లు</li>
<li>కొత్త అల్లాయ్‌ వీల్స్‌ డిజైన్‌</li>
</ul>
<p>ఇవన్నీ ఈ SUVని కొత్త తరహా లుక్‌తో తీసుకొస్తాయి. అయితే మొత్తం సిల్హౌట్‌ను (ఓవరాల్‌ బాడీ) మాత్రం మార్చకుండా అదే విధంగా కొనసాగిస్తుండటం గమనించదగ్గ విషయం.</p>
<p><strong>ఇంటీరియర్‌లో పెద్ద అప్‌డేట్‌ ఇదే</strong></p>
<ul>
<li>XUV 7XO ఇంటీరియర్‌లో అత్యంత ముఖ్యమైన మార్పు 3-స్క్రీన్‌ లేఅవుట్‌.</li>
<li>12.3 ఇంచుల డ్రైవర్ డిస్‌ప్లే</li>
<li>12.3 ఇంచుల సెంటర్‌ టచ్‌స్క్రీన్‌</li>
<li>12.3 ఇంచుల ప్యాసింజర్‌ స్క్రీన్‌</li>
</ul>
<p>ఈ లగ్జరీ ఇంటీరియర్‌ సెటప్‌ ఈ SUVని మరింత ప్రీమియం లుక్‌తో చూపిస్తుంది. అదనంగా,</p>
<ul>
<li>మెరుగైన కేబిన్‌ మెటీరియల్స్‌</li>
<li>కొత్త కలర్‌ థీమ్స్‌</li>
<li>సౌకర్యానికి సంబంధించిన కొన్ని కొత్త ఫీచర్లు చేర్చే అవకాశం ఉంది.</li>
</ul>
<p><strong>సేఫ్టీ ఫీచర్లలో పెద్ద అప్‌డేట్‌</strong></p>
<p>టాప్‌ వేరియంట్‌లలో Level-2 ADAS తప్పకుండా ఉంటుంది. ఎమర్జెన్సీ బ్రేకింగ్, లేన్ అసిస్ట్, అడాప్టివ్ క్రూయిజ్ వంటి ఫీచర్లు ఉంటాయని అంచనా. కొన్ని మహీంద్రా మోడల్స్‌ Bharat NCAPలో 5-స్టార్‌ రేటింగ్‌లతో మంచి మార్కులు తెచ్చుకున్నాయి. XUV 7XO కూడా అదే రేంజ్‌లో ఉండవచ్చని భావిస్తున్నారు.</p>
<p><iframe class="vidfyVideo" style="border: 0px;" src="https://telugu.abplive.com/web-stories/auto/tata-sierra-vs-maruti-grand-vitara-which-suv-is-better-in-terms-of-mileage-features-price-229465" width="631" height="381" scrolling="no"></iframe></p>
<p><strong>సీటింగ్‌ ఆప్షన్లు</strong></p>
<p>5-సీటర్‌ వేరియంట్‌ వచ్చే అవకాశాలపై ఇప్పటివరకు క్లారిటీ లేదు. కానీ.. 6-సీటర్‌, 7-సీటర్‌ ఆప్షన్లు మాత్రం ఖచ్చితంగా ఉంటాయి.</p>
<p><strong>పోటీకార్లు</strong></p>
<p>3-వరుసల SUV సెగ్మెంట్‌లో XUV 7XO బలమైన పోటీ ఇస్తుంది. ముఖ్యంగా... Hyundai Alcazar, Tata Safari, MG Hector Plus కు గట్టి కాంపిటీటర్‌ అవుతుంది.</p>
<p><br /><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
4 months ago
9 
