YSRCP Assembly March: అసెంబ్లీ ముట్టడికి వైసీపీ ప్లాన్? డీఎస్సీలో అక్రమాలు జరిగాయనే చర్చ జనాల్లోకి తీసుకెళ్లేందుకు వ్యూహం?

<p><strong>YSRCP Assembly March:&nbsp;</strong>ఆంధ్రప్రదేశ్&zwnj;లో డీఎస్సీలో అక్రమాలు జరిగాయని వైసీపీ ఆందోళనలు చేస్తోంది. డీఎస్సీ నియామక ప్రక్రియ పూర్తై ఏడాది దాటిపోయింది. అయినా నీట్&zwnj;పై సీజేపీ చేపట్టిన ఉద్యమాన్ని స్ఫూర్తిగా తీసుకొని ఇక్కడ పోరుబాట పట్టింది. మొదట్లో దీన్ని ఆ పార్టీ నేతలే సీరియస్&zwnj;గా తీసుకోలేదు. వారు చేసిన ఆరోపణలపై విద్యాశాఖాధికారులు కేస్&zwnj;లు వారీగా వివరణ ఇచ్చారు. నీట్&zwnj; లీకేజీలో ధర్మేంద్ర ప్రధాన్&zwnj;తో రాజీనామా చేయించడంలో సీజేపీ విజయవంతమైంది. జెన్జీలు చేపట్టిన పోరు విజయవంతం కావడంతో వైసీపీలో కదలిక వచ్చింది. అందుకే వారు చేసిన పోరాటాన్ని రాష్ట్రంలో మక్కీకి మక్కీ దించేస్తున్నారు.&nbsp;</p> <p>డీఎస్సీలో స్పోర్ట్స్ కోటాలో అక్రమాలు జరిగాయన్న ఆరోపణలతో వైసీపీ చేస్తున్న రోజు రోజుకు ఉద్ధృతం చేస్తోంది. జెన్&zwnj;జీలు కేంద్రమంత్రి ధర్మేంద్ర ప్రధాని రాజీనామాకు పట్టుబడితే వైసీపీ వాళ్లు కూడా మంత్రి నారా లోకేష్&zwnj; రాజీనామా చేయాలని డిమాండ్ చేస్తున్నారు. అయితే ఢిల్లీ వీధుల్లో యువతరం పోటెత్తితే, వైసీపీ ధర్నాలు, ఆందోళనల్లో ఎక్కడా యువతరం కనిపించకపోవడాన్ని ప్రత్యర్థులు ఎద్దేవా చేస్తున్నారు. కనీసం డీఎస్సీ రాసిన అభ్యర్థులైనా రోడ్లపైకి రావడం లేదని ఆరోపిస్తున్నారు. ప్రభుత్వం ఎన్ని వివరణలు ఇస్తున్నా, ఎన్ని విమర్శలు వస్తున్నా వైసీపీనేతలు మాత్రం వెనక్కి తగ్గడం లేదు.&nbsp;</p> <p>ఇప్పటి వరకు వీధి పోరాటాలు చేస్తూ వచ్చిన వైసీపీ ఇప్పుడు ఈ ఆరోపణలను దేశవ్యాప్తంగా చర్చనీయాంశంగా మార్చేందుకు ప్రయత్నాలు చేస్తున్నట్టు కనిపిస్తోంది. ఢిల్లీలో జెన్&zwnj;జీలు పార్లమెంట్&zwnj; భవన ముట్టడికి, జార్ఖండ్&zwnj;లో విద్యార్థులు అసెంబ్లీ మార్చ్&zwnj;కు పిలుపునిచ్చారు. ఇప్పుడు అదే మాదిరిగా వైసీపీ నేతలు కూడా అసెంబ్లీ ముట్టడికి పిలుపునిచ్చినా ఆశ్చర్యపోనవసరం లేదని విశ్లేషకులు చెబుతున్నారు. అలా పిలుపునిచ్చి డీఎస్సీలో అక్రమాలు జరిగాయనే ప్రచారాన్ని జనాల్లోకి తీసుకెళ్లాలని ఫలితంగా యువతరం రోడ్లుపైకి వచ్చేలా చేయాలని చూస్తున్నట్టు కనిపిస్తోంది.