<p><strong>World Youngest Self Made Billionaires: </strong>ఇద్దరు భారతీయ-అమెరికన్లు ప్రపంచంలోనే అతి యువతరం సెల్ఫ్-మేడ్ బిలియనీర్లుగా మారారు. మార్క్ జుకర్ బెర్గ్ రికార్డును బద్దలు కొట్టారు. సిలికాన్ వ్యాలీలోని ముగ్గురు చిన్ననాటి స్నేహితులు – బ్రెండాన్ ఫూడీ , అదర్శ్ హిరేమథ్ , సూర్య మిధా తమ AI స్టార్టప్ 'మెర్కర్' ద్వారా ప్రపంచంలోనే అతి యువతరం సెల్ఫ్-మేడ్ బిలియనీర్లుగా మారారు. 22 ఏళ్ల వయస్సు కలిగిన వీరిలో ఇద్దరు భారతీయ-అమెరికన్లు. తమ స్టార్టప్‌కు $100 మిలియన్లు సుమారు రూ. 850 కోట్లు పెట్టుబడి సేకరించడంతో కంపెనీ విలువ $2 బిలియన్లు రూ. 17 వేల కోట్లు చేరింది. ప్రపంచంలోనే అతి యువతరం బిలియనీర్ మార్క్ జెకర్బర్గ్ 23 ఏళ్ల వయస్సులో ఫేస్‌బుక్ ద్వారా సాధించిన రికార్డును బద్దలు కొట్టినట్లయింది. </p>
<p>ఈ ముగ్గురు కాలేజీ డ్రాప్‌ఔట్లు – ఫూడీ, మిధా స్టాన్‌ఫోర్డ్‌ను, హిరేమథ్ UC బెర్క్లీని వదిలేసి – 2023లో మెర్కర్‌ను స్థాపించారు. ఈ స్టార్టప్ AI మోడల్స్‌ను మెరుగుపరచడానికి మానవుల సహాయంతో క్రౌడ్‌సోర్సింగ్ ఫీడ్‌బ్యాక్ అందిస్తుంది. ఆక్స్‌ఫర్డ్, గూగుల్, మెటా వంటి టాప్ కంపెనీలతో పార్ట్‌నర్‌షిప్‌లు కలిగి ఉన్న మెర్కర్, AI బూమ్‌లో వేగంగా పెరిగింది. "మేము AIని మెరుగుపరచడానికి మానవుల సృజనాత్మకతను ఉపయోగిస్తున్నాం" అంటూ సీఈఓ బ్రెండాన్ ఫూడీ చెబుతున్నారు.</p>
<p><strong>ముగ్గురు ఫౌండర్లు: చిన్నప్పటి స్నేహం నుంచి బిలియనీర్ జర్నీ</strong></p>
<p>సిలికాన్ వ్యాలీలోని సాన్ జోస్‌లోని బెల్లార్మిన్ కాలేజ్ ప్రిపరేటరీ లో 2017లో ముగ్గురూ కలిసి చదువుతూ స్నేహితులయ్యారు. భారతీయ-అమెరికన్ అదర్శ్ హిరేమథ్ <a title="కర్ణాటక" href="https://telugu.abplive.com/topic/Karnataka" data-type="interlinkingkeywords">కర్ణాటక</a>లో జన్మించి అమెరికాకు వలస వచ్చిన కుటుంబానికిచెందిన వారు. సూర్య మిధా పంజాబ్ నుంచి వచ్చిన కుటుంబానికి చెందిన వారు. వీరిద్దరూ AI, మెషిన్ లెర్నింగ్‌పై ఆసక్తి చూపారు. బ్రెండాన్ ఫూడీ (అమెరికన్) కూడా టెక్ ఆసక్తి ఎక్కువగా ఉన్న యువకుడు. కాలేజీలో చేరిన తర్వాత ముగ్గురూ AI ప్రాజెక్ట్‌లపై పని చేస్తూ, 2023లో మెర్కర్‌ను లాంచ్ చేశారు.</p>
