<p><strong>Vizag Software Engineer Dead in Mussoorie: </strong>ఉత్తరాఖండ్‌లోని ప్రసిద్ధ పర్యాటక ప్రాంతం ముస్సోరిలో ఘోరం జరిగింది. విశాఖపట్నం చినముషిడివాడకు చెందిన సాఫ్ట్‌వేర్ ఇంజినీర్ పి. రాధా గాయత్రి ఒక హోటల్‌లో అనుమానాస్పద స్థితిలో మృతి చెందడం స్థానికంగా, స్వస్థలంలో తీవ్ర కలకలం రేపింది. భర్తతో కలిసి సరదాగా గడిపేందుకు వెళ్లిన యువతి.. ఇలా శవమై తిరిగొస్తుందని ఊహించని కుటుంబ సభ్యులు తీవ్ర దిగ్భ్రాంతికి గురయ్యారు.</p>
<p><strong>పర్యాటక ప్రాంతంలో విషాదంగా ముగిసిన హాలుడే </strong></p>
<p>విశాఖపట్నం చినముషిడివాడకు చెందిన పి. రాధా గాయత్రి వయసు 27 ఏళ్లు, భర్త సౌమ్య శ్రీచరణ్ తో కలిసి ఢిల్లీలో నివసిస్తున్నారు. గాయత్రి గురుగ్రామ్‌లోని ఒక ఐటీ సంస్థలో టెకీగా పనిచేస్తుండగా, భర్త శ్రీచరణ్ పుణెలో సాఫ్ట్‌వేర్ ఇంజినీర్‌గా పనిచేస్తున్నారు. వీరిద్దరికీ గతేడాది నవంబర్ 8న వివాహం జరిగింది. ఇటీవల హాలిడే ట్రిప్‌లో భాగంగా ఈ జంట జూన్ 13న రిషికేష్ వెళ్లారు. అక్కడ నుంచి జూన్ 14 రాత్రి ముస్సోరి-ధనౌల్తీ రోడ్డులోని ఒక హోమ్‌స్టేలో బ్లిస్ అనే రూమ్‌లోకి చెక్-ఇన్ అయ్యారు.</p>
<p><strong> హోటల్ గదిలో నగ్నంగా మృతదేహం.. ముక్కు నుంచి రక్తం! </strong></p>
<p>సోమవారం ఉదయం హోటల్ గదిలో గాయత్రి స్పృహ లేకుండా పడి ఉందంటూ పోలీసులకు అత్యవసర సమాచారం అందింది. ఘటనా స్థలానికి చేరుకున్న ముస్సోరి పోలీసులు, మెడికల్ సిబ్బంది ఆమె అప్పటికే మృతి చెందినట్లు ధృవీకరించారు. అయితే, ఘటన జరిగిన తీరు పలు అనుమానాలకు తావిస్తోంది. గాయత్రి మృతదేహం దుస్తులు లేకుండా గదిలోని ఫ్లోర్‌పై పడి ఉందని, బెడ్‌షీట్‌పై రక్తపు మరకలు ఉన్నాయని ముస్సోరి పోలీస్ స్టేషన్ ఇన్-ఛార్జ్ దేవేంద్ర సింగ్ చౌహాన్ మీడియాకు తెలిపారు. గదిలో రెండు ఖాళీ మద్యం సీసాలను కూడా పోలీసులు స్వాధీనం చేసుకున్నారు. </p>
<blockquote class="twitter-tweet">
<p dir="ltr" lang="en">Mystery surrounds the death of a 27-year-old Delhi woman at a homestay on the Mussoorie–Dhanaulti road.<br /><br />P. Radha Gayatri, who had travelled to Uttarakhand with her husband, was found unconscious inside their room at a homestay in Tipridhar on the morning of June 15. A 112… <a href="https://t.co/jplpNFlvrI">pic.twitter.com/jplpNFlvrI</a></p>
— Kumaon Jagran (@KumaonJagran) <a href="https://x.com/KumaonJagran/status/2066902225318760891?ref_src=twsrc%5Etfw">June 16, 2026</a></blockquote>
<p><strong>భర్త ఇచ్చిన స్టేట్‌మెంట్ ఏంటి? </strong></p>
