<p><strong>Vande Bharat Sleeper Ticketing System:</strong> భారతీయ రైల్వే సుదూర ప్రయాణాలకు ఒక కొత్త శకానికి శ్రీకారం చుట్టేందుకు సిద్ధమవతోంది. వందే భారత్ ఎక్స్‌ప్రెస్ రైళ్ల ప్రవేశపెట్టిన తరువాత, వందే భారత్ స్లీపర్ రైళ్లు త్వరలో ప్రారంభమవుతాయి. రైల్వే బోర్డు వందే భారత్ స్లీపర్ కోసం టికెటింగ్ సిస్టమ్, ఛార్జీల నిర్మాణానికి సంబంధించిన అప్‌డేట్‌ విడుదల చేసింది. ఛార్జీలు, టికెటింగ్ సిస్టమ్ దేశంలోని ఇతర ప్రస్తుత రైళ్ల కంటే చాలా భిన్నంగా ఉంటుంది.</p>
<p>ఈ రైలు అత్యంత ప్రత్యేక లక్షణం ఏమిటంటే, RAC, వెయిటింగ్ లిస్ట్ లేదా పాక్షికంగా నిర్ధారించిన టిక్కెట్లు ఉండవు. ఈ రైలులో పూర్తిగా కన్ఫామ్ అయిన టిక్కెట్లు మాత్రమే ఇస్తామని రైల్వే స్పష్టంగా తెలిపింది. అంటే బుకింగ్ సమయంలో సీటు అందుబాటులో ఉందో లేదో నిర్ధారిస్తారు. ఇది మరింత ప్రణాళికాబద్ధమైన ప్రయాణాన్ని నిర్ధారిస్తుంది. ప్రయాణీకులకు చివరి నిమిషంలో టెన్షన్ లేకుండా ఉపశమనం కలిగిస్తుంది. టికెటింగ్ సిస్టమ్ ఎలా ఉంటుందో తెలుసుకోండి.</p>
<h3>వందే భారత్ స్లీపర్‌లో టికెటింగ్ సిస్టమ్ ఎలా ఉంటుంది?</h3>
<p>కొత్త రైల్వే నిబంధనల ప్రకారం, అడ్వాన్స్ రిజర్వేషన్ వ్యవధి ప్రారంభమైన వెంటనే వందే భారత్ స్లీపర్‌లో అన్ని బెర్త్‌ల బుకింగ్ కోసం ఓపెన్ చేస్తారు. RAC, వెయిటింగ్ లిస్ట్ లేదా పాక్షికంగా నిర్ధారించిన టిక్కెట్‌లు వంటి కేటగిరీలు ఏవీ ఉండవు. సాధారణ మాటల్లో చెప్పాలంటే, మీకు కన్ఫామ్ టికెట్ దొరకడం , టికెట్ దొరక్కపోవడం అనే రెండు ఆప్షన్‌లు మాత్రమే ఉంటాయి. రైలు చార్ట్ ప్రిపేర్ అయ్యే వరకు ఎదురు చూసే పరిస్థితి మంగళం పాడేశారు. </p>
<p>వెయిటింగ్ లిస్ట్ టికెట్‌తో చివరి వరకు బెర్త్ దొరుకుందా లేదా అనే టెన్షన్‌లో ఉంటూ ఇబ్బంది పడే ప్రయాణీకులకు ఇది ఉపశమనం కలిగిస్తుంది. మరోవైపు, చివరి నిమిషంలో టికెట్ పొందాలని ఆశించే వారికి ఇది కొంచెం సవాలుగా ఉంటుంది. అయితే, ఇది రద్దీ నిర్వహణను మెరుగుపరుస్తుందని, రైలు ప్రయాణ అనుభవాన్ని మరింత సౌకర్యవంతంగా మారుస్తుందని అంటున్నారు. </p>
<h3>ఛార్జీలు ఏమిటి?</h3>
<p>వందే భారత్ స్లీపర్ ఛార్జీలు కిలోమీటరుకు ఆధారపడి ఉంటాయి, కనిష్టంగా 400 కిలోమీటర్ల దూరం వసూలు చేస్తారు, మీరు తక్కువ దూరం ప్రయాణించినప్పటికీ. బేస్ రేటు 3AC కోసం కిలోమీటరుకు సుమారు ₹2.4, 2AC కోసం కిలోమీటరుకు ₹3.1 మరియు 1AC కోసం కిలోమీటరుకు ₹3.8, దీనికి GST అదనంగా వర్తిస్తుంది. </p>
<p>ఉదాహరణకు 400 కిలోమీటర్ల ప్రయాణానికి 3AC కోసం సుమారు ₹960, 2AC కోసం ₹1240, 1AC కోసం ₹1520 ఛార్జీలు ఉంటాయి. దూరం పెరిగే కొద్దీ ఛార్జీలు పెరుగుతాయి. ఈ ఛార్జీలు ప్రస్తుత తిరిగే రైళ్ల కంటే చాలా ఎక్కువని రైల్వే అధికారులు చెబుతున్నారు, అయితే ఇది ప్రీమియం సేవ, వేగవంతమైన ప్రయాణం, అప్‌గ్రేడ్ చేయబడిన సౌకర్యాలు పొందాలంటే ఈ స్థాయి ప్రైస్ చెల్లించాలని అంటున్నారు. </p>
3 months ago
6 
