<p><strong>Vice president Election Procedure: </strong> దేశంలో సెకండ్ హయ్యస్ట్ ప్రోటోకాల్ ఉన్న వ్యక్తి ఉపరాష్ట్రపతి. ఉపరాష్ట్రపతిని పార్లమెంట్ సభ్యులు ఎన్నుకుంటారు. ఇందుకోసం రహస్య బ్యాలెట్ పద్దతిని ఉపయోగిస్తారు. అయితే ఈ ఓటువేసే విధానంలో ఎన్నికల కమిషన్ అందించేటువంటి ప్రత్యేకమైన పెన్నును వాడతారు. అది కాకుండా మరో పెన్ను వాడితే ఆ ఓటు చెల్లుబాటు కాదు.</p>
<p><strong>ఉపరాష్ట్రపతి ఎన్నికల ప్రక్రియ- How to Elect Vice President</strong></p>
<p>ఉపరాష్ట్రపతిని భారత రాజ్యాంగం (ఆర్టికల్ 63–71) ప్రకారం ప్రత్యేక విధానంలో ఎన్నుకుంటారు. ఉపరాష్ట్రపతి ఎన్నికలను భారత ఎన్నికల కమిషన్ నిర్వహిస్తుంది. ఎన్నికల మండలి (Electoral College) ఉపరాష్ట్రపతిని ఎన్నుకుంటుంది. ఇందులో రాజ్యసభ, లోక్‌సభలలోని అన్ని సభ్యులు (ఎన్నికైన వారూ, నామినేట్ అయిన వారూ) కలిసి వైస్ ప్రెసిడెంట్‌ను ఎన్నుకుంటారు. అయితే రాష్ట్రాల శాసనసభ సభ్యులకు ఓటు హక్కు ఉండదు. రాష్ట్రపతిని ఎన్నుకునేప్పుడు మాత్రం.. రాష్ట్రాల శాసనసభ సభ్యులు కూడా ఓట్లు వేస్తారు. రాష్ట్రాల జనాభా, అక్కడ ఉన్న ఎమ్మెల్యేల సంఖ్యను బట్టి ఒక్కో ఓటుకు ఒక్కో విలువ ఉంటుంది. అయితే ఉపరాష్ట్రపతి ఎన్నికలో ఎమ్మెల్యేలు ఓటు వేయరు కాబట్టి.. ఇప్పుడు దానిని పరిగణనలోకి తీసుకోవలసిన అవసరం లేదు.</p>
<p><strong>ఓటు విధానం</strong></p>
<ol>
<ul>
<li>సింగిల్ ట్రాన్స్‌ఫరబుల్ ఓట్ సిస్టమ్ (Single Transferable Vote System) ఉపయోగిస్తారు.</li>
<li> రహస్య బ్యాలెట్ ద్వారా ఓటు వేస్తారు. </li>
<li>ప్రతి సభ్యుడు తన అభ్యర్థుల ప్రాధాన్య క్రమాన్ని Priority (1, 2, 3 వంటివి) సూచిస్తారు.</li>
<li>మొత్తం చెల్లుబాటు అయ్యే ఓట్లలో 50% కంటే ఎక్కువ (అంటే “absolute majority”) పొందినవారు విజేతగా నిలుస్తారు.</li>
</ul>
</ol>
<p>అయితే ఈ ఎన్నికల కోసం ఎన్నికల కమిషన్ -EC కొన్ని పెన్నులను సరఫరా చేస్తుంది. బ్యాలెట్ పేపర్‌తో పాటే ఎన్నికల పోలింగ్ అధికారి ఈ పెన్నును ఓటర్లకు అందిస్తారు. ఈ పెన్ను ఇంక్‌ ద్వారా మాత్రమే ప్రాధాన్యతా ఓటును నమోదు చేయాలి. అభ్యర్థి ఎదురుగా తాము ఇవ్వదలచుకున్న ప్రాధాన్యతా క్రమాన్ని అంటే.. 1,2,3 ఇలా సంఖ్యలో రూపంలో ఇవ్వాలి. అలాంటి ఓటు మాత్రమే అర్హత పొందుతుంది. అర్హత సాధించిన ఓట్లలో 50శాతం ఓట్లను దాటిన వారు విజేతగా నిలుస్తారు.</p>
<p>ఉపరాష్ట్రపతికి అత్యున్నత గౌరవం ఉంటుంది. రాష్ట్రపతి తర్వాత దేశ రెండో పౌరునిగా ప్రోటోకాల్ ఉంటుంది. ఉపరాష్ట్రపతి రాజ్యసభకు చైర్మన్‌గా కూడా వ్యవహరిస్తారు. రాజ్యసభ సభ్యుడిగా ఎన్నికవడానికి ఎలాంటి అర్హతలు అవసరమో.. అవే ఇక్కడా వర్తిస్తాయి.</p>
2 months ago
3 
