Vizag Tsunami 21 Years: మహాప్రళయం సునామీకి 21 ఏళ్లు - మరెప్పుడూ అలాంటి విపత్తు రాకూడదని మత్స్యకారుల ప్రత్యేక పూజలు

<p><br />Vizag Tsunami: తీరాన్ని సునామీ విషాదం కుదిపివేసి నేటికి సరిగ్గా &nbsp;21 ఏళ్లు పూర్తయ్యాయి. 2004 డిసెంబర్ 26న సంభవించిన ఆ భయంకరమైన సముద్ర ప్రళయం మిగిల్చిన చేదు జ్ఞాపకాలను గుర్తు చేసుకుంటూ, విశాఖ తీర ప్రాంత మత్స్యకారులు &nbsp;ఘనంగా నివాళులు అర్పించారు. నాటి విపత్తులో ప్రాణాలు కోల్పోయిన వారి ఆత్మకు శాంతి చేకూరాలని, భవిష్యత్తులో ఇలాంటి గండాల నుంచి తమను కాపాడాలని గంగమ్మ తల్లిని వేడుకున్నారు.</p> <p>విశాఖలోని &nbsp;పెదజాలరిపేట &nbsp;తీరంలో మత్స్యకార మహిళలు భారీ సంఖ్యలో తరలివచ్చి ప్రత్యేక పూజలు నిర్వహించారు. సముద్ర అలలకు పసుపు, కుంకుమలు సమర్పించి, గంగమ్మ తల్లికి మొక్కులు చెల్లించుకున్నారు. వేటకు వెళ్లే తమ కుటుంబ సభ్యులు, భర్తలు, కుమారులు అలల వేటుకు గురికాకుండా సురక్షితంగా ఒడ్డుకు చేరాలని కోరుకుంటూ మహిళలు చేసిన ఈ కుంకుమ పూజలు తీరప్రాంతంలో ఆధ్యాత్మిక వాతావరణాన్ని నింపాయి.</p> <p>2004 నాటి సునామీలో విశాఖ తీరంలోని మత్స్యకార గ్రామాలు చిగురుటాకులా వణికిపోయాయి. వేలాది మంది నిరాశ్రయులవ్వగా, ఎంతో మంది మత్స్యకారులు తమ జీవనోపాధిని కోల్పోయారు. ఆ గండం గడిచిన నాటి నుంచి ప్రతి ఏటా డిసెంబర్ 26ను మత్స్యకారులు ఒక భయానక రోజుగా పాటిస్తూనే, సముద్రుడిని శాంత పరచడానికి ఈ పూజా కార్యక్రమాలను ఆచారంగా కొనసాగిస్తున్నారు. సముద్రమే తమకు జీవనాధారమని, అది ఎప్పుడూ శాంతంగా ఉండాలని వారు ఆకాంక్షించారు.</p> <p>కేవలం పెదజాలరిపేటలోనే కాకుండా ఆర్&zwnj;కే బీచ్, వసోనిపల్లి, జాలరిపేట వంటి ఇతర తీర ప్రాంతాల్లోనూ మత్స్యకార సంఘాలు నివాళులర్పించాయి. నాటి సునామీలో మరణించిన వారి గుర్తుగా మౌనం పాటించి, పూల మాలలు సముద్రంలో విడిచారు. ప్రకృతి వైపరీత్యాల పట్ల అప్రమత్తంగా ఉండాలని, తీరప్రాంత భద్రతను ప్రభుత్వం ఎప్పటికప్పుడు పర్యవేక్షించాలని మత్స్యకార నాయకులు ఈ సందర్భంగా కోరారు.</p> <p>2004 డిసెంబర్ 26న సంభవించిన సునామీ ఉమ్మడి ఆంధ్రప్రదేశ్&zwnj;లోని 9 తీరప్రాంత జిల్లాల్లో పెను విధ్వంసాన్ని సృష్టించింది, ముఖ్యంగా కృష్ణా, గుంటూరు, ప్రకాశం , నెల్లూరు జిల్లాలపై దీని ప్రభావం తీవ్రంగా ఉంది. సుమారు &nbsp;100కు పైగా గ్రామాలు &nbsp;నీట మునిగిపోగా, అధికారిక లెక్కల ప్రకారం &nbsp;107 మంది ప్రాణాలు కోల్పోయారు. మరియు వేలాది మంది మత్స్యకారులు తమ ఇళ్లను, పడవలను, వలలను కోల్పోయి రోడ్డున పడ్డారు. అలల ఉధృతికి తీరప్రాంత వ్యవసాయ భూములు ఉప్పునీటిమయమై దెబ్బతినడమే కాకుండా, సముద్రంపైనే ఆధారపడి బతికే మత్స్యకార కుటుంబాల ఆర్థిక పరిస్థితిని ఈ ప్రళయం అతలాకుతలం చేసింది.&nbsp; &nbsp; &nbsp; &nbsp; &nbsp; &nbsp;&nbsp;</p> <blockquote class="twitter-tweet"> <p dir="ltr" lang="te">గుంటూరును వణికించిన సునామీ 21 ఏళ్లు డిసెంబర్ 26..ఈ తేదీ వినగానే తీరప్రాంత వాసుల గుండెల్లో అలజడి రేగుతుంది.ప్రపంచాన్ని వణికించిన 2004 "సునామీ" విలయానికి నేటితో 21 ఏళ్లు పూర్తయ్యాయి. సూర్యలంక, నిజాంపట్నం,చీరాల వాడరేవు తీరాల్లో ఆనాడు ఎగసిన అలలు సృష్టించిన విధ్వంసం ఆస్తి, ప్రాణ నష్టం <a href="https://t.co/SENvvHFJs1">pic.twitter.com/SENvvHFJs1</a></p> &mdash; 𝐒𝐢𝐯𝐚 ᴺᴮᴷ✌͛️͛✌͛️͛ (@siva_chowdary93) <a href="https://twitter.com/siva_chowdary93/status/2004415516946190517?ref_src=twsrc%5Etfw">December 26, 2025</a></blockquote> <p>మొత్తానికి, 21 ఏళ్లు గడిచినా ఆ భయంకర జ్ఞాపకం ఇంకా మత్స్యకారుల కళ్లముందే కదలాడుతోంది. కన్నీరు, భక్తి, విశ్వాసం కలబోసిన ఈ పూజా కార్యక్రమాలు విశాఖ సముద్ర తీరంలో కదిలించే దృశ్యాలను ఆవిష్కరించాయి.</p> <p><iframe class="vidfyVideo" style="border: 0px;" src="https://telugu.abplive.com/web-stories/news/why-was-a-statue-of-south-korean-queen-hyo-hwang-ok-installed-in-ayodhya-232175" width="631" height="381" scrolling="no"></iframe></p>