<p>Vindhya Vishaka: తెలుగు బుల్లితెరపై, స్పోర్ట్స్ యాంకరింగ్‌లో తనకంటూ ప్రత్యేక స్థానాన్ని సంపాదించుకున్న వ్యాఖ్యాత వింధ్యా విశాఖ మేడపాటి. స్టార్ స్పోర్ట్స్ తెలుగు ఛానెల్ ద్వారా ఐపీఎల్, ప్రో కబడ్డీ హోస్ట్‌గా మిలియన్ల మంది క్రీడాభిమానులకు దగ్గరైంది. ఆమె రియల్ లైఫ్ విషయాలు, బిగ్ బాస్ ఎంట్రీ ఊహాగానాలు తెలుసుకుందాం. </p>
<h3>రియల్ లైఫ్ </h3>
<p>వింధ్యా విశాఖ సికింద్రాబాద్‌లో జన్మించింది. మారేడ్‌పల్లిలోని కస్తూర్బా గాంధీ కళాశాల నుంచి డిగ్రీ, ఉస్మానియా విశ్వవిద్యాలయం నుంచి ఎం.ఏ. (ఇంగ్లీష్) పూర్తి చేసింది. ఈమె తండ్రి ఎం. సత్తిరెడ్డి, తల్లి మమత చక్రవర్తి. వింధ్యకు విశాల్ కుమార్‌తో వివాహమైంది. </p>
<h3>కెరీర్ </h3>
<p>2011లో HMTVలో న్యూస్ రీడర్‌గా వింధ్యా విశాఖ తన ప్రయాణం ప్రారంభించింది. ఆ తర్వాత స్టార్ మా మ్యూజిక్‌లో ‘చాయ్ బిస్కట్’, జీ తెలుగులో ‘ఫ్యామిలీ సర్కస్’, ఈటీవీ ప్లస్‌లో ‘హంగామా’, ఈటీవీలో ‘నువ్వు రెడీ నేను రెడీ’ వంటి అనేక షోలకు యాంకర్‌గా వ్యవహరించింది. 2017లో స్టార్ స్పోర్ట్స్ నెట్‌వర్క్‌లో చేరి ఐపీఎల్ (IPL) టోర్నమెంట్‌ను తెలుగులో హోస్ట్ చేసిన తొలి మహిళా స్పోర్ట్స్ యాంకర్‌గా రికార్డు సృష్టించింది. ప్రో కబడ్డీ లీగ్, 2019 ఐసీసీ క్రికెట్ వరల్డ్ కప్‌లకు కూడా ప్రెజెంటర్‌గా మెప్పించింది. 2019 ఐపీఎల్ లో ఉత్తమ మహిళా వ్యాఖ్యాతగా 'పద్మోమోహన టీవీ అవార్డు'ను అందుకుంది.<br /><br />Also Read: <a title="బిగ్ బాస్ 10 తెలుగులోకి స్నో అక్క.. జోరుగా ప్రచారం.. మౌనీషా చౌదరి రియల్ లైఫ్ ఆసక్తికర విషయాలు" href="https://telugu.abplive.com/entertainment/bigg-boss/bigg-boss-telugu-10-will-viral-content-creator-snow-akka-mouneesha-chowdary-join-the-show-255865" target="_self">బిగ్ బాస్ 10 తెలుగులోకి స్నో అక్క.. జోరుగా ప్రచారం.. మౌనీషా చౌదరి రియల్ లైఫ్ ఆసక్తికర విషయాలు</a></p>
<h3>సోషల్ మీడియా </h3>
<p>2011 ఫ్యాషన్ బిగ్ బజార్ 'మిస్ కవర్ గర్ల్ హైదరాబాద్' రన్నరప్‌గా నిలిచింది వింధ్యా విశాఖ. సామాజిక కార్యక్రమాల్లో భాగంగా 'స్వేచ్ఛ వెల్ఫేర్ ఫౌండేషన్' స్థాపించి పలు సేవా కార్యక్రమాలు నిర్వహిస్తోంది. ఇన్‌స్టాగ్రామ్‌లో యాక్టివ్‌గా ఉంటూ ఫిట్‌నెస్, ఫ్యాషన్ డ్రెస్సింగ్, ఐపీఎల్ బిహైండ్ ద సీన్స్ (BTS) వీడియోలతో అభిమానులతో నిరంతరం కనెక్ట్ అయి ఉంటుంది. తన కెరీర్ మార్పు, సవాళ్లపై 'టెడ్ ఎక్స్' టాక్ ఇచ్చి ఎంతోమందికి ప్రేరణగా నిలిచింది.</p>
<p>Also Read: <a title="బిగ్ బాస్ బ్యూటీకి వేధింపులు... కంప్లైంట్‌తో ఎఫ్ఐఆర్ నమోదు" href="https://telugu.abplive.com/entertainment/bigg-boss/kannada-ex-contestant-aishwarya-sindogi-files-fir-over-online-harassment-deets-inside-254017" target="_self">బిగ్ బాస్ బ్యూటీకి వేధింపులు... కంప్లైంట్‌తో ఎఫ్ఐఆర్ నమోదు</a></p>
<h3>బిగ్ బాస్ 10 తెలుగు ఎంట్రీ</h3>
<p>బిగ్ బాస్ రాబోయే సీజన్ 10 కంటెస్టెంట్ల లిస్ట్‌లో వింధ్యా విశాఖ పేరు సోషల్ మీడియాలో, ఫిలిం నగర్ వర్గాల్లో బాగా ప్రచారంలో ఉంది. ఐపీఎల్ ద్వారా ఆమెకు ఉన్న మాస్ పాపులారిటీ, కమ్యూనికేషన్ స్కిల్స్ దృష్ట్యా బిగ్ బాస్ నిర్వాహకులు ఆమెను సంప్రదించినట్లు ప్రచారం సాగుతోంది. గతంలో కూడా పలు సీజన్ల సమయంలో ఆమె పేరు పరిశీలనకు వచ్చినప్పటికీ, స్పోర్ట్స్ షెడ్యూల్స్ కారణంగా బిగ్ బాస్ ఎంట్రీ సాధ్యపడలేదు. అయితే ఈసారి సీజన్ 10లో ఆమె హౌస్‌లోకి అడుగుపెట్టే అవకాశం ఉందనే ఊహాగానాలు గట్టిగా వినిపిస్తున్నప్పటికీ, దీనిపై ఆమె నుండి అధికారిక ప్రకటన రావాల్సి ఉంది. </p>
<p>Also Read: <a title=" బిగ్ బాస్ 10 తెలుగులోకి రచయిత్రి.. కడలి సత్యనారాయణ గురించి ఇంట్రెస్టింగ్ విషయాలు!" href="https://telugu.abplive.com/entertainment/bigg-boss/author-lyricist-kadali-satyanarayana-interesting-facts-and-bigg-boss-telugu-10-entry-rumors-255894" target="_self"> బిగ్ బాస్ 10 తెలుగులోకి రచయిత్రి.. కడలి సత్యనారాయణ గురించి ఇంట్రెస్టింగ్ విషయాలు!</a> </p>
2 months ago
4 
