<p>విజయవాడ: పాకిస్తాన్ ఇంటెలిజెన్స్ ఏజెంట్లతో సంబంధాలు కలిగి ఉండి, జాతీయ భద్రతకు తీవ్ర ముప్పుగా భావిస్తున్న ఇద్దరు వ్యక్తులను ఆంధ్రప్రదేశ్ కౌంటర్ ఇంటెలిజెన్స్ పోలీసులు అరెస్టు చేశారు. ఈ దేశద్రోహం ముప్పు వ్యవహారానికి సంబంధించి విజయవాడలో కేసు నమోదైంది. పోలీసు శాఖ ఆపరేషన్ ఫైర్‌వాల్ 2026 (Operation Firewall 2026) పేరుతో ఒక ప్రత్యేక ఆపరేషన్ చేపట్టింది. అందులో భాగంగా పాక్ ఏజెంట్లతో లింక్ ఉన్న ఇద్దరిని అరెస్ట్ చేసి వారి కుట్రను ఛేదించింది.</p>
<p>ఈ దర్యాప్తులో భాగంగా 13 మంది నేవీ సిబ్బందితో సహా మొత్తం 18 మంది అనుమానితులను ఇంటెలిజెన్స్ అధికారులు గుర్తించారు. వీరిని పట్టుకోవడానికి, వివరాలు సేకరించడానికి 12 ప్రత్యేక బృందాలను ఏర్పాటు చేశారు. ఇప్పటికే ఈ వ్యవహారంలో పోలీసులు ఇద్దరిని అరెస్టు చేశారు. ఇందులో సివిలియన్ కాంట్రాక్ట్ డ్రైవర్ అన్నం సాయి వరప్రసాద్‌ను విశాఖపట్నంలో అరెస్ట్ చేయగా, విశాఖ నేవీ బేస్‌లో పనిచేస్తున్న ప్రదీప్ ముఖర్జీని పోలీసులు తమిళనాడులో అదుపులోకి తీసుకున్నారు. అరెస్ట్ చేసిన ప్రదీప్‌ను విజయవాడ కోర్టులో హాజరుపరచగా, మేజిస్ట్రేట్ అతనికి ఈ నెల 14 వరకు రిమాండ్ విధించారు. అనంతరం పోలీసులు నిందితుడ్ని విజయవాడ జైలుకు తరలించారు. <br /><br /></p>
3 weeks ago
1 