<p> బ్రెండాన్ ఫూడీ (CEO స్టాన్‌ఫోర్డ్‌లో కంప్యూటర్ సైన్స్ చదువుతూ డ్రాప్‌ఔట్. మెర్కర్‌లో బిజినెస్, ఆపరేషన్స్‌ను హ్యాండిల్ చేస్తాడు. అదర్శ్ హిరేమథ్ (CTO) UC బెర్క్లీలో ఎలక్ట్రికల్ ఇంజనీరింగ్ & కంప్యూటర్ సైన్స్ చదువుతూ డ్రాప్‌ఔట్. AI మోడల్స్ డెవలప్‌మెంట్‌పై ఫోకస్. భారతీయ మూలాల వల్ల ఇండియన్ వర్క్ ఎథిక్స్ అని ప్రసిద్ధి చెందారు. సూర్య మిధా బోర్డ్ చైర్మన్ గా ఉన్నారు. స్టాన్‌ఫోర్డ్‌లో ఎకనామిక్స్ చదువుతూ డ్రాప్‌ఔట్ అయ్యారు. స్ట్రాటజీ, ఫండింగ్‌లో కీ రోల్. అతి పెద్ద భారతీయ-అమెరికన్ ఫ్యామిలీలో ఒకరు.తల్లిదండ్రులు టెక్ ఇండస్ట్రీలో పని చేస్తున్నారు. </p>
<p>ముగ్గురూ కాలేజీలో AI చాట్‌బాట్‌లు, మెషిన్ లెర్నింగ్ ప్రాజెక్ట్‌లు చేస్తూ స్టార్టప్ ఐడియా రూపొందించారు. "మేము చిన్నప్పటి స్నేహం నుంచి ఈ స్థాయికి చేరాం" అంటూ మిధా ట్వీట్ చేశాడు. 2023లో స్థాపించబడిన మెర్కర్, AI మోడల్స్ (చాట్‌జీపీటీ, గ్రాక్ వంటివి)ను మెరుగుపరచడానికి మానవుల నుంచి ఫీడ్‌బ్యాక్ సేకరిస్తుంది. క్రౌడ్‌వర్కర్లు AI రెస్పాన్స్‌లను రేట్ చేసి, మెరుగుదలలు సూచిస్తారు. ఈ మోడల్ వల్ల కంపెనీ $10 మిలియన్ ARR (ఆన్యువల్ రికరింగ్ రెవెన్యూ) చేరింది. ఆక్స్‌ఫోర్డ్ యూనివర్సిటీతో పార్ట్‌నర్‌షిప్‌లు, గూగుల్, మెటా వంటి టెక్ జెయింట్స్ క్లయింట్లు.</p>
<p>ఫండింగ్ రౌండ్‌లో $100 మిలియన్లు సేకరించడంతో కంపెనీ వాల్యుయేషన్ $2 బిలియన్లు చేరింది. ఈ పెట్టుబడి ముగ్గురు ఫౌండర్లకు ప్రతి ఒక్కరికీ $1 బిలియన్ (రూ. 8,500 కోట్లు) నెట్ వర్త్ ఇచ్చింది. Forbes 400 లిస్ట్‌లో వారు చేరడంతో, జెకర్బర్గ్ (23లో) రికార్డు బద్దలుకు వచ్చింది. మెర్కర్ టీమ్ 100 మంది ఉద్యోగులతో ఉంది. ముగ్గురు ఫౌండర్లు "AIని మరింత సేఫ్, ఎఫిషియంట్ చేయాలి" అని లక్ష్యం పెట్టుకున్నారు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/jobs/when-does-a-private-employee-become-eligible-for-gratuity-225428" width="631" height="381" scrolling="no"></iframe></p>
1 month ago
2 