<p>పోలీసుల ప్రాథమిక విచారణలో భర్త శ్రీచరణ్ ఇచ్చిన స్టేట్‌మెంట్ మరిన్ని ప్రశ్నలను లేవనెత్తుతోంది. ఆదివారం రాత్రి తామిద్దరం కలిసి గదిలో మద్యం సేవించామని, తెల్లవారుజామున 3:30 గంటల సమయంలో నిద్రపోయామని అతను తెలిపాడు. ఉదయం లేచి చూసేసరికి భర్తకు భార్య ఫ్లోర్‌పై అపస్మారక స్థితిలో కనిపించిందని, ఆమె ముక్కు, నోటి నుంచి రక్తం కారుతోందని పేర్కొన్నాడు. భర్త మాటల్లోని వాస్తవాలను నిర్ధారించుకునేందుకు పోలీసులు హోటల్ సిబ్బందిని, ఇతర గదుల్లోని పర్యాటకులను కూడా ప్రశ్నిస్తున్నారు. </p>
<blockquote class="twitter-tweet">
<p dir="ltr" lang="en"><a href="https://x.com/hashtag/WATCH?src=hash&ref_src=twsrc%5Etfw">#WATCH</a> | Dehradun, Uttarakhand: Mussoorie Circle Officer (CO) Jagdish Pant says, "We received a call on 112 stating that a couple was staying at a homestay in a place called Tipri on Dhanaulti Road. They had married seven months ago. At 10:00 am, we received a call reporting a… <a href="https://t.co/ZaKF8TRFBX">pic.twitter.com/ZaKF8TRFBX</a></p>
— ANI UP/Uttarakhand (@ANINewsUP) <a href="https://x.com/ANINewsUP/status/2066858901316981246?ref_src=twsrc%5Etfw">June 16, 2026</a></blockquote>
<p><strong>పోస్ట్‌మార్టం నివేదికపైనే ఆధారపడ్డ పోలీసులు </strong></p>
<p>ప్రస్తుతానికి పోలీసులు ఈ ఘటనను అనుమానాస్పద మృతిగా నమోదు చేసి దర్యాప్తు చేస్తున్నారు. శరీరంపై ఎలాంటి బాహ్య గాయాలు లేవని, ముక్కు నుంచి రక్తం రావడం వల్ల అంతర్గత గాయాలు ఏమైనా ఉన్నాయా అనేది పోస్ట్‌మార్టం నివేదికలోనే తేలుతుందని పోలీసులు తెలిపారు. కేసు అత్యంత సున్నితమైనది కావడంతో డెహ్రాడూన్‌లోని కొరోనేషన్ ఆసుపత్రిలో ప్రత్యేక వైద్యుల ప్యానెల్ చేత, వీడియో రికార్డింగ్ ద్వారా శవపరీక్ష నిర్వహించేలా ఆదేశాలు జారీ చేశారు.</p>
<p><strong> లోబీపీ కారణమా? దర్యాప్తు ముమ్మరం </strong></p>
<p>గాయత్రి మృతి వార్త తెలియడంతో విశాఖపట్నంలోని ఆమె కుటుంబ సభ్యులు హుటాహుటిన ఉత్తరాఖండ్‌కు బయలుదేరి వెళ్లారు. అయితే, ఇప్పటివరకు కుటుంబ సభ్యులు భర్తపై ఎలాంటి అధికారిక ఫిర్యాదు చేయలేదని పోలీసులు చెబుతున్నారు. గాయత్రి గత కొంతకాలంగా లో-బ్లడ్ ప్రెషర్ కు చికిత్స పొందుతోందని ప్రాథమికంగా తెలిసింది. కేవలం అనారోగ్య సమస్యల వల్లే మరణించిందా? లేక మరేదైనా కారణం ఉందా? అనేది ఫోరెన్సిక్ , పోస్ట్‌మార్టం నివేదికలు వస్తేనే పూర్తి స్పష్టత వస్తుందని డెహ్రాడూన్ సర్కిల్ ఆఫీసర్ మనోజ్ అస్వాల్ చెబుతున్నారు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/news/do-you-have-a-gas-connection-you-must-complete-this-kyc-by-june-30-250577" width="631" height="381" scrolling="no"></iframe></p>
4 months ago
2 