&nbsp;</p> <p>ఆగస్టు 17 నుంచి అసెంబ్లీ వర్షాకాల సమావేశాలు ప్రారంభంకానున్నాయి. అదే రోజు వైసీపీ కూడా అసెంబ్లీ ముట్టడికి పిలుపునిచ్చే ఛాన్స్ లేకపోలేదు. ఎలాగూ శాసనసభకు వైసీపీ ప్రజాప్రతినిధులు రావడం లేదు. కేవలం మండలి సమావేశాలకు మాత్రమే వస్తున్నారు. అక్కడ ఎలాగూ డీఎస్సీపై చర్చకు సభ్యులు పట్టుబట్టనున్నారు. అయితే శాసన సభలో కూడా తాము డిసైడ్ చేసిన ఎజెండా మాత్రమే చర్చకు వచ్చేలా ప్లాన్ చేస్తున్నట్టు తెలుస్తోంది.&nbsp;</p> <p>ఒకవేళ అసెంబ్లీ ముట్టడికి వైసీపీ పిలుపునిస్తే ఆ పార్టీకి చెందిన నేతలు, శేణులు యాక్టివ్ అవుతారు. దీంతో పోలీసులు వారిని అరెస్టులు చేయడం, ఎక్కడికక్కడ అదుపులోకి తీసుకోవడం, కట్టడి చేసే చర్యలు తీసుకుంటారు. ఇలాంటి ఘటనల్లో ఎక్కడైనా అనుకోని విధంగా ఏమైనా జరిగితే తమకు అనుకూలంగా మార్చుకోవచ్చని వైసీపీ స్కెచ్. ఇలాంటి పరిస్థితి వస్తే కచ్చితంగా దీనిపై అసెంబ్లీ అధికార పార్టీ స్పందించక తప్పని పరిస్థితి వస్తుంది.&nbsp;</p> <p>పార్లమెంట్ మార్చ్ చేపట్టే వరకు ఢిల్లీలోని జంతర్ మంతర్ వద్ద సీజేపీ,జెన్&zwnj;జీలు చేపట్టే ఉద్యమాన్ని ఎవరూ పెద్దగా పట్టించుకోలేదు. అక్కడ జరిగిన కాల్పులు, పోలీసులు ప్రవర్తించిన తీరు కారణంగానే ఆ ఉద్యమానికి అనూహ్యంగా మద్దతు లభించింది. అలాంటి పరిస్థితిని క్రియేట్ చేయగలిగితే కచ్చితంగా నియామకాల్లో ఏదో జరిగిందని ప్రచారం రాష్ట్రంలోనే కాకుండా &nbsp;దేశవ్యాప్తంగా జరుగుతుందని వైసీపీ ఆలోచనగా తెలుస్తోంది. ఇలా అన్ని రకాలుగా జెన్&zwnj;జీ ఉద్యమాన్ని ఫాలో అవుతున్న వైసీపీ, ఇప్పుడు ఈ విషయంలో కూడా అదే ప్లాన్ వర్కౌట్ చేయవచ్చని తెలుస్తోంది.&nbsp;</p> <p>అసెంబ్లీ సమావేశాలు తొలిరోజు ఎక్కువగా అధికార పార్టీ, అక్కడ అజెండాపై మీడియాలో చర్చ జరుగుతుంది. వైసీపీ అసెంబ్లీ ముట్టడికి పిలుపునిస్తే మాత్రం ప్రధాన మీడియాతోపాటు సోషల్ మీడియాలో కూడా ఆ పార్టీ ముట్టడి కార్యక్రమానికి ప్రయార్టీ లభిస్తుంది. ఇది కూడా తమకు కలిసి రావచ్చని వైసీపీ వ్యూహంగా కనిపిస్తోంది. అంతే కాకుండా మండలిలో ఇదే అంశంపై గట్టిగా పట్టుబట్టాలని నేతలు ఇప్పటికే నిర్ణయించినట్టు తెలుస్తోంది. మరోవైపు అసెంబ్లీ సమావేశాలు ఎన్ని రోజులు జరిగితే అన్ని రోజుల పాటు డీఎస్సీలో అక్రమాలు జరిగాయనే చర్చ జరిగేలా కార్యక్రమాలు చేపట్టనున్నారు.&nbsp;</p>